Tag: India vs Australia

On this day in 2016 Virat Kohli scored 82 at Mohali, knocked Australia and took India to the semi finals of 2016 WT20

ஜூன் மாதம் தொடங்கவுள்ள டி20 உலகக் கோப்பைக்கான இந்திய அணியில் விராட் கோலி இடம் பெறுவதற்கு சந்தேகமாக உள்ளது. ஆனால், விராட் கோலி என்னும் ஜாம்பவான் ஒரு ரன் மெஷின், சேஸிங்கில் அவர் முடிசூடா மன்னன் என்பதை பலமுறை நிரூபித்துள்ளார்.
அதில் ஒன்றுதான்! கடந்த 2016ம் ஆண்டு இதே நாளில் ஆஸ்திரேலியாவுக்கு எதிராக விராட் கோலி செய்த சம்பவம்.
அப்படி என்ன செய்தார் விராட் கோலி..?
2016 டி20 உலகக் கோப்பையில் சூப்பர் 10 குரூப் 2வில் இந்தியா – ஆஸ்திரேலிய அணிகள் மோதியது. டாஸ் வென்று முதலில் பேட்டிங் தேர்வு செய்த ஆஸ்திரேலிய அணி 20 ஓவர் முடிவில் 6 விக்கெட் இழப்பிற்கு 160 ரன்கள் எடுத்தது. ஆஸ்திரேலிய தொடக்க ஜோடியான ஆரொன் பின்ச் மற்றும் உஸ்மான் கவாஜா ஜோடி 4.1 ஓவர்களில் 54 ரன்கள் எடுத்து, சிறப்பான அடித்தளம் அமைத்தது.
16 பந்துகளில் 26 ரன்கள் எடுத்திருந்த உஸ்மான் கவாஜாவை நெஹ்ரா வெளியேற்ற, அடுத்து உள்ளே வந்த வார்னரையும் அஸ்வின் 6 ரன்களில் அவுட் செய்தார். தொடர்ந்து, நட்சத்திர பேட்ஸ்மேனான ஸ்மித்தை 2 ரன்களில் யுவராஜ் சிங் காலி செய்ய, 43 ரன்கள் எடுத்த பின்சை பாண்டியா அவுட் செய்தார். பின்னர் க்ளென் மேக்ஸ்வெல் மட்டுமே 31 ரன்கள் மட்டுமே எடுத்து சிறப்பாக விளையாட, ஆஸ்திரேலிய 160 ரன்களை பதிவு செய்தது.

8 years for one of my fav innings while chasing a total ❤️❤️💯🧿💪💪😎Thank you vade veere @imVkohli #ViratKohli𓃵 pic.twitter.com/EFsOpXxZHp
— Vikash(VK18) (@imviratarmy__) March 27, 2024
161 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணிக்கு ஆரம்பமே அதிர்ச்சியாக அமைந்தது. தொடக்க வீரராக களமிறங்கிய ரோஹித் சர்மா 12 ரன்களும், ஷிகர் தவான் 13 ரன்களுடனும் ஆட்டமிழந்தனர். அதன்பிறகு, மிகவும் எதிர்பார்க்கப்பட்ட சுரேஷ் ரெய்னா வெறும் 10 ரன்களில் வாட்சனின் பந்தில் அவுட்டானார். இங்குதான் விராட் கோலி என்னும் தனிமரம் இந்திய அணியை மீட்க ஒற்றை ஆளாக போராட தொடங்கினார். ஆரம்பத்தில் மெதுமாக இன்னிங்ஸை தொடங்கிய விராட் கோலி, ரன்னை விரட்ட தொடங்கினார். 51 பந்துகளில் 82 ரன்கள் எடுத்து விராட் கோலி கம்பீரமாக நிற்க அவருக்கு உறுதுணையாக யுவராஜ் சிங் 21 ரன்களும், கேப்டன் எம்.எஸ்.தோனி 18 ரன்களும் எடுத்து உதவினர்.

