<p class="p2">இந்தியாவிற்கு சுற்றுப்பயணம் மேற்கொண்டுள்ள இங்கிலாந்து அணி<span class="s1"> 5 </span>டெஸ்ட் போட்டிகள் கொண்ட தொடரில் விளையாடி வருகிறது<span class="s1">. </span>அதன்படி<span class="s1">, </span>முதல் போட்டியில் இந்திய அணியை<span class="s1"> 28 </span>ரன்கள் வித்தியாசத்தில் வீழ்த்தியது இங்கிலாந்து அணி<span class="s1">. </span></p>
<p class="p2">இரண்டாவது போட்டியில் இந்திய அணி<span class="s1"> 106 </span>ரன்கள் வித்தியாசத்தில் வெற்றி பெற்றது<span class="s1">. </span>இந்நிலையில் இந்தியா மற்றும் இங்கிலாந்து இடையேயான மூன்றாவது டெஸ்ட் போட்டி பிப்ரவரி<span class="s1"> 15 </span>ஆம் தேதி குஜராத் மாநிலம் ராஜ்கோட் சௌராஷ்டிரா கிரிக்கெட் சங்க மைதானத்தில் நடைபெற்றது<span class="s1">. இந்த போட்டியில் இந்திய அணி 434 ரன்கள் வித்தியாசத்தில் வெற்றி பெற்றது.</span></p>
<h2 class="p1"><strong>இளம் வீரர்களை புகழ்ந்த ரோகித் சர்மா:</strong></h2>
<p class="p2">இந்நிலையில் இந்திய அணியின் வெற்றி குறித்து கேப்டன் ரோகித் சர்மா பேசுகையில்<span class="s1">, “</span>டெஸ்ட் கிரிக்கெட்டில் விளையாடும் போது <span class="s1"> 2 – 3 </span>நாட்களுக்கு மேல் விளையாடுவதில்லை<span class="s1">. இப்போது </span>நாங்கள்<span class="s1"> 5 </span>நாட்களும் விளையாடுவதன் முக்கியத்துவத்தை புரிந்துள்ளோம்<span class="s1">. </span>அதில் நன்றாக<span class="s1"> </span>விளையாடிய நாங்கள், எதிரணி மீது அழுத்தம் காட்டினோம். எங்களுடைய பந்து வீச்சில் கிளாஸ் இருப்பதால் பொறுமையாக செயல்படுவோம் என்பதே என்னுடைய கருத்தாக இருந்தது<span class="s1">. </span>நிறைய அனுபவத்தைக் கொண்ட ஜடேஜாவுடன் இடது<span class="s1"> – </span>வலது கை கலவையை வேண்டுமென விரும்பியதால் சர்பராஸ் கானை களம் இறக்கினோம்<span class="s1">.</span></p>
<p class="p2">சர்பராஸ் கான் எப்படி விளையாடுவார் என்பதை பார்த்தோம்<span class="s1">. </span>அனைத்தையும் நாங்கள் கணக்கிட்டு பின்னர் அதற்கு தகுந்தார் போல் பேட்டிங் வரிசையில் செயல்பட்டோம்<span class="s1">. </span>நிறைய திருப்புமுனைகள் இருந்தது<span class="s1">. </span>இந்தியாவில் வெல்வதற்கு டாஸ் எவ்வளவு முக்கியம் என்பதை அறிவோம்<span class="s1">. </span>எங்களுடைய பந்து வீச்சாளர்கள் நிறைய போராட்டத்தை காண்பித்தனர்<span class="s1">. </span>இந்த நேரத்தில் முக்கிய பந்து வீச்சாளர்கள் இல்லாமல் நாங்கள் விளையாடினோம் என்பதை மறக்கக்கூடாது<span class="s1">. </span>பேட்டிங்கிலேயே பாதி வேலை முடிந்தது என்பதை நாங்கள் அறிவோம்<span class="s1">. </span>குறிப்பாக ஜெய்ஸ்வால் மற்றும் சர்பராஸ் கான் இருவரும் அசத்தினார்கள்<span class="s1">” </span>என்று கூறியுள்ளார்<span class="s1">. இச்சூழலில் இந்தியா மற்றும் இங்கிலாந்து அணிகள் மோதும் நான்காவது போட்டி பிப்ரவரி 24 ஆம் தேதி நடைபெற உள்ளது குறிப்பிடத்தக்கது.</span></p>
<h2 class="p2"><strong>அதிரடி காட்டிய இந்திய அணி:</strong></h2>
