Pro Kabaddi 2023: பாட்னாவை பழிவாங்க துடிக்கும் தமிழ் தலைவாஸ்.. இன்றைய போட்டியில் நேருக்குநேர் மோதல்..!

<p>ப்ரோ கபடி லீக் சீசன் 10 இன் 75வது போட்டியில் ஜனவரி 16ஆம் தேதி (இன்று) ஜெய்ப்பூரில் உள்ள எஸ்எம்எஸ் உள்விளையாட்டு மைதானத்தில் பாட்னா பைரேட்ஸ் அணியை தமிழ் தலைவாஸ் அணி எதிர்கொள்கிறது. இந்த ஆட்டம் இந்திய நேரப்படி இரவு 08:00 மணிக்கு தொடங்குகிறது.&nbsp;</p>
<h2>இரு அணிகளும் கடந்த போட்டிகளில் எப்படி..?&nbsp;</h2>
<p>கடந்த ஜனவரி 14 ம் தேதி ஹரியானா ஸ்டீலர்ஸ் அணிக்கு எதிரான கடைசி ஆட்டத்தில் தமிழ் தலைவாஸ் 31-36 என்ற புள்ளிக்கணக்கில் தோல்வியடைந்தது. மறுபுறம், பாட்னா பைரேட்ஸ் அணி அதே ஜனவரி 14ம் தேதி தபாங் டெல்லி கேசி அணிக்கு எதிராக 39-39 என டை செய்தது.&nbsp;</p>
<h2><strong>பாட்னா பைரேட்ஸ் vs தமிழ் தலைவாஸ் அணிகள் இதுவரை நேருக்கு நேர்:&nbsp;</strong></h2>
<p>பிகேஎல் வரலாற்றில் பாட்னா பைரேட்ஸ் மற்றும் தமிழ் தலைவாஸ் அணிகள் 13 முறை மோதியுள்ளன. அதில், தமிழ் தலைவாஸ் அணிக்கு எதிரான 7 வெற்றிகளுடன், பாட்னா பைரேட்ஸ் அணி ஆதிக்கம் செலுத்தி வருகிறது. அதேநேரத்தில், தமிழ் தலைவாஸ் 3 முறை வென்றுள்ளது. மேலும், 3 போட்டிகள் டையில் முடிந்துள்ளது.&nbsp;</p>
<p>இதற்கு முன்பு பாட்னா பைரேட்ஸ் மற்றும் தமிழ் தலைவாஸ் அணிகளுக்கு இடையேயான இதே ப்ரோ கபடி லீக் 10 சீசனில் இரு அணிகளும் மோதின. அதில், பாட்னா பைரேட்ஸ் அணி 46-33 என்ற கணக்கில் தமிழ் தலைவாஸ் அணியை வீழ்த்தியது,&nbsp;</p>
<p>5 வெற்றிகள், 6 தோல்விகள் மற்றும் ஒரு சமன் என்ற நிலையில் பாட்னா பைரேட்ஸ் 32 புள்ளிகளுடன் ப்ரோ கபடி லீக் சீசன்10 புள்ளிகள் பட்டியலில் எட்டாவது இடத்தில் உள்ளது. மறுபுறம், தமிழ் தலைவாஸ் 3 போட்டிகளில் வென்று 9 இல் தோல்வியடைந்து 20 புள்ளிகளுடன் புள்ளி பட்டியலில் பதினொன்றாவது இடத்தில் உள்ளது.&nbsp;</p>
<h2><strong>பாட்னா பைரேட்ஸ் vs தமிழ் தலைவாஸ் அணியில் சிறந்த வீரர்கள்:</strong></h2>
<h3><strong>பாட்னா பைரேட்ஸ்</strong></h3>
<p>12 போட்டிகளில் 104 ரெய்டு புள்ளிகளை குவித்த சச்சின் இந்த சீசனில் பாட்னா பைரேட்ஸ் அணியில் சிறந்த ரைடராக திகழ்ந்து வருகிறார். இவர் டெல்லி தபாங் கே.சி அணிக்கு எதிரான தனது கடைசி ஆட்டத்தில் 10 ரெய்டு புள்ளிகளை குவித்தார்.&nbsp;</p>
<p>இதற்கிடையில், ப்ரோ கபடி லீக் சீசன் 10ல் 12 போட்டிகளில் 36 டிபென்ஸ் புள்ளிகளைப் பெற்றுள்ள கிரிஷன், பாட்னா பைரேட்ஸ் அணியில் டிபென்ஸ் பிரிவில் அணியை தோள்களில் சுமக்கிறார். மேலும், அங்கித் இதுவரை 31 புள்ளிகள் குவித்து அணியில் முதலிடத்தில் உள்ளார்.</p>
<h3><strong>தமிழ் தலைவாஸ்</strong></h3>
<p>தமிழ் தலைவாஸ் அணியை பொறுத்தவரை, நரேந்தர் அணியில் முக்கிய ரைடராக ஜொலிக்கிறார். இவர் 11 போட்டிகளில் 81 ரெய்டு புள்ளிகளை குவித்துள்ளார். இதில் 3 டூ ஆர் டை ரெய்டு புள்ளிகளும் அடங்கும். தமிழ் தலைவாஸ் அணிக்கு சாகர் 11 ஆட்டங்களில் 41 டிபென்ஸ் புள்ளிகளை பெற்று கொடுத்துள்ளார்.&nbsp;</p>
<h2><strong>இன்றைய போட்டியில் படைக்கவிருக்கும் மைல்கற்கள்:</strong></h2>
<p>பாட்னா பைரேட்ஸ் அணி வீரர் கிரிஷனுக்கு ப்ரோ கபடி லீக் வரலாற்றில் 100 டிபென்ஸ் புள்ளிகளை எட்ட இன்னும் 3 தடுப்பாட்ட புள்ளிகள் மட்டுமே தேவையாக உள்ளது. அதேபோல், தமிழ் தலைவாஸ் அணியைச் சேர்ந்த சாகர், ப்ரோ கபடி லீக் வரலாற்றில் 200 தடுப்பாட்டப் புள்ளிகளை எட்ட இன்னும் 2 டிபென்ஸ் புள்ளிகள் மட்டுமே தேவையாக உள்ளது.&nbsp;</p>
<h2><strong>ப்ரோ கபடி சீசன் 10ஐ நேரலையில் எங்கே பார்ப்பது?</strong></h2>
<p>ப்ரோ கபடி சீசன் 10 போட்டியை ஸ்டார் ஸ்போர்ட்ஸ் நெட்வொர்க்கிலும், டிஸ்னி+ ஹாட்ஸ்டார் மொபைல் ஆப்பிலும் நேரடியாக கண்டு களிக்கலாம்.&nbsp;</p>

Source link