#OTD2016 First 82 knock came from Virat against AUS before his 82 Knock against Pakistan #ViratKohli𓃵pic.twitter.com/IPstXnHZs2
— 𝙕𝙀𝙀𝙈𝙊™ (@Broken_ICTIAN) March 27, 2024
இறுதியாக இந்திய அணி 19.1 ஓவர்களில் 4 விக்கெட் இழப்பிற்கு 161 ரன்கள் எடுத்து அரையிறுதிக்கு முன்னேறியது. 82 ரன்கள் குவித்த விராட் கோலியே ஆட்டநாயகன் விருதையும் வென்றார்.
ஆஸ்திரேலிய கேப்டன் ஸ்மித் கூறுகையில், கோலியின் இன்னிங்ஸ் உண்மையிலேயே விதிவிலக்கானது என்று தெரிவித்தார். இதுகுறித்து அவர், “அந்த அழுத்தத்தின் கீழ் விராட் கோலியின் இன்னிங்ஸ் அற்புதமானது. கோலி மிடில் ஆர்டரில் இருந்து சரியாக களமிறங்கி, நீண்ட நேரம் களத்தில் நின்றார். விராட் ஒரு நம்பமுடியாத நாக் விளையாடினார். 160 சமமாக இருந்தது என்று நான் நினைக்கிறேன், இந்தியாவை அரையிறுதிக்கு அழைத்து செல்ல கோலியின் நம்பமுடியாத இன்னிங்ஸ் தேவைப்பட்டது” என்று தெரிவித்தார்.
மேலும் காண
Source link
March 27, 2024
IND vs AUS U19 WC Final: 19 வயதுக்குட்பட்டோருக்கான உலகக் கோப்பை; இந்தியாவி வீழ்த்தி ஆஸ்திரேலியா மகுடம்

