watch video of actor sivakarthikeyan and sree leela dance onstage

சிவகார்த்திகேயனின் வாழ்க்கை தனக்கு மிகவும் இன்ஸ்பிரேஷனாக இருப்பதாக ஸ்ரீலீலா கூறியுள்ளார்.
சிவகார்த்திகேயன்
சிவகார்த்திகேயன் நடிப்பில் இந்த ஆண்டு ஜனவரி மாதம் வெளியான அயலான் படத்தின் வெற்றி அவருக்கு நல்ல தொடக்கத்தைக் கொடுத்துள்ளது. இதனைத் தொடர்ந்து ராஜ் குமார் பெரியசாமி இயக்கத்தில் அமரன் படத்தில் நடித்த் முடித்துள்ளார் சிவகார்த்திகேயன். கமல்ஹாசனின் ராஜ்கமல் ஃபிலிம்ஸ் இந்தப் படத்தை தயாரித்துள்ள நிலையில், சாய் பல்லவி இந்தப் படத்தில் நாயகியாக நடித்துள்ளார்.
ஜி.வி பிரகாஷ் இந்தப் படத்திற்கு இசைமைத்துள்ளார். சமீபத்தில் இப்படத்தின் டைட்டில் அறிவிப்பு வீடியோ வெளியாகி ரசிகர்களிடம் கவனத்தைப் பெற்றது. இதனைத் தொடர்ந்து சிவகார்த்திகேயன் தற்போது ஏ.ஆர்.முருகதாஸ் இயக்கத்தில் உருவாகும் ‘எஸ்.கே 23’ படத்தில் நடித்து வருகிறார். இப்படத்தில் கன்னட நடிகை ருக்மினி வசந்த் அவருக்கு ஜோடியாக நடிக்கிறார். அனிருத் இந்தப் படத்திற்கு இசையமைக்கிறார். ஸ்ரீலக்‌ஷ்மி மூவிஸ் இந்தப் படத்தை தயாரிக்கிறது. 
தமிழ் சினிமாவின் அடுத்த இளைய தளபதி என்று ரசிகர்களால் அழைக்கப்படுகிறார் நடிகர் சிவகார்த்திகேயன். நடிகர் விஜய் அரசியலுக்கு வந்தபின் அவரது இடத்தை சிவகார்த்திகேயன் திரையிலும் மக்கள் மனதிலும் பிடிப்பார் என்று எதிர்பார்க்கப்படுகிறது. அதற்கேற்றபடி தனது ஒவ்வொரு படத்திலும் வளர்ச்சியை நோக்கி நகர்ந்தபடி இருக்கிறார் சிவகார்த்திகேயன்.
தமிழைத் தவிர்த்து தெலுங்கு மற்றும் வெளிநாடுகளில் முதற்கொண்டு அவருக்கு ரசிகர்கள் இருந்து வருகிறார்கள். தற்போது வளர்ந்து வரும் முன்னணி நடிகையுடன் சிவகார்த்திகேயன் நடன்மாடிய வீடியோ ஒன்று தெலுங்கு ரசிகர்கள் மத்தியில் அவருக்கு பரவலான ஆதரவை பெற்றுத் தந்துள்ளது.
ஸ்ரீலீலாவுடன் குத்தாட்டம்

Wow👌🤩 #Sivakarthikeyan & #SreeLeela dancing together KurchiMadathapetti song🕺💃pic.twitter.com/NDsxtONXMZ
— AmuthaBharathi (@CinemaWithAB) March 23, 2024

சமீபத்தில் திருச்சியில் நடைபெற்ற கல்லூரி நிகழ்வு ஒன்றில் நடிகர் சிவகார்த்திகேயன் கலந்துகொண்டார். மகேஷ் பாபு நடித்து தெலுங்கில் வெளியான குண்டூர் காரம் படத்தில் ரசிகர்களைக் கவர்ந்த ஸ்ரீலீலாவும் இந்த நிகழ்ச்சியில் கலந்துகொண்டார்.
இந்த நிகழ்ச்சியில் சிவகார்த்திகேயன் தெலுங்கில் பேசினார். அவர் தெலுங்கு மொழியில் சரியாகப் பேசியதாக நடிகை ஸ்ரீலீலா உறுதிப்படுத்தினார். மேலும் சிவகார்த்திகேயனின் தனிப்பட்ட வாழ்க்கை மற்றும் அவரது திரைப்பயணம் தனக்கு மிகப்பெரிய இன்ஸ்பிரேஷனாக இருப்பதாக ஸ்ரீலீலா தெரிவித்துள்ளார்.
இதனைத் தொடர்ந்து ஸ்ரீலீலா மற்றும் சிவகார்த்திகேயன் இருவரும் இணைந்து குண்டூர் காரம் படத்தின் பாடலுக்கு நடனமாடினார்கள். இந்த வீடியோ தற்போது சமூக வலைதளத்தி வைரலாகி வருகிறது. தமிழ், தெலுங்கு என இரு மொழியிலும் பிரபலமாகி வரும் ஸ்ரீலீலா, நடிகர் சிவகார்த்திகேயனை புகழ்ந்து பேசியுள்ளதும் அவருடன் சேர்ந்து நடனமாடியுள்ளது தமிழ் ரசிகர்களிடையே கவனத்தை ஈர்த்துள்ளது.

மேலும் காண

Source link