<p>பிக்பாஸ் வீட்டிலிருந்து இரண்டாவது போட்டியாளராக தினேஷ் வெளியேறிய நிலையில், மாயா, மணி, அர்ச்சனா என மும்முனை போட்டியில் பிக்பாஸ் இல்லம் பரபரப்பாக உள்ளது.</p>
<p>பிக்பாஸ் வீட்டிலிருந்து வெளியேறி கமல்ஹாசனை சந்தித்த தினேஷ், “நிறைய ஆசை, கனவுகளுடன் வந்தேன். வைல்டு கார்டு போட்டியாளராக உள்ளே வந்தேன். கண்டிப்பாக கடுமையாக போட்டி போட்டுள்ளேன். ஒவ்வொரு வாரமும் இவர்கள் கொடுத்த அன்புக்கு ரொம்ப நன்றி” எனப் பேசினார்.</p>
<p>கோப்பையை வென்று பிரிந்திருக்கும் தன் மனைவி ரச்சிதாவை பார்த்து அவரது கையில் டைட்டிலை ஒப்படைக்க வேண்டும் என தன் ஆசையை தினேஷ் போட்டியில் அடிக்கடி வெளிப்படுத்தி வந்தார். இந்நிலையில் தினேஷ் எலிமினேட் ஆகியுள்ளது தினேஷ் – ரச்சிதா ரசிகர்களை கவலையில் ஆழ்த்தியுள்ளது.</p>