<p>தென்னாப்பிரிக்காவில் நடைபெற்ற  19 வயதுக்குட்பட்டோருக்கான ஒருநாள் உலகக் கோப்பை இறுதிப் போட்டியில் இந்திய அணியும் ஆஸ்திரேலியா அணியும் மோதிக் கொண்டன. இந்த போட்டியில் ஆஸ்திரேலியா அணி 79 ரன்கள் வித்தியாசத்தில் வெற்றி பெற்றது. இந்த போட்டி தென்னாப்பிரிக்காவின் பெனோனி நகரில் உள்ள வில்லோவ்மோரே மைதானத்தில் இந்திய நேரப்படி நண்பகல்1 மணிக்கு தொடங்கியது.  </p>
<p>இந்த போட்டியில் டாஸ் வென்ற ஆஸ்திரேலியா அணியின் கேப்டன் ஹூஹ் வெய்ப்ஜென் தனது அணி பேட்டிங் செய்யும் என அறிவித்தார். அதன்படி ஆஸ்திரேலியா அணியின் இன்னிங்ஸை ஹாரி டிக்ஸன் மற்றும் சாம் ஹான்ஸ்டஸ் ஆகியோர் தொடங்கினர். இருவரும் நிதானமான ஆட்டத்தினை வெளிப்படுத்தி ரன்கள் சேர்க்கவேண்டும் என நினைத்து தேவையற்ற ஷாட்களை தவிர்த்து வந்தனர். ஆனால் 8 பந்துகளை எதிர்கொண்ட சாம் தனது விக்கெட்டினை ராஜ் லிம்பானி பந்தில்  ரன் ஏதும் எடுக்காமல் இழந்து வெளியேறினார். </p>
<p>அதன் பின்னர் வந்த கேப்டன் ஹூஹ் வெய்ப்ஜென் சிறப்பாக விளையாடி அணியை வலுவான நிலைக்கு கொண்டு சென்றார். இருவரும் இணைந்து 20 ஓவர்களில் அணியின் ஸ்கோரை 90 ரன்களை எட்டவைத்துவிட்டனர். இருவரும் அரைசதத்தினை நெருங்கிக் கொண்டு இருந்தபோது இந்த கூட்டணியை இடது கை வேகப்பந்து வீச்சாளர் நமன் திவாரி கைப்பற்றினார். ஹாரி டிக்ஸன் 42 ரன்னிலும், ஹூஹ் வெய்ப்ஜென் 48 ரன்னிலும் தங்களது விக்கெட்டினை இழந்து வெளியேறினர். </p>
<p>வலுவான நிலையில் இருந்த ஆஸ்திரேலியா அணிக்கு அடுத்தடுத்து இரண்டு விக்கெட்டுகளை இழந்தது சற்று சரிவை உண்டாக்கும் என எதிர்பார்த்தபோது, களமிறங்கிய ஹர்ஜாஸ் சிங் சிறப்பாக விளையாடி சூழலை ஆஸ்திரேலியா அணிக்கு சாதகமாக மாற்றினார். ஆனால் ஹர்ஜாஸ் சிங் தனது விக்கெட்டினை 64 பந்தில் 55 ரன்கள் சேர்த்த நிலையில் சௌமி பாண்டே பந்தில் தனது விக்கெட்டினை இழந்து வெளியேறினார். இவர் அதிரடியாக 3 சிக்ஸர்களையும் 3 பவுண்டரிகளையும் பறக்கவிட்டிருந்தார் என்பது குறிப்பிடத்தக்கது. </p>
<p>அதன் பின்னரும் அடுத்தடுத்து விக்கெட்டுகளை இழக்க இந்திய அணியின் பந்துவீச்சாளார்கள் சற்று ஆதிக்கம் செலுத்த தொடங்கினர். ஆஸ்திரேலியா அணி 42 ஓவர்கள் முடிவில் 6 விக்கெட்டுகளை இழந்து 200 ரன்கள் சேர்த்திருந்தது. அதன் பின்னர் இரு அணி வீரர்களும் மிகவும் தீவிரமாக விளையாடினர். குறிப்பாக இந்திய அணியின் பந்து வீச்சாளர்கள் ஆஸ்திரேலியா அணியின் டைல் எண்டர்ஸ்க்கு நெருக்கடி கொடுத்தனர். இதனால் ஆஸ்திரேலியா அணியால் தான் எதிர்பார்த்த ரன்களை எடுக்க முடியவில்லை.  இறுதியில் ஆஸ்திரேலியா அணி 50 ஓவர்கள் முடிவில் 7 விக்கெட்டுகளை இழந்து 253 ரன்கள்  சேர்த்தது. இந்திய அணி தரப்பில் ராஜ் லிம்பானி 3 விக்கெட்டுகளும் நமன் திவாரி 2 விக்கெட்டுகளும் கைப்பற்றினர். பந்து வீச்சாளர் முருகன் அபிஷேக் 10 ஓவர்கள் பந்து வீசி விக்கெட் கைப்பற்றவில்லை என்றாலும் 37 ரன்கள் மட்டுமே விட்டுக்கொடுத்து சிறப்பாக விளையாடினார். </p>
<p>அதன் பின்னர் களமிறங்கிய இந்திய அணி தொடக்கம் முதலே விக்கெட்டுகளை இழந்து தடுமாறி வந்தது. ஆஸ்திரேலியா அணியின் அபாரமான பந்து வீச்சினால் இந்திய அணி வீரர்கள் தடுமாறினர். 100 ரன்களை எட்டுவதற்குள் 6 விக்கெட்டுகளை இந்திய அணி இழந்தது. இந்திய அணிக்கு ஆறுதல் அளிக்கும் வகையில் தொடக்க ஆட்டக்காரர் ஆதர்ஷ் சிங் 47 ரன்களும், டைல் எண்டர் பேட்ஸ்மேன் முருகன் அபிஷேக் 42 ரன்களும் சேர்த்திருந்தனர். இறுதியில் இந்திய அணி 43.5 ஓவர்களில் அனைத்து விக்கெட்டுகளையும் இழந்து 174 ரன்கள் சேர்த்தது. இதனால் ஆஸ்திரேலியா அணி 79 ரன்கள் வித்தியாசத்தில் வெற்றி பெற்று, உலகக் கோப்பையை வென்றது. </p>
<p> </p>
Source link
February 12, 2024
U19 World Cup 2024 India Vs Australia Final Match Uday Saharan Musheer Khan Saumy Pandey Performance
19 வயதுக்குட்பட்டோருக்கான உலகக் கோப்பை 2024ன் இறுதிப்போட்டியில் இந்தியா மற்றும் ஆஸ்திரேலிய அணிகள் இன்னும் சற்று நேரத்தில் மோத இருக்கின்றன. இந்திய அணியில் அரையிறுதி தென்னாப்பிரிக்காவை வீழ்த்தியும், ஆஸ்திரேலிய அணி அரையிறுதியில் பாகிஸ்தானை வீழ்த்தியும் இறுதிப்போட்டிக்கு முன்னேறியது. இந்த உலகக் கோப்பை போட்டியில் இந்திய அணி ஒட்டுமொத்தமாக சிறப்பாக செயல்பட்டாலும், இறுதிப்போட்டி வரை மூன்று இந்திய வீரர்கள் முக்கிய காரணம்.
அதில் கேப்டன் உதய் சஹாரன், முஷீர்கான், சௌமி பாண்டே ஆகியோருக்கு தலைவலியாக இருந்தனர். இந்தநிலையில், இந்த 19 வயதுக்குட்பட்டோருக்கான உலகக் கோப்பையில் மூன்று வீரர்களும் எப்படி செயல்பட்டார்கள் என்பதை இங்கே பார்க்கலாம்.
கேப்டன் உதய் சஹாரன்:
19 வயதுக்குட்பட்டோருக்கான உலகக் கோப்பை முழுவதும் கேப்டனாகவும், பேட்ஸ்மேனாகவும் உதய் சஹாரன் சிறப்பாகவே செயல்பட்டார். இந்த உலகக் கோப்பையில் இதுவரை நடந்த போட்டிகளில் அதிக ரன்களை குவித்தவர்கள் பட்டியலில் முதலிடத்தில் உள்ளார். உதய் சஹாரன் இதுவரை 6 போட்டிகளில் 64.83 என்ற சராசரியில் 1 சதம், 3 அரைசதங்களுடன் 389 ரன்கள் எடுத்துள்ளார். நேபாளத்துக்கு எதிராக சதமும், தென்னாப்பிரிக்காவுக்கு எதிரான அரையிறுதியில் 81 ரன்கள் விளாசினார். அதை தொடர்ந்து, அயர்லாந்துக்கு எதிராகவும் உதய் சஹாரன் 75 ரன்கள் எடுத்திருந்தார்.

