Last Updated:
Jaspal Rana Death | 1994 முதல் 2006 வரை காமன்வெல்த் விளையாட்டுப் போட்டிகளில் 9 தங்கம் உள்பட 15 பதக்கங்களை வென்று சாதனை படைத்தவர்.
துப்பாக்கிச் சுடுதல் போட்டிகளில் இந்தியாவின் நம்பிக்கை நட்சத்திரமாக ஜொலித்த ஜஸ்பால் ராணா காலமானார். அவருக்கு வயது 49.
1994 ஆம் ஆண்டு ஜப்பானில் நடைபெற்ற ஆசிய விளையாட்டுப் போட்டிகளில் தங்கம் வென்று நாட்டையே திரும்பிப் பார்க்க வைத்தவர் ஜஸ்பால் ராணா. அதைத் தொடர்ந்து உலக ஜூனியர் ஷூட்டிங் சாம்பியன்ஷிப்பில் உலக சாதனை படைத்தார்.
1990 மற்றும் 2000 ஆண்டுகளில் சர்வதேச துப்பாக்கிச் சுடுதல் போட்டிகளில் இந்தியாவின் நம்பிக்கை நட்சத்திரமாக ஜொலித்தவர் ஜஸ்பால் ராணா. ஆசிய விளையாட்டுப் போட்டிகளில் ஏராளமான பதக்கங்களை வென்று குவித்தவர். 2006 ஆசிய விளையாட்டுப் போட்டிகளில் 3 தங்கம் மற்றும் ஒரு வெள்ளி வென்று அசத்தியவர். மேலும் 25 மீட்டர் சென்ட்டர் ஃபயர் பிஸ்டல் பிரிவில் உலக சாதனையை சமன் செய்தார்.
1994 முதல் 2006 வரை காமன்வெல்த் விளையாட்டுப் போட்டிகளில் 9 தங்கம் உள்பட 15 பதக்கங்களை வென்று சாதனை படைத்தவர். இந்திய அணியின் பயிற்சியாளராக பணியைத் தொடர்ந்த அவர் அண்மையில் ஒலிம்பிக்கில் 2 வெள்ளிப் பதக்கங்கள் வென்ற மனு பாக்கருக்கு மிகவும் உந்துதலாக இருந்தவர். அர்ஜுனா, பத்மஸ்ரீ, துரோணாச்சாரியா விருதுகளை வென்றவர். அவருக்கு கடந்த வாரம் இதய அறுவை சிகிச்சை நடைபெற்ற நிலையில், டெல்லியில் காலமானார்.
Chennai [Madras],Chennai,Tamil Nadu