<p class="p2"><span class="s1">இந்த போட்டியில் டாஸ் வென்ற இந்திய அணி முதலில் பேட்டிங்கை தேர்வு செய்தது. </span>முதல் இன்னிங்ஸில் இந்திய அணி வீரர் ரோகித் சர்மா மற்றும் ரவீந்திர ஜடேஜா ஆகியோர் அதிரடியாக விளையாடி சதம் விளாசினார்<span class="s1">. </span>இதில்<span class="s1"> 196 </span>பந்துகள் களத்தில் நின்ற ரோகித் சர்மா<span class="s1"> 14 </span>பவுண்டரிகள்<span class="s1"> 3 </span>சிக்ஸர்கள் என மொத்தம்<span class="s1"> 131 </span>ரன்கள் குவித்தார்<span class="s1">. </span>அதேபோல்<span class="s1">, </span>ரவீந்திர ஜடேஜா<span class="s1"> 225 </span>பந்துகள் களத்தில் நின்று<span class="s1"> 9 </span>பவுண்டரிகள்<span class="s1"> 2 </span>சிக்ஸர்கள் என மொத்தம்<span class="s1"> 112 </span>ரன்களை குவித்தார்<span class="s1">.</span></p>
<p class="p2">இவ்வாறாக இந்திய அணி முதல் இன்னிங்ஸில்<span class="s1"> 445 </span>ரன்களை குவித்தது<span class="s1">. </span>பின்னர் களம் இறங்கிய இங்கிலாந்து அணி<span class="s1"> 319 </span>ரன்களை குவித்தது<span class="s1">. </span>இதில் அதிரடியாக விளையாடிய இங்கிலாந்து அணி வீரர் பென் டக்கெட்<span class="s1">151 </span>பந்துகள் களத்தில் நின்று<span class="s1"> 23 </span>பவுண்டரிகள்<span class="s1"> 2 </span>சிக்ஸர்கள் என மொத்தம்<span class="s1"> 153 </span>ரன்களை குவித்தார்<span class="s1">. </span>இந்த போட்டியில் டாம் ஹார்ட்லியின் விக்கெட்டை கைப்பற்றியதன் மூலம் தன்னுடைய<span class="s1"> 500-</span>வது விக்கெட்டை எடுத்தார் ரவிச்சந்திரன் அஸ்வின்<span class="s1">. </span></p>
<p class="p2">இந்நிலையில் இரண்டாவது இன்னிங்ஸை தொடங்கியது இந்திய அணி<span class="s1">. </span>இதில்<span class="s1"> 430 </span>ரன்களை எடுத்து இந்திய அணி டிக்ளர் செய்தது<span class="s1">. </span>அதிரடியாக விளையாடிய ஜெய்ஸ்வால் இரட்டை சதம் விளாசினார்<span class="s1">.</span>இச்சூழலில்<span class="s1"> 557 </span>ரன்கள் எடுத்தால் வெற்றி என்ற இலக்குடன் களம் இறங்கிய இங்கிலாந்து அணி வீரர்கள் சொற்பரன்களில் விக்கெட்டை பறிகொடுக்க இங்கிலாந்து அணி<span class="s1"> 122 </span>ரன்களில் அனைத்து விக்கெட்டுகளையும் இழந்தது<span class="s1">. </span>இவ்வாறாக இந்திய அணி<span class="s1"> 434 </span>ரன்கள் வித்தியாசத்தில் இங்கிலாந்து அணியை வீழ்த்தி வெற்றி பெற்றது<span class="s1">. </span>இதன்மூலம்<span class="s1"> 2-1 </span>என்ற கணக்கில் இந்திய அணி தொடரில் முன்னிலையில் உள்ளது<span class="s1">.</span></p>
<p class="p2"> </p>
<p class="p2"> </p>
<p class="p2"><span class="s1">மேலும் படிக்க: <a title="Ravichandran Ashwin: ”நாயகன் மீண்டும் வரார்” – மீண்டும் அணிக்கு திரும்பும் அஸ்வின்!" href="https://tamil.abplive.com/sports/cricket/ravichandran-ashwin-to-rejoin-team-india-day-4-ind-vs-eng-3rd-test-rajkot-bcci-india-vs-england-3rd-test-168180" target="_blank" rel="dofollow noopener">Ravichandran Ashwin: ”நாயகன் மீண்டும் வரார்” – மீண்டும் அணிக்கு திரும்பும் அஸ்வின்!</a></span></p>
<p class="p2"> </p>
<p class="p2"><span class="s1">மேலும் படிக்க:<a title="Ashwin: அஸ்வினுக்கு ஆதரவாக பிசிசிஐ வெளியிட்ட பதிவு; அப்படி என்ன சொன்னாங்கன்னு தெரியுமா?" href="https://tamil.abplive.com/sports/cricket/tweet-from-bcci-vice-president-rajeev-shukla-rajkot-test-to-chennai-to-be-with-ashwin-mother-168120" target="_blank" rel="dofollow noopener">Ashwin: அஸ்வினுக்கு ஆதரவாக பிசிசிஐ வெளியிட்ட பதிவு; அப்படி என்ன சொன்னாங்கன்னு தெரியுமா?</a></span></p>