🚨 Stat Alert 🚨No captain of Team India has become the highest run scorer in a single edition of U-19 WC so far!Highest run scorers in this edition so far⬇️Uday Saharan – 389 runs in 6 inns, 64.83 AvgMusheer Khan – 338 runs in 6 inns, 67.60 AvgSachin Dhas – 294 runs in 6… pic.twitter.com/GsRTvHJAHT
— RevSportz (@RevSportz) February 11, 2024
முஷீர் கான்:

Musheer Khan is taking the ICC U19 World Cup by storm 🔥 pic.twitter.com/XmNFIJHk7S
— Sport360° (@Sport360) January 30, 2024
19 வயதுக்குட்பட்டோருக்கான உலகக் கோப்பை போட்டியில் அதிக ரன்கள் எடுத்தவர்கள் பட்டியலில் இரண்டாவது இடத்தில் உள்ளார் இந்திய வீரர் முஷீர் கான். முஷீர் கான் இதுவரை 6 போட்டிகளில் 67.60 என்ற சராசரியில் 2 சதங்கள், ஒரு அரைசதத்துடன் 338 ரன்கள் எடுத்துள்ளார். நியூசிலாந்துக்கு எதிரான போட்டியில் முஷீர் கான் 131 ரன்கள் குவித்து சிறப்பான ஆட்டத்தை வெளிப்படுத்தினார். அதேசமயம் அயர்லாந்துக்கு எதிராக 118 ரன்களும், அமெரிக்காவுக்கு எதிராக 73 ரன்களும் எடுத்தார்.
சௌமி பாண்டே:

🔸 Highest wicket-taker among spinners🔸 Three four-wicket hauls in the tournamentSaumy Pandey has been a ⭐ for India at the #U19WorldCup 👏 pic.twitter.com/KyqwC5pCkz
— ICC Cricket World Cup (@cricketworldcup) February 5, 2024
19 வயதுக்குட்பட்டோருக்கான உலகக் கோப்பை போட்டியில் இந்திய அணியில் சௌமி பாண்டே சிறந்த பந்துவீச்சாளராக ஜொலிக்கிறார். இந்த உலகக் கோப்பையில் அதிக விக்கெட்டுகளை வீழ்த்தியவர்கள் பட்டியலில் மூன்றாவது இடத்திலும், இந்திய தரப்பில் முதல் இடத்திலும் உள்ளார். சௌமி பாண்டே இதுவரை 6 போட்டிகளில் மொத்தம் 17 விக்கெட்டுகளை வீழ்த்தியுள்ளார். நேபாளத்துக்கு எதிராக 29 ரன்களுக்கு 4 விக்கெட்டுகளையும்,நியூசிலாந்துக்கு எதிராக 19 ரன்களுக்கு 4 விக்கெட்டுகளையும் வீழ்த்தினார்.
ஆஸ்திரேலியாவுக்கு எதிரான இன்றைய இறுதிப் போட்டியில் ஒட்டுமொத்த கிரிக்கெட் ரசிகர்களின் பார்வையும் இவர்கள் மூவரும் மீதுதான் இருக்கும்.

