<p class="p1"><span class="s1">10-</span>வது ப்ரோ கபடி லீக் திருவிழா கடந்த டிசம்பர்<span class="s1"> 2-</span>ஆம் தேதி தொடங்கி இந்தியாவில் விறுவிறுப்பாக நடந்து வருகிறது<span class="s1">. </span>இந்த தொடரில் பெங்கால் வாரியர்ஸ்<span class="s1">, </span>பெங்களூரு புல்ஸ்<span class="s1">, </span>தபாங் டெல்லி<span class="s1">, </span>குஜராத் ஜெயன்ட்ஸ்<span class="s1">, </span>ஹரியானா ஸ்டீலர்ஸ்<span class="s1">, </span>ஜெய்ப்பூர் பிங்க் பாந்தர்ஸ்<span class="s1">, </span>பாட்னா பைரேட்ஸ்<span class="s1">, </span>புனேரி பால்டன்<span class="s1">, </span>தமிழ் தலைவாஸ்<span class="s1">, </span>தெலுங்கு டைட்டன்ஸ்<span class="s1">, </span>யு மும்பை மற்றும் உ<span class="s1">.</span>பி<span class="s1">. </span>யோத்தாஸ் ஆகிய<span class="s1"> 12 </span>அணிகள் களமாடி வருகின்றன<span class="s1">. இந்த போட்டிகள் நாளுக்கு நாள் ரசிகர்களின் எதிர்பார்ப்புகளை எகிற வைத்து வருகிறது.</span></p>
<p class="p1">இந்நிலையில்<span class="s1">, </span>தமிழ் தலைவாஸ் அணி கடந்த சில போட்டிகளில் தொடர்ந்து வெற்றி பெற்று வருவதால் புள்ளிப்பட்டியலில்<span class="s1"> 11-</span>வது இடத்தில் இருந்து<span class="s1"> 10-</span>வது இடத்திற்கு முன்னேறியுள்ளது<span class="s1">. </span></p>
<p class="p1">தமிழ் தலைவாஸ் அணி இதுவரை<span class="s1"> 13 </span>போட்டிகளில் விளையாடி<span class="s1"> 9 </span>போட்டிகளில் தோல்வியைத் தழுவியது<span class="s1">. </span>அதே நேரத்தில்<span class="s1"> 4 </span>போட்டிகளில் மட்டும் வெற்றி பெற்றுள்ளது<span class="s1">. </span>இதனால் புள்ளிப்பட்டியலில்<span class="s1"> 25 </span>புள்ளிகளுடன் இருப்பதுடன் எதிர்மறை புள்ளிகளின் எண்ணிக்கையும் மைனஸ்<span class="s1"> 14</span>ஆக குறைந்துள்ளது<span class="s1">. </span>இது தமிழ் தலைவாஸ் அணிக்கு சாதகமாக மாறும் சூழலை ஏற்படுத்தியுள்ளது<span class="s1">. </span></p>
<p class="p1">தமிழ் தலைவாஸ் அணிக்கு இன்னும்<span class="s1"> 9 </span>போட்டிகள் மீதமுள்ளன<span class="s1">. </span>இதில் தமிழ் தலைவாஸ் அணி தனது அடுத்த போட்டியில் பெங்களூரு புல்ஸ் அணியை இன்று எதிர்கொள்கிறது<span class="s1">.</span></p>
<h2 class="p2"><strong>பழி தீர்க்குமா தமிழ் தலைவாஸ்?</strong></h2>
<p class="p1">பெங்களூரு புல்ஸ் அணி இதுவரை<span class="s1"> 14 </span>போட்டிகளில் விளையாடியுள்ளது<span class="s1">. </span>இதில்<span class="s1"> 8 </span>போட்டிகளில் தோல்வியை தழுவியுள்ளது<span class="s1">. </span>அதேபோல்<span class="s1">, 6 </span>போட்டிகளில் வெற்றி பெற்றுள்ள அந்த அணி<span class="s1"> 37 </span>புள்ளிகளுடன் புள்ளிப்பட்டியலில் எட்டாவது இடத்தில் இருக்கிறது<span class="s1">. </span>தொடர் தோல்விகளை சந்தித்து வந்த பெங்களூரு புல்ஸ் அணி கடைசியாக தெலுங்கு டைட்டன்ஸ் அணியுடன் விளையாடியது<span class="s1">. </span>இந்த போட்டியில்<span class="s1"> 42-26 </span>என்ற புள்ளிகள் அடிப்படையில் தெலுங்கு டைட்டன்ஸ் அணியை வீழ்த்தியது<span class="s1">.</span></p>
<p class="p1">முன்னதாக<span class="s1">, </span>பெங்களூரு புல்ஸ் அணி கடந்த டிசம்பர்<span class="s1"> 31 </span>ஆம் தேதி நடைபெற்ற போட்டியில் தமிழ் தலைவாஸ் அணியை எதிர்கொண்டது<span class="s1">. </span>இந்த போட்டியில் ஒரு புள்ளி வித்தியாசத்தில் தமிழ் தலைவாஸ் அணியை வீழ்த்தியது பெங்களூரு புல்ஸ் அணி<span class="s1">. </span>இச்சூழலில் தான் நாளை நடைபெறும் போட்டியில் பெங்களூரு புல்ஸ் அணியை தமிழ் தலைவாஸ் அணி பழிதீர்க்குமா என்ற எதிர்பார்ப்பு ரசிகர்களிடம் எழுந்துள்ளது<span class="s1">.</span></p>