<p class="p1">அண்மையில் இந்திய கிரிக்கெட் அணி தென்னாப்பிரிக்காவிற்கு சுற்றுப்பயணம் மேற்கொண்டது<span class="s1">. </span>இதில்<span class="s1">, </span>சூர்யகுமார் யாதவ் தலைமையில்<span class="s1"> 3 </span>டி<span class="s1"> 20 </span>போட்டிகள்<span class="s1">, </span>கே<span class="s1">.</span>எல்<span class="s1">.</span>ராகுல் தலைமையில்<span class="s1"> 3 </span>ஒரு நாள் போட்டிகள் மற்றும்<span class="s1"> 2 </span>டெஸ்ட் தொடரில் ரோகித் சர்மா தலைமையில் இந்திய அணி தென்னாப்பிரிக்க அணியை எதிர் கொண்டு விளையாடியது<span class="s1">. </span>அதன்படி<span class="s1">, 2 </span>டி20 போட்டிகளில் சமநிலை பெற்ற இந்திய அணி ஒரு நாள் போட்டிகளை<span class="s1"> 2-1 </span>என்ற கணக்கில் கைப்பற்றயது<span class="s1">. </span>மேலும்<span class="s1">, </span>டெஸ்ட் சாம்பியன்ஷிப் உலகக் கோப்பை போட்டியின் முன்னோட்டமாக பார்க்கப்பட்ட டெஸ்ட் தொடரை<span class="s1"> 1-1 </span>என்ற கணக்கில் சமன் செய்து வரலாறு படைத்தது இந்திய அணி<span class="s1">.</span></p>
<h2 class="p2"><strong>டி 20 தொடர்:</strong></h2>
<p class="p1">இதனையடுத்து சொந்த நாடு திரும்பியுள்ள இந்திய அணி ஆப்கானிஸ்தான் அணியுடன்<span class="s1"> 3 </span>டி<span class="s1"> 20 </span>போட்டிகள் கொண்ட தொடரில் விளையாட இருக்கிறது<span class="s1">. </span>இந்த தொடரில் இந்திய அணியின் நட்சத்திர வீரர்களான விராட் கோலி மற்றும் ரோகித் சர்மா இருவரும் விளையாட உள்ளனர்<span class="s1">. </span>கடந்த ஓர் ஆண்டுக்கும் மேலாக சர்வதேச டி<span class="s1"> 20 </span>போட்டிகளில் விளையாடமல் இருந்த இருவரும் நாளை நடைபெறும் முதல் போட்டியில் விளையாட உள்ளதால் அவர்களின் பேட்டிங் செயல்பாடு எப்படி இருக்கும் என்பதைக் காண ரசிகர்கள் ஆவலுடன் இருக்கின்றனர்<span class="s1">. </span></p>
<p class="p1">அதேநேரம்<span class="s1">, </span>இந்திய ஒரு நாள் அணியின் கேப்டனாக இருக்கும் கே<span class="s1">.</span>எல்<span class="s1">.</span>ராகுல் போன்ற மூத்த வீரர்களுக்கு இந்த தொடரில் பிசிசிஐ வாய்ப்பு அளிக்கவில்லை<span class="s1">. </span>முக்கியமாக சமீப காலங்களில் இந்திய அணி முக்கிய சுழற்பந்து வீச்சாளராக இருந்த யுஸ்வேந்திர சாஹல் இந்த தொடரில் கழற்றிவிடப்பட்டிருக்கிறார்<span class="s1">. </span>இந்நிலையில்<span class="s1">, </span>ஆசிய கோப்பை மற்றும் ஒருநாள் உலகக் கோப்பை தொடர்களில் சிறப்பாக செயல்பட்ட குல்தீப் யாதவ் முதன்மை சுழற்பந்து வீச்சாளருக்கான இடத்தை பிடித்து விட்டதாலேயே யுஸ்வேந்திர சாஹலுக்கு வாய்ப்பு கிடைக்க வில்லை என்று இம்ரான் தாஹிர் கூறியுள்ளார்<span class="s1">.</span></p>
<h2 class="p1"><strong><span class="s1">மீண்டும் தொடங்க வேண்டும்:</span></strong></h2>
<p class="p1">இது தொடர்பாக பேசிய தென்னாப்பிரிக்க வீரர் இம்ரான் தாஹிர்<span class="s1">, “ </span>சாஹல் சிறப்பாக பந்து வீசவில்லை என்று நான் கருதவில்லை<span class="s1">. </span>அவருடைய பவுலிங் நன்றாக இருக்கிறது<span class="s1">. </span>அதனால் சாஹல் நீக்கப்படவில்லை<span class="s1">. </span>மாறாக குல்தீப் யாதவ் அவரை விட சிறப்பாக<span class="s1"> </span>செயல்பட்ட ஒரு படி முன்னே இருக்கிறார்<span class="s1">. </span>அவர் ஜடேஜாவுடன் சேர்ந்து இந்திய அணியில் சரியான கலவையை உருவாக்குகிறார்<span class="s1">. </span>எனவே சாஹல் அனைத்தையும் மீண்டும் புத்துணர்ச்சியுடன் தொடங் வேண்டும்<span class="s1">. </span>ஏனெனில் குல்தீப் யாதவ் தமக்கு கிடைத்த வாய்ப்பை இறுக்கமாக பிடித்துக் கொண்டுள்ளார்<span class="s1">. </span>எனவே சாஹல்<span class="s1"> </span>தன்னுடைய வாய்ப்புக்காக காத்திருக்க வேண்டும்<span class="s1">. </span>மிகவும் நல்ல பவுலரான அவர் விரைவில் கம்பேக் கொடுப்பார்<span class="s1">” </span>என்று பேசியுள்ளார் இம்ரான் தாஹிர்<span class="s1">. </span></p>
<p class="p1"><span class="s1">மேலும் படிக்க: <a title="India vs England test: இங்கிலாந்து அணிக்கு எதிரான டெஸ்ட்… முகமது ஷமி சொன்ன அந்த வார்த்தை! ரசிகர்கள் உற்சாகம்!" href="https://tamil.abplive.com/sports/cricket/mohammed-shami-provides-update-on-his-fitness-ahead-india-vs-england-test-series-2024-160793" target="_blank" rel="dofollow noopener">India vs England test: இங்கிலாந்து அணிக்கு எதிரான டெஸ்ட்… முகமது ஷமி சொன்ன அந்த வார்த்தை! ரசிகர்கள் உற்சாகம்!</a></span></p>
<p class="p1"> </p>
<p class="p1"><span class="s1">மேலும் படிக்க: <a title="IND vs ENG Test: இங்கிலாந்து அணிக்கு எதிரான டெஸ்ட்… முகமது ஷமியின் நிலை என்ன? விவரம் உள்ளே!" href="https://tamil.abplive.com/sports/cricket/reports-recovering-mohammad-shami-likely-to-miss-first-two-england-tests-160483" target="_blank" rel="dofollow noopener">IND vs ENG Test: இங்கிலாந்து அணிக்கு எதிரான டெஸ்ட்… முகமது ஷமியின் நிலை என்ன? விவரம் உள்ளே!</a></span></p>
<p class="p1"> </p>
<p class="p1"> </p>