<p>தென்னாப்பிரிக்காவில் நடைபெற்ற 19 வயதுக்குட்பட்டோருக்கான ஒருநாள் உலகக் கோப்பை இறுதிப் போட்டியில் இந்திய அணியும் ஆஸ்திரேலியா அணியும் மோதிக் கொண்டன. இந்த போட்டியில் ஆஸ்திரேலியா அணி 79 ரன்கள் வித்தியாசத்தில் வெற்றி பெற்றது. இந்த போட்டி தென்னாப்பிரிக்காவின் பெனோனி நகரில் உள்ள வில்லோவ்மோரே மைதானத்தில் இந்திய நேரப்படி நண்பகல்1 மணிக்கு தொடங்கியது. </p>
<p>இந்த போட்டியில் டாஸ் வென்ற ஆஸ்திரேலியா அணியின் கேப்டன் ஹூஹ் வெய்ப்ஜென் தனது அணி பேட்டிங் செய்யும் என அறிவித்தார். அதன்படி ஆஸ்திரேலியா அணியின் இன்னிங்ஸை ஹாரி டிக்ஸன் மற்றும் சாம் ஹான்ஸ்டஸ் ஆகியோர் தொடங்கினர். இருவரும் நிதானமான ஆட்டத்தினை வெளிப்படுத்தி ரன்கள் சேர்க்கவேண்டும் என நினைத்து தேவையற்ற ஷாட்களை தவிர்த்து வந்தனர். ஆனால் 8 பந்துகளை எதிர்கொண்ட சாம் தனது விக்கெட்டினை ராஜ் லிம்பானி பந்தில் ரன் ஏதும் எடுக்காமல் இழந்து வெளியேறினார். </p>
<p>அதன் பின்னர் வந்த கேப்டன் ஹூஹ் வெய்ப்ஜென் சிறப்பாக விளையாடி அணியை வலுவான நிலைக்கு கொண்டு சென்றார். இருவரும் இணைந்து 20 ஓவர்களில் அணியின் ஸ்கோரை 90 ரன்களை எட்டவைத்துவிட்டனர். இருவரும் அரைசதத்தினை நெருங்கிக் கொண்டு இருந்தபோது இந்த கூட்டணியை இடது கை வேகப்பந்து வீச்சாளர் நமன் திவாரி கைப்பற்றினார். ஹாரி டிக்ஸன் 42 ரன்னிலும், ஹூஹ் வெய்ப்ஜென் 48 ரன்னிலும் தங்களது விக்கெட்டினை இழந்து வெளியேறினர். </p>
<p>வலுவான நிலையில் இருந்த ஆஸ்திரேலியா அணிக்கு அடுத்தடுத்து இரண்டு விக்கெட்டுகளை இழந்தது சற்று சரிவை உண்டாக்கும் என எதிர்பார்த்தபோது, களமிறங்கிய ஹர்ஜாஸ் சிங் சிறப்பாக விளையாடி சூழலை ஆஸ்திரேலியா அணிக்கு சாதகமாக மாற்றினார். ஆனால் ஹர்ஜாஸ் சிங் தனது விக்கெட்டினை 64 பந்தில் 55 ரன்கள் சேர்த்த நிலையில் சௌமி பாண்டே பந்தில் தனது விக்கெட்டினை இழந்து வெளியேறினார். இவர் அதிரடியாக 3 சிக்ஸர்களையும் 3 பவுண்டரிகளையும் பறக்கவிட்டிருந்தார் என்பது குறிப்பிடத்தக்கது. </p>
<p>அதன் பின்னரும் அடுத்தடுத்து விக்கெட்டுகளை இழக்க இந்திய அணியின் பந்துவீச்சாளார்கள் சற்று ஆதிக்கம் செலுத்த தொடங்கினர். ஆஸ்திரேலியா அணி 42 ஓவர்கள் முடிவில் 6 விக்கெட்டுகளை இழந்து 200 ரன்கள் சேர்த்திருந்தது. அதன் பின்னர் இரு அணி வீரர்களும் மிகவும் தீவிரமாக விளையாடினர். குறிப்பாக இந்திய அணியின் பந்து வீச்சாளர்கள் ஆஸ்திரேலியா அணியின் டைல் எண்டர்ஸ்க்கு நெருக்கடி கொடுத்தனர். இதனால் ஆஸ்திரேலியா அணியால் தான் எதிர்பார்த்த ரன்களை எடுக்க முடியவில்லை. இறுதியில் ஆஸ்திரேலியா அணி 50 ஓவர்கள் முடிவில் 7 விக்கெட்டுகளை இழந்து 253 ரன்கள் சேர்த்தது. இந்திய அணி தரப்பில் ராஜ் லிம்பானி 3 விக்கெட்டுகளும் நமன் திவாரி 2 விக்கெட்டுகளும் கைப்பற்றினர். பந்து வீச்சாளர் முருகன் அபிஷேக் 10 ஓவர்கள் பந்து வீசி விக்கெட் கைப்பற்றவில்லை என்றாலும் 37 ரன்கள் மட்டுமே விட்டுக்கொடுத்து சிறப்பாக விளையாடினார். </p>