Source link
February 11, 2024
IND vs AUS U19 World Cup 2024 Final LIVE Score Updates India U19 vs Australia U19 Cricket World Cup Final Scorecard Match Highlights

19 வயதுக்குட்பட்டோருக்கான உலகக் கோப்பை கிரிக்கெட் இறுதிப் போட்டியில் ஆஸ்திரேலிய அணியை எதிர்கொள்கிறது இந்திய அணி. இதுவரை 19 வயதுக்குட்பட்டோருக்கான உலகக் கோப்பையில் இந்திய அணி, 8 முறை இறுதிப்போட்டியில் விளையாடியுள்ளது. அதில், இந்திய அணி 5 முறை சாம்பியன் பட்டத்தையும், 3 முறை இரண்டாம் இடத்தையும் பிடித்துள்ளது.
உலகக்கோப்பை இறுதிப்போட்டி:
இந்தநிலையில், ஆறாவது முறையாக சாம்பியன் பட்டத்தை வெல்லும் முனைப்புடன் இந்திய அணி, ஆஸ்திரேலியாவுக்கு எதிராக களம் இறங்குகிறது. தென்னாப்பிரிக்காவை வீழ்த்தி இந்தியாவும், பாகிஸ்தானை வீழ்த்தி ஆஸ்திரேலியாவும் இறுதிப்போட்டிக்குள் நுழைந்துள்ளன.
இதுவரை 19 வயதுக்குட்பட்டோருக்கான உலகக் கோப்பை வரலாற்றில், இந்தியாவும் ஆஸ்திரேலியாவும் இறுதிப் போட்டியில் இரண்டு முறை மோதியுள்ளன. இந்த இரண்டு முறையும் இந்திய அணி வெற்றி பெற்றுள்ளது. இப்போது 19 வயதுக்குட்பட்டோருக்கான உலகக் கோப்பையின் இறுதிப் போட்டி இரு அணிகளுக்கும் இடையே மூன்றாவது முறையாக நடைபெறவுள்ளது.
போட்டியை எங்கு காணலாம்..?
இந்தியா – ஆஸ்திரேலியா இடையிலான இறுதிப் போட்டி பெனோனியில் இன்று நடைபெறுகிறது. இந்த போட்டியானது இந்திய நேரப்படி பிற்பகல் 1.30 மணிக்கு தொடங்குகிறது. ஸ்டார் ஸ்போர்ட்ஸ் நெட்வொர்க்கில் நேரடியாக இந்தியா மற்றும் ஆஸ்திரேலியா இறுதிப் போட்டியினை இந்திய ரசிகர்கள் கண்டு களிக்கலாம். இது தவிர, ஜியோ சினிமாவில், இந்தி மற்றும் ஆங்கிலம் தவிர மற்ற மொழிகளில் முழு போட்டியையும் பார்க்கலாம்.

U19 World Cup finalists in,20002006200820122016201820202022𝗔𝗡𝗗 𝟮𝟬𝟮𝟰This team 👏🇮🇳 pic.twitter.com/1pImcuwiaj
— Lucknow Super Giants (@LucknowIPL) February 6, 2024
பெனோனி பிட்ச் எப்படி..?
போட்டி நடைபெறும் பெனோனி வில்லோமூர் பார்க்கில் உள்ள பிட்ச் பேட்ஸ்மேன்கள் மற்றும் பந்துவீச்சாளர்கள் என இருவருக்கும் சாதகமாக இருக்கும். போட்டியின் தொடக்கத்தில் பந்துவீச்சாளர்கள் புதிய பந்தில் பவுன்ஸ் செய்வார்கள் என்று எதிர்பார்க்கப்படுகிறது. இங்கு இதுவரை 27 ஒருநாள் போட்டிகள் நடந்துள்ள நிலையில், இதுவரை முதலில் பேட்டிங் செய்த அணி எட்டு போட்டிகளில் மட்டுமே வெற்றி பெற்றுள்ளது.
இதுவரை விளையாடிய போட்டி விவரங்கள்:

