Tag: Maha Shivratri

Maha Shivratri 2024 List of Lord Shiva Movies in Tamil To Watch Out

இன்றைய தினம் சிவனுக்கு உகந்த நாளான சிவராத்திரி. அனைத்து சிவ தலங்களிலும் சிவபெருமானுக்கு நான்கு கால சிறப்பு பூஜைகள் நடைபெறும். அதை பார்ப்பதற்கு பக்தகோடிகள் அனைவரும் கண்விழித்து சிவபெருமானை ஆராதிப்பார்கள். ஒரு சில அன்றைய தினம் இரவு கண்முழிக்க வேண்டும் என்பதற்காக கச்சேரி, நாட்டியம், இசை என பல நிகழ்ச்சிகள் நடைபெறும். ஒரு சிலர் சிவனின் பெருமைகளை போற்றக்கூடிய படங்களை கண்டு பரவசமடைவார்கள். அந்த வகையில் தமிழ் சினிமாவில் வெளியான ஒரு சில சிவபக்தி படங்களை பற்றி இன்றைய தினத்தில் பார்க்கலாம் :

திருவிளையாடல் :
ஏ. பி. நாகராஜன் இயக்கத்தில் சிவாஜி கணேசன், சாவித்திரி நடிப்பில் 1965ம் ஆண்டு வெளியான திருவிளையாடல் திரைப்படம் சிவனின் மகிமையை பெருமையை பறைசாற்றிய திரைப்படம்.
சரஸ்வதி சபதம் :
ஏ.பி.நாகராஜன் இயக்கத்தில் 1966ம் ஆண்டு வெளியான இப்படத்தில் சிவாஜி கணேசன், ஜெமினி கணேசன், சாவித்ரி, பத்மினி, தேவிகா, கே.ஆர்.விஜயா உள்ளிட்ட ஏராளமான திரை நட்சத்திரங்கள் நடித்திருந்தனர். மிகவும் பிரபலமான இப்படம் ரசிகர்கள் மத்தியில் இன்றும் பேசப்படும் ஒரு திரைப்படம்.
திருவருட்செல்வர் :
ஏ.பி.நாகராஜன் இயக்கத்தில் 1967ம் ஆண்டு சிவாஜி கணேசன், ஜெமினி கணேசன், சாவித்திரி, ஆர்.முத்துராமன், பத்மினி, நாகேஷ், மனோரமா என ஏராளமானோரின் நடிப்பில் உருவான இப்படம் சிவனின் பெருமைகளை போற்றியது.

சிவன் மகிமை :
கிரிதர் பிலிம்ஸ் நிறுவனத்தின் தயாரிப்பில் உன்சூர் கிருஷ்ணமூர்த்தி இயக்கத்தில் 1981ம் ஆண்டு வெளியான திரைப்படம் ‘சிவன் மகிமை’. சீனிவாச மூர்த்தி, பத்மப்பிரியா, மைசூர் லோகேஷ், ஸ்ரீநாத், ஸ்ரீலதா, ராஜனந்த், டிஸ்கிரி நாகராஜ் மற்றும் பலர் நடித்திருந்தனர். சிவபெருமானின் மகிமையை போற்றும் இப்படம் சிவராத்திரி கண்டுகளிக்க உகந்த திரைப்படம்.
சிவலீலை :
விஎஸ்என் புரொடக்ஷன்ஸ் நிறுவனத்தின் தயாரிப்பில் வி.சுவாமிநாதன் இயக்கத்தில் 2017ம் ஆண்டு வெளியான சிவலீலை படத்தில் கே.ஆர்.விஜயா, சித்தாரா, கல்யாண்குமார், சீனிவாச மூர்த்தி, கவிதா, சுதர்ஷன் மற்றும் பலர் நடித்திருந்தனர். டி.ஜி.லிங்கப்பா இப்படத்திற்கு இசையமைத்து இருந்தார்.
சக்திலீலை :
டி.ஆர். ராமண்ணா இயக்கத்தில் ஜெமினி கணேசன், சரோஜா தேவி, ஜெயலலிதா, கே.ஆர். விஜயா, மஞ்சுளா, சிவகுமார், சுந்தர்ராஜன், அசோகன், மனோரமா மற்றும் ஏராளமானோர் நடிப்பில் மல்டி- ஸ்டாரர் புராணப் படமாக 1972ம் ஆண்டு வெளியானது.
இப்படி ஏராளமான பக்தி திரைப்படங்கள் சிவபெருமானின் மகிமைகள், அதிசயங்களை உணர்த்தும் வகையில் தமிழ் சினிமா ரசிகர்களுக்கு விருந்தாக அமைந்தது. காலத்தால் அழியாத இப்படங்கள் வரும் தலைமுறையினருக்கும் சிவ பக்தியை பறைசாற்றும் படங்களாக அமைந்தன. சிவராத்திரி தினமான இன்று இந்த சிவ பக்தி படங்களை கண்டு ரசித்து சிவனின் பரிபூரணமான அருளை பெறுங்கள்.

