வாலி
எஸ்.ஜே.சூர்யா இயக்கத்தில் 1999 ஆம் ஆண்டு வெளியான திரைப்படம் வாலி. இப்படத்தில் அஜித் குமார் இரு வேடங்களில் நடித்தார். சிம்ரன் கதாநாயகியாக நடிக்க, ஜோதிகா கெளரவத் தோற்றத்தில் நடித்திருந்தார். தேவா இப்படத்திற்கு இசையமைத்தார். வாலி படம் வெளியாகி 24 ஆண்டுகள் நிறைவடைந்துள்ள நிலையில், சமீபத்தில் இப்படம் திரையரங்கில் ரீரிலீஸ் செய்யப்பட்டுள்ளது. 90ஸ் கிட்ஸ் மற்றும் 2கே கிட்ஸ் இந்தப் படத்தை பார்த்து கொண்டாடி வருகிறார்கள்.
பாராட்டுக்களைப் பெறும் சிம்ரன்
கன்னத்தில் முத்தமிட்டால், பிரியமானவளே, துள்ளாத மனமும் துள்ளும் மாதிரியான படங்களில் சிம்ரனின் நடிப்பு இன்று வரை ரசிகர்களின் மனதில் நிலைத்திருக்கிறது. அப்படி சிம்ரன் ஏற்று நடித்த கதாபாத்திரங்களில் குறிப்பிடத்தக்கது வாலி படத்தின் ப்ரியா கதாபாத்திரம்.
தற்போது ரீரிலிஸாகி இருக்கும் வாலி படத்தின் காட்சிகளை எக்ஸ் தளத்தில் பதிவிட்டு ரசிகர்கள் சிம்ரனின் நடிப்பைப் பாராட்டி வருகிறார்கள் குறிப்பாக இந்தப் படத்தில் மனநல மருத்துவரிடம் பேசும் காட்சியில் தனது கணவரின் அண்ணன் தன்னிடம் தகாத முறையில் நடந்துகொள்வதை வெளிப்படையாக சொல்ல முடியாமல் சிம்ரன் சைகை செய்து காட்டும் காட்சி அனைவராலும் பாராட்டப்படுகிறது.
அவர் நடித்து காட்டியது இன்னும் நியாபகம் இருக்கு
OMG this scene 🎬 I will never forget the way SJS enacted for me 😊@iam_SJSuryah real talent 👌 https://t.co/nwsWqRJwGR
— Simran (@SimranbaggaOffc) February 27, 2024
இந்தக் காட்சியில் சிம்ரனின் நடிப்பை பாராட்டி எக்ஸ் தளத்தில் வெளியான பதிவை சிம்ரன் தற்போது ரீட்வீட் செய்துள்ளார். மேலும் இயக்குநர் எஸ்.ஜே.சூர்யா தனக்கு இந்த காட்சியை நடித்து காட்டிய விதம் தனக்கு இன்னும் நியாபகம் இருப்பதாக தெரிவித்து, எஸ்.ஜே சூர்யாவை பாராட்டியுள்ளார் சிம்ரன்.
இதனைத் தொடர்ந்து சிம்ரனின் பதிவிற்கு நடிகர் எஸ்.ஜே சூர்யா பதிலளித்துள்ளார். ” என்னுடைய வேலையை நான் செய்தேன். நீங்களும் அஜித் சாரும் அவ்வளவு சிறப்பாக இந்தக் காட்சியில் நடித்திருந்தீர்கள்” என்று அவர் இந்த பதிவில் கூறியுள்ளார்
😍🙏 i did my job , but @SimranbaggaOffc ji the way U and Ajith Sir carried it like anything people r still celebrating like a new movie https://t.co/EHKo0gDDCi
— S J Suryah (@iam_SJSuryah) February 27, 2024
மேலும் படிக்க : Mamitha Baiju: இயக்குநர் பாலா கொடுத்த டார்ச்சர்! வணங்கான் படத்தில் இருந்து விலகிய காரணத்தை சொன்ன நடிகை!
Rashmika: “வி.டி போன்ற கணவர் வேண்டும்” – விஜய் தேவரகொண்டாவுடனான காதலை உறுதி செய்த ராஷ்மிகா?
மேலும் காண