வணிகம் மற்றும் வேலைவாய்ப்பை மையமாகக் கொண்ட சமூக ஊடக தளமான லிங்க்ட்-இன், தற்போது புதிய அம்சத்தை அறிமுகம் செய்ய உள்ளது. புதிய அம்சமாக குறுகிய வடிவ வீடியோ பதிவு செய்யலாம் என தெரிவிக்கப்பட்டுள்ளது. அதற்கான பணிகள் மேற்கொள்ளப்பட்டு வருகிறது. இன்ஸ்டாகிராம் மற்றும் டிக்டாக் போன்ற தளங்களின் வெற்றியில் இருந்து உத்வேகம் பெற்ற, லிங்க்ட்-இன், ரீல்ஸ் போன்ற வீடியோ அம்சத்தை அறிமுகப்படுத்த உள்ளது. டெக் க்ரஞ்ச் (tech crunch) நிறுவனம் இந்த பணிகளை மேற்கொண்டு வருவதாக தெரிவிக்கப்பட்டுள்ளது. இதனை லிங்க்ட்-இன் உறுதி செய்துள்ளது.
வீடியோ ஆப்ஷன்:
சமூக வலைத்தளங்களில் இன்று மிகவும் பிரபலமாக இருப்பது short வீடியோக்கள். இதன் காரணமாக தற்போது அந்த அம்சத்தை லிங்க்ட்-இன் தளத்திலும் அறிமுகம் செய்யப்பட உள்ளது. தொழில்துறையில் உள்ள ஒருவரால் கண்டுபிடிக்கப்பட்ட, இந்த அம்சம் தற்போது ஆரம்ப சோதனையில் உள்ளது, இன்னும் இந்த அம்சம் பயன்பாட்டிற்கு வரவில்லை. லிங்க்ட்-இன் தளத்தில் ‘வீடியோ’ என்ற ஆப்ஷன் மூலம் பயனர்கள் இந்த அம்சத்தை பயன்படுத்திக்கொள்ளலாம் என கூறப்படுகிறது.
இந்த ஆப்ஷனை க்ளிக் செய்தால், TikTok இல் காணப்படுவது போன்ற குறுகிய வீடியோக்களுக்கான ஆப்ஷன் இருக்கும். வீடியோக்களை விரும்புவதன் மூலம், கருத்து தெரிவிப்பதன் மூலம் அல்லது மற்றவர்களுடன் பகிர்வதன் மூலம் பயனர்கள் உள்ளடக்கத்தில் ஈடுபடலாம் என தெரிவிக்கப்பட்டுள்ளது.
பயனுள்ள வீடியோக்கள்:
வீடியோ ஆப்ஷனை நிர்வகிக்கும் அல்காரிதம் பற்றிய குறிப்பிட்ட விவரங்கள் வெளியிடப்படாத நிலையில், லிங்க்ட்-இன் தொழில்முறை உள்ளடக்கத்தில் அதன் கவனத்தை வலியுறுத்துகிறது. அதாவது, தொழில்சார் ஆலோசனைகள், வேலை தேடல் குறிப்புகள் மற்றும் தொழில்துறை நிபுணர்களின் நுண்ணறிவுகளை வழங்கும் வீடியோக்களை பயனர்கள் எதிர்பார்க்கலாம் என குறிப்பிடப்பட்டுள்ளது. இவை அனைத்தும் சுருக்கமாகவும் எளிதில் புரியும் வடிவத்தில் வழங்கப்படும்.
வீடியோ கற்றல் மூலம் பயனர்கள் அறிவு மற்றும் தொழில்முறை மேம்பாட்டை அதிகளவில் நாடுகின்றனர். கூடுதலாக, கிரியேட்டர்களை ஊக்குவிக்கவும், தளத்தின் மேல்முறையீட்டை மேலும் அதிகரிக்கவும் எதிர்காலத்தில் பணம் வசூளிக்கப்பட உள்ளதாக தகவல் வெளியாகியுள்ளது.
இருப்பினும், குறுகிய வடிவ வீடியோ அம்சத்தை அனைத்து பயனர்களாலும் வரவேற்கப்படாமல் இருக்கலாம் என எதிர்ப்பார்க்கப்படுகிறது. பல்வேறு தளங்களில் குறுகிய வடிவ வீடியோ உள்ளடக்கத்தின் நம்பகத்தன்மை காரணமாக, தகவல் எந்த அளவு உண்மை தன்மையுடன் இருக்கும் என கவலைகள் எழுந்துள்ளது. மிகவும் பாரம்பரியமான தொழில்முறை நெட்வொர்க்கிங் அனுபவத்தைத் தேடுபவர்கள் மற்றும் பயனர்கள் ஆகிய இருவருக்குமே லிங்க்ட்-இன் சமநிலையை ஏற்படுத்த முடியுமா என்பதை நேரம் மட்டுமே தீர்மானிக்கும் என நிபுணர்கள் கூறுகின்றனர்.
மேலும் காண