மொத்த ஒருநாள் போட்டிகள்: 27
முதலில் பேட்டிங் செய்து வென்ற போட்டிகள்: 8
இரண்டாவது பேட்டிங் செய்து வென்ற போட்டிகள்: 17
சராசரி முதல் இன்னிங்ஸ் ஸ்கோர்: 233
சராசரி இரண்டாவது இன்னிங்ஸ் ஸ்கோர்: 279
அதிகபட்ச ஸ்கோர்: தென்னாப்பிரிக்கா vs ஜிம்பாப்வே 399/6
துரத்தப்பட்ட அதிகபட்ச ஸ்கோர்: இலங்கைக்கு எதிராக தென்னாப்பிரிக்கா அணி 3 விக்கெட் இழப்பிற்கு 258 ரன்களை துரத்தியது.
குறைந்தபட்ச ஸ்கோர்: நெதர்லாந்து எதிரான போட்டியில் பெர்முடா அணி 91 ரன்களுக்குள் சுருண்டது.
இரு அணிகளின் விவரம்:
இந்தியா:

உதய் சஹாரன் (கேப்டன்), அர்ஷின் குல்கர்னி, ஆதர்ஷ் சிங், ருத்ரா மயூர் படேல், சச்சின் தாஸ், பிரியான்சு மோலியா, முஷீர் கான், ஆரவெல்லி அவனிஷ் ராவ் (விக்கெட் கீப்பர்), சௌமி குமார் பாண்டே (துணை கேப்டன்), முருகன் அபிஷேக், இன்னேஷ் மகாஜன் (விக்கெட் கீப்பர் ), தனுஷ் கவுடா, ஆராத்யா சுக்லா, ராஜ் லிம்பானி, நமன் திவாரி.

ஆஸ்திரேலியா:

