<h2><strong>பணிநீக்கம்:</strong></h2>
<p>உலகம் முழுவதும் பொருளாதார பிரச்சனைகளால் பல்வேறு நிறுவனங்கள் பணிநீக்கம் அறிவிப்பை நாள்தோறும் வெளியிட்டு வருகிறது. நிதி பற்றாக்குறையால் மாட்டிக் கொண்டு, குறைவான வர்த்தகத்தை பெரும் நிறுவனங்கள் அனைத்து செலவுகளை குறைக்கும் வகையில் அந்தந்த நிறுவனத்தின் ஊழியர்களை பணிநீக்கம் செய்து வருகிறது.&nbsp;</p>
<p>குறிப்பாக, கடந்த 2023ஆம் ஆண்டில் பெரும்பாலான ஐடி நிறுவனங்கள், ஸ்டார்ப் அப் நிறுவனங்கள் பல ஊழியர்களை பணிநீக்கம் செய்தன.&nbsp;2024ஆம் ஆண்டில் பணிநீக்கத்திற்கு ஒரு முற்றுப்புள்ளி இருக்கும் என்று நினைத்தால், ஆரம்பமான சில நாட்களிலேயே நிறுவனங்கள் அதன் ஊழியர்களை பணிநீக்கம் செய்ய தொடங்கிவிட்டன. இந்தாண்டு தொடக்கத்தில் இருந்து தற்போது வரை 7,500 ஆயிரம் பணிநீக்கம் செய்யப்பட்டுள்ளனர்.&nbsp;</p>
<h2><strong>பணியாளர்களுக்கு ஷாக் கொடுத்த சுந்தர் பிச்சை:</strong></h2>
<p>இந்த நிலையில், அனைத்து பணியாளர்களுக்கு கூகுள் நிறுவனத்தில் சிஇஓ சுந்தர் பிச்சை குறிப்பு ஒன்றை அனுப்பி இருக்கிறார். அதில்,&nbsp; &rdquo;நிறுவனத்தின் செயல்பாட்டை அதிகரிக்கும் வகையில் பல்வேறு துறைகளில் பணீநீக்க நடவடிக்கையை தொடங்க கவனம் செலுத்தி வருகிறோம்.</p>
<p>இந்த பணி நீக்கம் கடந்த ஆண்டு இருந்தது போன்ற அளவில் இருக்காது. அதேபோல, அனைத்து குழுக்களிலும் பணிநீக்க நடவடிக்கை இருக்காது. கூகுளின் Alphabet நிறுவனம் அதன் ஊழியர்களை பணிநீக்கம் செய்யப்பட்ட பிறகு நிறுவனம் வளர்ச்சி பாதையில் இருக்கிறது.</p>
<h2><strong>பணிநீக்கம் தொடரும்:</strong></h2>
<p>நம் சில நேரத்தில் கடினமான முடிவுகளை எடுக்க வேண்டிய நிலையில் இருக்கிறோம். எங்களது லட்சியங்கள் பெரியது. முன்னுரிமைகளும் அதிகம். முதலீட்டை&nbsp; பெருக்க கடினமான முடிவுகளை எடுத்து தான் ஆக வேண்டும். எனவே, 2024-ல் பணிநீக்கங்கள் இருக்கும்&rdquo; என்றார் சுந்தர் பிச்சை.&nbsp;</p>
<p>கூகுள் அசிஸ்டண்ட் பிரிவில் பணிபுரியும் 100க்கும் மேற்பட்டவர்களை பணிநீக்கம் செய்யப்பட்ட சில நாட்களுக்கு பிறகு இந்த அறிவிப்பு வந்துள்ளது. இந்த பணிநீக்க நடவடிக்கையில் கூகுள் நெஸ்ட், பிட்பிட், விளம்பர விற்பனை பிரிவு போன்றவை அதிகமாக பாதிக்கப்பட்டது.</p>
<p>ஏஐ தொழில்நுட்ப போட்டியில் மைக்ரோசாப்ட் நிறுவனத்துடன் நேரடியாக மோதும் வகையில், கூகுள், &nbsp;அமேசான் நிறுவனங்கள் ஏஐ துறையில் அதிக முதலீடுகளை செய்து வருகின்றன. இதனால், ஊழியர்களை மறுசீரமைக்கும் நோக்கில் பணிநீக்க நடவடிக்கைகளை &nbsp;மேற்கொண்டு வருகிறது என்பது குறிப்பிடத்தக்கது.&nbsp; &nbsp;</p>
<hr />
<p>மேலும் படிக்க</p>
<p class="article-title "><a title="PM Modi: மேகாலயாவின் மோடியாக மாறிய சில்மே மராக்! யார் இவர்? பிரதமரே புகழ்ந்து தள்ளிய பெண்மணி!" href="https://tamil.abplive.com/news/india/prime-minister-shri-narendra-modi-interacted-with-beneficiaries-of-the-viksit-bharat-sankalp-yatra-today-162467" target="_self">PM Modi: மேகாலயாவின் மோடியாக மாறிய சில்மே மராக்! யார் இவர்? பிரதமரே புகழ்ந்து தள்ளிய பெண்மணி!</a></p>
<p><a title="Ayodhya Ram Temple: பாபர் மசூதி இடிப்பும் அயோத்தி ராமர் கோயிலும்- முக்கிய முகங்கள் இவர்கள்தான்!" href="https://tamil.abplive.com/news/india/ayodhya-ram-temple-faces-of-ayodhya-movement-lk-advani-murli-manohar-joshi-ashok-singhal-pramod-mahajan-uma-bharti-abpp-162390" target="_self">Ayodhya Ram Temple: பாபர் மசூதி இடிப்பும் அயோத்தி ராமர் கோயிலும்- முக்கிய முகங்கள் இவர்கள்தான்!</a></p>

Source link