மேலும் காண
Source link
March 8, 2024
Tamilnadu special buses will be operated on the occasion of Shivratri Mukurtham and weekends | TN Special Buses: சிவராத்திரி, முகூர்த்த நாள்! 770 சிறப்பு பேருந்துகள் இயக்கம்

TN Special Buses: சிவராத்திரி, முகூர்த்த நாள், மற்றும் வார இறுதி நாட்களை முன்னிட்டு சிறப்பு பேருந்துகள் இயக்கப்பட உள்ளதாக தெரிவிக்கப்பட்டுள்ளது.
சிறப்பு பேருந்துகள்:
இதுகுறித்து வெளியான அறிவிப்பில், ”08/03/2024 (வெள்ளிக்கிழமை சிவராத்திரி முகூர்த்தம்) 09/03/2024 (சனிக்கிழமை) மற்றும் 10/03/2024 (ஞாயிறு) வார விடுமுறை நாட்களை முன்னிட்டு சென்னையிலிருந்தும் இதர இடங்களுக்கும் மற்றும் பிற இடங்களிலிருந்தும் கூடுதலான பயணிகள் தமிழகம் முழுவதும் பயணம் மேற்கொள்வார்கள் என எதிர்பார்க்கப்படுகிறது.
இதனை கருத்தில் கொண்டு தமிழ்நாடு அரசு போக்குவரத்துக் கழகங்கள் தினசரி இயக்கப்படும் பேருந்துகளுடன் கூடுதலாக சிறப்பு பேருந்துகளை இயக்க திட்டமிடப்பட்டுள்ளது. சென்னை கிளாம்பாக்கத்திலிருந்து திருவண்ணாமலை, திருச்சி, கும்பகோணம், மதுரை, திருநெல்வேலி, நாகர்கோவில், கன்னியாகுமரி, தூத்துக்குடி, கோயம்புத்தூர், சேலம், ஈரோடு, திருப்பூர் ஆகிய இடங்களுக்கு 07/03/2024 (வியாழக்கிழமை) அன்று 270 பேருந்துகளும் 08/03/2024 (வெள்ளிக்கிழமை) அன்று 390 பேருந்துகளும், 09/03/2024 (சனிக்கிழமை) 430 பேருந்துகளும் மற்றும் சென்னை கோயம்பேட்டிலிருந்து நாகை, வேளாங்கண்ணி, ஓசூர், பெங்களூரு ஆகிய இடங்களுக்கு 08/03/2024 மற்றும் 09/03/2024 (வெள்ளி மற்றும் சனிக்கிழமை) அன்று 70 பேருந்துகளும் இயக்க திட்டமிடப்பட்டுள்ளது.
எனவே, தினசரி இயக்க கூடிய பேருந்துகளுடன் கூடுதலாக 07/03/2024 (வியாழக்கிழமை) அன்று 270 சிறப்பு பேருந்துகளும் 08/03/2024 (வெள்ளிக்கிழமை) அன்று 390 பேருந்துகளும் மற்றும் 09/03/2024 (சனிக்கிழமை) அன்று 430 பேருந்துகளும், கோயம்பேட்டிலிருந்து 70 பேருந்துகளும் மேற்கூறிய இடங்களிலிருந்தும் மற்றும் பெங்களூர், திருப்பூர், ஈரோடு மற்றும் கோயம்புத்தூர் ஆகிய இடங்களிலிருந்தும் பல்வேறு இடங்களுக்கும் 200 சிறப்பு பேருந்துகளும் இயக்க திட்டமிடப்பட்டுள்ளது. மேலும் ஞாயிறு அன்று சொந்த ஊர்களில் இருந்து சென்னை மற்றும் பெங்களூர் திரும்ப வசதியாக பயணிகளின் தேவைகேற்ப அனைத்து இடங்களிலிருந்தும் சிறப்பு பேருந்துகள் இயக்கிட திட்டமிடப்பட்டுள்ளது.
முன்பதிவு:
இந்நிலையில், இந்த வார இறுதியில் வியாழக்கிழமை அன்று 9,096 பயணிகளும் வெள்ளிக்கிழமை 7,268 பயணிகளும் சனிக்கிழமை 3,769 பயணிகளும் மற்றும் ஞாயிறு அன்று 9,011 பயணிகளும் முன்பதிவு செய்துள்ளனர். இந்த எண்ணிக்கை மேலும் அதிகரிக்க வாய்ப்பு உள்ளதால் தொலைதூர பயணம் மேற்கொள்ள இருக்கும் பயணிகள் கூட்ட நெரிசலை தவிர்க்கும் பொருட்டு தங்களது பயணத்திற்கு www.tnstc.in மற்றும் Mobile App மூலம் முன்பதிவு செய்து பயணிக்க கேட்டுக்கொள்ளப்படுகிறார்கள்.
இச்சிறப்பு பேருந்து இயக்கத்தினை கண்காணிக்க அனைத்து பேருந்து நிலையங்களிலும் போதிய அலுவலர்கள் நியமிக்கப்பட்டுள்ளனர். எனவே, பயணிகள் மேற்கூறிய வசதியினை பயன்படுத்தி தங்களது பயணத்தினை மேற்கொள்ள இதன் மூலம் தெரிவிக்கப்படுகிறது” என்று குறிப்பிடப்பட்டுள்ளது.
மேலும் படிக்க
Teachers Strike: ‘அரசு ஊழியராக மட்டும் ஆகாதீர்கள்’- 2 வாரம் கடந்து நீளும் போராட்டம்; இடைநிலை ஆசிரியர்கள் வேதனை!
” ரூபாய் 20 கோடி பணம் தரலனா பேருந்து, ரயிலில் குண்டுகள் வெடிக்கும்” மெயிலில் வந்த மிரட்டலால் பரபரப்பு!
மேலும் காண
Source link
March 6, 2024
Isha yoga maha shivratri 2024 live stream in pvr inox cinima theatre allover india | Isha: திரையரங்க வரலாற்றில் முதல் முறை! ஈஷா மஹாசிவராத்திரி விழா நேரலை