ஹக் வெய்ப்ஜென் (கேப்டன்), லாச்லான் ஐட்கென், சார்லி ஆண்டர்சன், ஹர்கிரத் பஜ்வா, மஹ்லி பியர்ட்மேன், டாம் காம்ப்பெல், ஹாரி டிக்சன், ரியான் ஹிக்ஸ் (விக்கெட் கீப்பர்), சாம் கான்ஸ்டாஸ், ரஃபேல் மேக்மில்லன், எய்டன் ஓ’கானர், ஹர்ஜாஸ் சிங், டாம் ஸ்ட்ரேக்கர், கால்லம் விட்லர், ஒல்லி பீக்.
Source link
February 11, 2024
India Vs Australia U19 Cricket World Cup Final 2024 Date Time Live Streaming Telecast Squads All Details
ஐசிசி நடத்தும் ஒவ்வொரு போட்டியும் கிரிக்கெட் உலகில் கவனம் பெறுகின்றது எனக் கூறினால் அது மிகையாகாது. ஐசிசி நடத்தக்கூடிய ஒருநாள் உலகக் கோப்பை, ஐசிசி டெஸ்ட் கிரிக்கெட் சாம்பியன்ஸ், ஐசிசி டி20 உலகக்கோப்பை போலவே 19வயதுக்குட்பட்டவர்களுக்கான ஐசிசி டி20 உலகக் கோப்பையும், ஐசிசி ஒருநாள் உலகக் கோப்பையும் மிகவும் முக்கியமானதாக பார்க்கப்படுகின்றது.
உலகக்கோப்பை இறுதிப்போட்டி:
இதில் தற்போது நடைபெற்று வரும் 19 வயதுக்குட்பட்டவருக்கான ஐசிசி ஒருநாள் கிரிக்கெட் இறுதிப்போட்டி இறுதி கட்டத்தினை எட்டியுள்ளது. அதில் இந்திய அணியும் ஆஸ்திரேலியா அணியும் வரும் ஞாயிறு அன்று அதாவது பிப்ரவரி 11ஆம் தேதி மோதவுள்ளது. இந்த போட்டி தென்னாப்பிரிக்காவில் உள்ள வில்லோவ்மோர் பார்க் மைதானத்தில் நடைபெறவுள்ளது.
கடந்தாண்டு தோல்வி:
கடந்த ஆண்டில் நடைபெற்ற இரண்டு ஐசிசி கோப்பைக்கான போட்டிகளின் இறுதிப் போட்டியில் இந்தியாவும் ஆஸ்திரேலியாவுமே மோதிக்கொண்டு உள்ளன. அதில் ஆஸ்திரேலியாவே வென்று கோப்பையைக் கைப்பற்றியுள்ளது. கடந்த ஆண்டு ஜூன் மாதம் இங்கிலாந்தில் உள்ள ஓவல் மைதானத்தில் நடைபெற்ற உலக டெஸ்ட் சாம்பியன்ஷிப் இறுதிப் போட்டியில் ஆஸ்திரேலியா அணி 209 ரன்கள் வித்தியாசத்தில் வெற்றி பெற்றது.
இந்த போட்டியில் முதல் இன்னிங்ஸில் ஆஸ்திரேலியா அணி 469 ரன்கள் சேர்த்தது. இந்திய அணி முதல் இன்னிங்ஸில் 296 ரன்களுக்கு ஆல் அவுட் ஆனது. இரண்டாவது இன்னிங்ஸில் ஆஸ்திரேலியா அணி 8 விக்கெட்டுகளை இழந்து 270 ரன்கள் சேர்த்த நிலையில் டிக்ளேர் செய்தது. இதனால் இந்திய அணியின் வெற்றிக்கு 444 ரன்கள் தேவை என்ற நிலையில் களமிறங்கிய இந்திய அணி 234 ரன்களுக்கு ஆல் அவுட் ஆனது. இதனால் ஆஸ்திரேலியா அணி 209 ரன்கள் வித்தியாசத்தில் வெற்றி பெற்றது.
பழிதீர்ப்பார்களா ஜூனியர்ஸ்?
அதன்பின்னர் இந்தியாவில் நடைபெற்ற உலகக் கோப்பை ஒருநாள் கிரிக்கெட் இறுதிப் போட்டியில் இந்தியாவும் ஆஸ்திரேலியாவுமே மோதிக்கொண்டது. இந்த போட்டியில் முதலில் பேட் செய்த இந்திய அணி 50 ஓவர்களுக்கு 240 ரன்கள் சேர்த்தது. அதன் பின்னர் களமிறங்கிய ஆஸ்திரேலியா அணி 4 விக்கெட்டுகளை இழந்து 241 ரன்கள் சேர்த்து வெற்றி பெற்று 6வது முறையாக உலகக் கோப்பையை வென்றது. உலக டெஸ்ட் சாம்பியன்ஷிப் இறுதிப் போட்டியிலும், ஒருநாள் உலகக் கோப்பையிலும் ஆஸ்திரேலியா அணியின் தொடக்க ஆட்டக்காரர் டிராவிஸ் ஹெட் சதம் விளாசி இந்தியாவுக்கு சிம்ம சொப்பனமாக விளங்கினார்.
இந்நிலையில் சீனியர்கள் சந்தித்த அடுத்தடுத்த ஐசிசி கோப்பை போட்டிகளில் இந்திய அணியை வெளிநாட்டு மண்ணிலும் இந்திய மண்ணிலும் வென்று சாதனை படைத்தனர் ஆஸ்திரேலியாவின் சீனியர்களுக்கு இந்திய அணியின் ஜூனியர்கள் பதிலடி கொடுப்பார்களா என்ற கேள்வி எழுந்துள்ளது. இந்திய அணியின் ஜூனியர் வீரர்கள் ஆஸ்திரேலியா அணியின் ஜூனியர் வீரர்களை வீழ்த்தி சாதனை படைத்து இந்திய கிரிக்கெட் ரசிகர்களுக்கு பெரும் நம்பிக்கையை உண்டாக்குவார்களா என்ற கேள்வியும் ரசிகர்கள் மத்தியில் எழுந்துள்ளது. இதனாலே இந்த போட்டி மீது எதிர்பார்ப்பு எகிறியுள்ளது.
Source link
February 9, 2024