ஆப்கானிஸ்தானுக்கு எதிரான 3 போட்டிகள் கொண்ட டி20 தொடரை இந்திய அணி கைப்பற்றியது. இந்தூரில் நடைபெற்ற இரண்டாவது டி20 ஆட்டத்தில் இந்திய அணி 6 விக்கெட் வித்தியாசத்தில் ஆப்கானிஸ்தானை வீழ்த்தியது. இந்த டி20 தொடரின் மூலம் இந்திய கேப்டன் ரோஹித் சர்மாவும் குறுகிய கிரிக்கெட்டில் மீண்டும் களமிறங்கியுள்ளார். மீண்டும் வரும் தொடரில் ரோஹித் அதிரடியான இன்னிங்ஸ் ஆடுவார் என ரசிகர்கள் நம்பிக்கையுடன் இருந்தனர். ஆனால், ஆப்கானிஸ்தானுக்கு எதிரான முதல் இரண்டு போட்டிகளிலும் ஒரு ரன் கூட எடுக்க முடியாத நிலையில், டி20 போட்டிகளில் கேப்டன் ரோஹித் சர்மாவின் இடம் கேள்விக்குறியாகியுள்ளது. இந்த ஆண்டு நடைபெறவுள்ள டி20 உலகக் கோப்பையைக் கருத்தில் கொண்டு, ரோஹித் சர்மா 14 மாதங்களுக்குப் பிறகு இந்திய டி20 அணிக்கு திரும்பினார். இதன் காரணமாக, 2023 ஒருநாள் உலகக் கோப்பை போன்று, டி20 உலகக் கோப்பையிலும் கேப்டன் பொறுப்பை ரோஹித் சர்மாவிடம் பிசிசிஐ வழங்கலாம் என்று நம்பப்பட்டது. ஆனால் தற்போதைய நிலவரத்தை பார்க்கும் போது கேப்டன் பதவி என்பது வெகு தொலைவில் உள்ள நிலையில் ரோஹித் சர்மாவுக்கு அணியில் இடம் கிடைக்குமா என்ற விவாதமே இப்போது தொடங்கியுள்ளது.
ஒருநாள் உலகக் கோப்பையில் சிறப்பான ஆட்டத்தை வெளிப்படுத்திய ரோஹித் சர்மா மீண்டும் நீண்ட நாட்களுக்கு பிறகு டி20 அணிக்கு திரும்பியுள்ளார். ஆனால், ஒருநாள் போட்டியில் காட்டிய அதே ஃபார்மை டி20யில் ரோஹித் சர்மாவால் காட்ட முடியவில்லை. மேலும், இலக்கைத் துரத்தும்போது ரோஹித் சர்மாவின் சாதனை மிகவும் வெட்கக்கேடானது. இதுவே வேறு எந்த வீரராக இருந்திருந்தால், இந்நேரம் அந்த வீரர் நீண்ட காலத்திற்கு முன்பே அணியில் இருந்து நீக்கப்பட்டிருப்பார். கடந்த 5 டி20 போட்டிகளில் ரோஹித் சர்மாவால் 4 முறை கூட ரன் எடுக்க முடியவில்லை. ரோஹித் சர்மா ஒருமுறை மட்டுமே ரன் அடித்துள்ளார். அதிலும் அவரது இன்னிங்ஸ் 4 ரன்களுக்குள் முடிந்தது.
Comeback Strong Rohit Sharma 🥺 pic.twitter.com/Ph0GC2QoXq
— RVCJ Media (@RVCJ_FB) January 16, 2024
டி20யில் கீழே போகும் ரோஹித்தின் கிராஃப்:
ரோஹித் ஷர்மாவின் டி20 வாழ்க்கை மிக நீண்டது. ஆப்கானிஸ்தானுக்கு எதிரான 2வது டி20 போட்டியில் களமிறங்கியதன் மூலம் 150 போட்டிகளில் விளையாடிய உலகின் முதல் வீரர் என்ற பெருமையை பெற்றார். ரோஹித் சர்மா 142 இன்னிங்ஸ்களில் 150 ஆட்டங்களில் 30.34 சராசரி மற்றும் 139.1 ஸ்ட்ரைக் ரேட்டில் 3853 ரன்கள் எடுத்துள்ளார். டி20யில் 29 அரைசதங்கள் அடித்துள்ள ரோஹித் சர்மா, நான்கு சதங்களையும் அடித்துள்ளார். ஆனால் கடந்த சில ஆண்டுகளாக டி20 போட்டிகளில் ரோஹித் ஷர்மாவின் ஃபார்மில் தொடர்ந்து சரிவு ஏற்பட்டுள்ளது.
டி20 உலகக் கோப்பையில் இந்திய அணி எப்படி இருக்கும் என்பது யாருக்கும் தெரியாது. கேப்டன்சியுடன், ஓப்பனிங் ஸ்லாட், மிடில் ஆர்டர் மற்றும் பந்துவீச்சு பிரிவு குறித்து எதுவும் முடிவு செய்யப்படவில்லை. ஆப்கானிஸ்தானுக்கு எதிரான டி20 தொடரில் ஹர்திக் பாண்டியா விளையாடாத பட்சத்தில் ரோஹித் சர்மாவுக்கு கேப்டன் பொறுப்பை அளிக்கலாம் என்று அவருக்கு வாய்ப்பு வழங்கப்பட்டுள்ளதாக கூறப்படுகிறது. இருப்பினும், ரோஹித் ஷர்மா தன்னை நிரூபிக்க இன்னும் வாய்ப்பு உள்ளது. ஐபிஎல் தொடரில் ரோகித் சர்மா சிறப்பாக செயல்பட்டால் அவருக்கு 2024 டி20 உலகக் கோப்பைக்கான இந்திய அணியில் கேப்டன் பதவி கிடைப்பது உறுதி.