இந்தியா முழுவதும் 35 பெருநகரங்களில் திரையரங்க வரலாற்றில் முதல் முறையாக ஈஷா மஹாசிவராத்திரி விழா PVR Inox திரையரங்குகளில் மார்ச் 8-ம் தேதி நேரடி ஒளிபரப்பு செய்யப்பட உள்ளது.
PVR Inox- மகா சிவராத்திரி விழா:
புதுச்சேரி, டெல்லி, மும்பை, புனே, பாட்னா, அகமதாபாத், இந்தோர், ஜெய்ப்பூர், கான்பூர், நொய்டா, லக்னோ, அலகாபாத், டேராடூன் உட்பட 35 பெருநகரங்களில் உள்ள தேர்ந்தெடுக்கப்பட்ட PVR Inox திரையரங்குகளில் மகா சிவராத்திரி விழா நேரலை ஒளிபரப்புக்கான ஏற்பாடுகள் செய்யப்பட்டுள்ளன.
மார்ச் 8-ம் தேதி மாலை 6 மணி முதல் அனுமதிக்கப்பட்ட காட்சி நேரம் வரை இவ்விழா ஒளிபரப்பு செய்யப்படும். இதில் பங்கேற்கும் பக்தர்களுக்கு சத்குருவால் சக்தியூட்டப்பட்ட ருத்ராட்சம் பிரசாதமாக வழங்கப்படும்.
குடியரசுத் துணைத்தலைவர் வருகை:
கோவை ஈஷா யோகா மையத்தில் சத்குரு முன்னிலையில் நடைபெறும் மகா சிவராத்திரி விழாவில் குடியரசுத் துணைத் தலைவர் ஜெகதீப் தன்கர் சிறப்பு விருந்தினராக பங்கேற்கிறார். இந்தியாவின் தலைசிறந்த இசை கலைஞர்கள் சங்கர் மகாதேவன், குருதாஸ் மான், தமிழ் நாட்டுப்புற பாடகர் மஹாலிங்கம், மும்பை தாராவி பகுதியைச் சேர்ந்த ராப்பர்ஸ் இசை குழுவினர் மற்றும் ஆப்பிரிக்கா, லெபனான், பிரான்ஸ் நாடுகளை சேர்ந்த இசை கலைஞர்களின் கலை நிகழ்ச்சிகளுடன் விழா இரவு முழுவதும் களைகட்ட உள்ளது.
இது தொடர்பாக PVR Inox நிறுவனத்தின் துணை தலைமை செயல் அதிகாரி கவுதம் தத்தா கூறுகையில், “மஹாசிவராத்திரி விழா என்பது பாரத பாரம்பரியத்தில் ஈடு இணையற்ற ஆன்மீக முக்கியத்துவம் வாய்ந்த விழாவாகும். இத்தகைய சிறப்புமிக்க இவ்விழாவை ஈஷாவுடன் இணைந்து முதல் முறையாக வெள்ளி திரையில் ஒளிபரப்பு செய்யும் வாய்ப்பை ஒரு பாக்கியமாக கருதுகிறோம். பக்தர்கள் உங்களுக்கு அருகில் இருக்கும் PVR Inox திரையரங்குகளில் இவ்விழாவில் பங்கேற்று பயன்பெறலாம்” என தெரிவித்துள்ளார்.
இவ்விழாவில் பங்கேற்பதற்கான டிக்கெட்களை pvr-mahashivaratri.co என்ற இணையதளத்தில் பதிவு செய்து கொள்ளலாம் என தெரிவிக்கப்பட்டுள்ளது.
ஈஷா மஹாசிவராத்திரி விழா தமிழ்நாட்டில் கோவை தவிர்த்து 36 இடங்களில் நேரலை ஒளிபரப்புடன் கூடிய நிகழ்ச்சியாக கொண்டாடப்பட உள்ளது குறிப்பிடத்தக்கது.
மேலும் காண
Source link
March 5, 2024