Siragadikka Aasai Promo: முத்து மீனா மீது காட்டும் அக்கறை.. வியந்துபோன ஸ்ருதி ரவி : சிறகடிக்க ஆசை ப்ரோமோ

<p>சிறகடிக்க ஆசை சீரியலின் அடுத்த வாரத்திற்கான ப்ரோமோ குறித்துப் பார்க்கலாம்.&nbsp;</p>
<p>மீனா உள்ளிட்டவர்கள் மாலைக் கட்டிக் கொண்டு இருப்பதால் வீட்டில் உள்ள அனைவரும் தூங்காமல் இருக்கின்றனர். மனோஜ் அரை தூக்கத்தில் விஜயாவிடம் &rdquo;நைட்டுக்குள்ள எல்லா மாலையும் கட்டி முடிச்சிடுவாங்களா?&rdquo; என கேட்கிறார். அதற்கு மீனா &rdquo;கண்டிப்பா எல்லா மாலையும் கட்டி முடிச்சிடுவோம்&rdquo; என சொல்கிறார். வெளியே குல்ஃபி ஐஸ் விற்கும் சத்தம் கேட்கிறது. உடனே ஸ்ருதி &rdquo;ஹேய் எதோ பெல் சவுண்ட் கேட்குது&rdquo; என்கிறார்.</p>
<p>ரவியும் ஸ்ருதியும் சென்று குல்ஃபி வாங்கி வருகின்றனர். &rdquo;எல்லோரும் குல்ஃபி சாப்பிடலாமா?&rdquo; என ஸ்ருதி கேட்கிறார். பின் அனைவரும் குல்ஃபி சாப்பிடுகின்றனர். சீதா மீனாவிடம் ஒரு குல்ஃபி கொடுத்து சப்பிட சொல்கிறார். &rdquo;டைம் ஆயிடுச்சி இல்ல சீதா சீக்கிரம் மாலையை கட்டணும்&rdquo; என்கிறார் மீனா. பின் முத்து மீனாவுக்கு குல்ஃபியை ஊட்டி விடுகிறார். இதைப் பார்த்து ஸ்ருதியும் ரவியும் சந்தோஷப்படுகின்றனர்.</p>
<p>பின் அனைவரும் தூங்கி விடுகின்றனர். மீனா மட்டும் தூங்காமல் மாலை கட்டிக் கொண்டு இருக்கிறார். முத்து பாதி தூக்கத்தில் எழுந்து மீனாவிடம் &rdquo;இன்னும் முடியலயா?&rdquo;என கேட்கிறார். அதற்கு மீனா &rdquo;இல்லிங்க இன்னும் முடியல இன்னும் கொஞ்சம் மாலை தான் கட்டணும்&rdquo; என சொல்கிறார்.</p>
<p>பின் முத்து மீனாவுக்கு டீ போட்டு எடுத்து வந்து, &rdquo;இந்தா குடிச்சிட்டு வேலையைப் பாரு&rdquo; என சொல்லி கொடுக்கிறார். &rdquo;நல்லா இருக்கா?&rdquo; என முத்து கேட்கிறார். &rdquo;ம்&rdquo; என மீனா சொல்கிறார். முத்து &rdquo;எனக்கே இப்போதான் நியாபகம் வருது நான் சர்க்கரையே அதுல போடல&rdquo; என முத்து சொல்கிறார். அதற்கு மீனா &rdquo;நீங்க காட்டுற அக்கறை இனிப்பா&rdquo; இருக்கு என சொல்கிறார். இத்துடன் ப்ரோமோ நிறைவடைகிறது.&nbsp;</p>
<p>நேற்றைய எபிசோடில், &rdquo;நீ உள்ள போமா இங்க நெடியா இருக்கும்&rdquo; என விஜயா ஸ்ருதியிடம் சொல்கிறார். &rdquo;எனக்கு மாலை கட்ட கத்துக்கணும்&rdquo; என ஸ்ருதி சொல்கிறார். பின் மீனா ஸ்ருதிக்கு மாலைக் கட்ட கத்துக் கொடுக்கிறார். ஆனால் ஸ்ருதிக்கு மாலைக்கட்ட வரவில்லை. உடனே இப்போ &rdquo;மீனாவுக்கு டப்பிங் பேச வராது இல்ல அந்த மாதிரி தான் இதுவும்&rdquo; என அண்ணாமலை சொல்கிறார். அதற்கு ஸ்ருதி அப்டியெல்லாம் இல்ல அங்கிள் &rdquo;நான் மீனாவை ஒரு நாள் டப்பிங் பேச வச்சேன்&rdquo; என ஸ்ருதி சொல்கிறார். உடனே ரவியும் &ldquo;ஆமாப்பா அண்ணி சூப்பரா பேசி இருந்தாங்க&rdquo; என்கிறார்.&nbsp;</p>
<p>பார்வதி வீட்டுக்கு வருகிறார். அவரிடம் மீனாவின் மாலை ஆர்டர் குறித்து விஜயா கிண்டலடித்துப் பேசுகிறார். அனைவருக்கும் ரவி சமைப்பதாக சொல்லுகிறார். சமைக்க தேவையான பொருட்களை வாங்கி வர மனோஜை அனுப்புகின்றனர். இத்துடன் நேற்றைய எபிசோட் நிறைவடைந்தது.&nbsp;</p>
<p>&nbsp;</p>

Source link