<h2>தமிழ்நாடு:</h2>
<ul>
<li>இன்று முதல் பொங்கல் பரிசு தொகுப்பு; அனைத்து அரசி கார்டுகளுக்கும் ரூ.1000 – முதலமைச்சர் மு.க.ஸ்டாலின் அறிவிப்பு</li>
<li>பாஜக கூட்டணி சார்பில் நாடாளுமன்ற தேர்தலில் தேனியில் டி.டி.வி. தினகரன், சிவகங்கையில் ஓபிஎஸ் மகன் பேட்டி</li>
<li>பல்கலைக்கழகங்களின் துணைவேந்தர்களை தேர்வு செய்வதற்கான தேடுதல் குழுவை திரும்ப பெற்றார் ஆளுநர் ஆர்.என்.ரவி</li>
<li>அவனியாபுரம் ஜல்லிக்கட்டுக்காக அனைத்து சமூகத்தை சேர்ந்தவர்களை அழைத்து அமைதி பேச்சுவார்த்தை நடத்த வேண்டும் – மதுரை உயர்நீதிமன்ற கிளை உத்தரவு</li>
<li>போக்குவரத்து தொழிற்சங்கங்களின் வேலைநிறுத்தத்திற்கு தடைகோரி உயர்நீதிமன்றத்தில் வழக்கு – இன்று விசாரணை</li>
<li>ஜாமீன் மனு மீது வரும் 12ம் தேதி தீர்ப்பு; செந்தில் பாலாஜியின் வங்கி கணக்கு விபரங்கள் மாற்றப்பட்டுள்ளன – அமர்வு நீதிமன்றத்தில் மூத்த வழக்கறிஞர் பரபரப்பு வாதம்</li>
<li>சட்ட விரோத பணபரிமாற்ற தடை சட்ட வழக்கில் கைதான <a title="செந்தில் பாலாஜி" href="https://tamil.abplive.com/topic/senthil-balaji" data-type="interlinkingkeywords">செந்தில் பாலாஜி</a>யின் ஜாமீன் மனு மீது ஜனவரி 12ம் தேதி சென்னை மாவட்ட முதன்மை அமர்வு நீதிமன்றம் தீர்ப்பு வழங்க உள்ளது.</li>
<li>பொங்கல் பண்டிகை வரை வேலை நிறுத்தம் தொடர்ந்தாலும், அறிவிக்கப்பட்ட சிறப்பு பேருந்துகள் இயக்கபடுமெனவும் தேவைக்கேற்ப தற்காலிக ஓட்டுனர்களை கொண்டு பேருந்துகளை இயக்கப்படும் – அமைச்சர் சிவசங்கர்</li>
</ul>
<h2><strong>இந்தியா: </strong></h2>
<ul>
<li>அயோத்தி ராமர் கோயிலுக்காக கடந்த 32 ஆண்டுகளாக 85 வயது மூதாட்டி மவுன விரதம் இருந்த வந்துள்ளார். </li>
<li>கோவா ஹோட்டல் அறையில் 4 வயது குழந்தையை கொடூரமாக தாயே கொன்ற சம்பவம் பெரும் அதிர்ச்சியை ஏற்படுத்தியுள்ளது.</li>
<li>முதுநிலை மருத்துவ படிப்புக்கான நீட் நுழைவுத் தேர்வு ஜூலை 7ஆம் தேதி நடைபெறும் என்று அறிவிக்கப்பட்டுள்ளது.</li>
<li>இந்திய கிரிக்கெட் அணியின் ஜாம்பவான் சச்சின் தெண்டுல்கர் தனது எக்ஸ் பக்கத்தில் மாலத்தீவு விவகாரம் தொடர்பாக தெரிவித்துள்ள கருத்து கவனம் ஈர்த்துள்ளது.</li>
<li>இந்த ஆண்டு ஜூலை 21 முதல் ஜூலை 31 வரை யுனெஸ்கோவின் உலக பாரம்பரியக் குழுவின் 46 வது அமர்வுக்கு இந்தியா தலைமை தாங்கி தொகுத்து வழங்கும் என யுனெஸ்கோவுக்கான இந்தியாவின் நிரந்தரப் பிரதிநிதி விஷால் வி ஷர்மா தெரிவித்தார். </li>
<li>வரலாற்றில் தங்களுக்கு எப்போதுமே முதல் ஆதரவாளராக இருப்பது இந்தியாதான் என, மாலத்தீவுகளின் சுற்றுலாத் தொழிற்சங்கம் தெரிவித்துள்ளது.</li>
</ul>
<h2><strong>உலகம்: </strong></h2>
<ul>
<li>பூடான் நாடாளுமன்ற தேர்தல்; மக்கள் ஜனநாயக கட்சி அபார வெற்றி.</li>
<li>தாமரை வடிவிலான வானியல் செயற்கைக்கோளை விண்ணில் செலுத்தியது சீனா.</li>
<li>பிரான்ஸ் பிரதமராக பதவியேற்கப் போகும் தன்பாலின ஈர்ப்பாளர் கேப்ரியல் அட்டல்.</li>
<li>பாகிஸ்தானில் மேலும் ஒரு வழக்கில் இம்ரான் கான் கைது செய்யப்பட்டுள்ளார்.</li>
<li>ஜப்பானில் மீண்டும் நிலநடுக்கம் – ரிக்டர் அளவில் 6 ஆக பதிவு.</li>
<li>பிரேசில்; சுற்றுலா மினி பஸ் – லாரி மோதி விபத்து – 25 பேர் உயிரிழப்பு</li>
</ul>
<h2><strong>விளையாட்டு:</strong></h2>
<ul>
<li>தென்னாப்பிரிக்கா டி20 லீக்கானது ஜனவரி 10 அதாவது இன்று முதல் தொடங்குகிறது.</li>
<li>மும்பையில் நடைபெறும் ப்ரோ கபடி லீக் போட்டியில் இன்று தமிழ் தலைவாஸ் அணி உ.பி.யோத்தாஸ் அணியை எதிர்கொள்கிறது.</li>
<li>இந்திய விளையாட்டு வீரர், வீராங்கனைகளுக்கான அர்ஜுனா விருதுகளை, குடியரசு தலைவர் திரவுபதி முர்மு வழங்கி கவுரவித்தார்.</li>
<li>இங்கிலாந்துக்கு எதிரான டெஸ்ட் தொடரில் முகமது ஷமி விளையாடுவார் என தகவல் வெளியாகியுள்ளது. </li>
</ul>