<p>அதன் பின்னர் களமிறங்கிய இந்திய அணி தொடக்கம் முதலே விக்கெட்டுகளை இழந்து தடுமாறி வந்தது. ஆஸ்திரேலியா அணியின் அபாரமான பந்து வீச்சினால் இந்திய அணி வீரர்கள் தடுமாறினர். 100 ரன்களை எட்டுவதற்குள் 6 விக்கெட்டுகளை இந்திய அணி இழந்தது. இந்திய அணிக்கு ஆறுதல் அளிக்கும் வகையில் தொடக்க ஆட்டக்காரர் ஆதர்ஷ் சிங் 47 ரன்களும், டைல் எண்டர் பேட்ஸ்மேன் முருகன் அபிஷேக் 42 ரன்களும் சேர்த்திருந்தனர். இறுதியில் இந்திய அணி 43.5 ஓவர்களில் அனைத்து விக்கெட்டுகளையும் இழந்து 174 ரன்கள் சேர்த்தது. இதனால் ஆஸ்திரேலியா அணி 79 ரன்கள் வித்தியாசத்தில் வெற்றி பெற்று, உலகக் கோப்பையை வென்றது. </p>
<p> </p>
Tag: 19 வயதுக்குட்பட்டோருக்கான உலகக் கோப்பை
IND vs AUS U19 WC Final: 19 வயதுக்குட்பட்டோருக்கான உலகக் கோப்பை; இந்தியாவி வீழ்த்தி ஆஸ்திரேலியா மகுடம்
IND vs AUS U19 World Cup 2024 Final LIVE Score Updates India U19 vs Australia U19 Cricket World Cup Final Scorecard Match Highlights
19 வயதுக்குட்பட்டோருக்கான உலகக் கோப்பை கிரிக்கெட் இறுதிப் போட்டியில் ஆஸ்திரேலிய அணியை எதிர்கொள்கிறது இந்திய அணி. இதுவரை 19 வயதுக்குட்பட்டோருக்கான உலகக் கோப்பையில் இந்திய அணி, 8 முறை இறுதிப்போட்டியில் விளையாடியுள்ளது. அதில், இந்திய அணி 5 முறை சாம்பியன் பட்டத்தையும், 3 முறை இரண்டாம் இடத்தையும் பிடித்துள்ளது.
உலகக்கோப்பை இறுதிப்போட்டி:
இந்தநிலையில், ஆறாவது முறையாக சாம்பியன் பட்டத்தை வெல்லும் முனைப்புடன் இந்திய அணி, ஆஸ்திரேலியாவுக்கு எதிராக களம் இறங்குகிறது. தென்னாப்பிரிக்காவை வீழ்த்தி இந்தியாவும், பாகிஸ்தானை வீழ்த்தி ஆஸ்திரேலியாவும் இறுதிப்போட்டிக்குள் நுழைந்துள்ளன.
இதுவரை 19 வயதுக்குட்பட்டோருக்கான உலகக் கோப்பை வரலாற்றில், இந்தியாவும் ஆஸ்திரேலியாவும் இறுதிப் போட்டியில் இரண்டு முறை மோதியுள்ளன. இந்த இரண்டு முறையும் இந்திய அணி வெற்றி பெற்றுள்ளது. இப்போது 19 வயதுக்குட்பட்டோருக்கான உலகக் கோப்பையின் இறுதிப் போட்டி இரு அணிகளுக்கும் இடையே மூன்றாவது முறையாக நடைபெறவுள்ளது.
போட்டியை எங்கு காணலாம்..?
இந்தியா – ஆஸ்திரேலியா இடையிலான இறுதிப் போட்டி பெனோனியில் இன்று நடைபெறுகிறது. இந்த போட்டியானது இந்திய நேரப்படி பிற்பகல் 1.30 மணிக்கு தொடங்குகிறது. ஸ்டார் ஸ்போர்ட்ஸ் நெட்வொர்க்கில் நேரடியாக இந்தியா மற்றும் ஆஸ்திரேலியா இறுதிப் போட்டியினை இந்திய ரசிகர்கள் கண்டு களிக்கலாம். இது தவிர, ஜியோ சினிமாவில், இந்தி மற்றும் ஆங்கிலம் தவிர மற்ற மொழிகளில் முழு போட்டியையும் பார்க்கலாம்.
U19 World Cup finalists in,20002006200820122016201820202022𝗔𝗡𝗗 𝟮𝟬𝟮𝟰This team 👏🇮🇳 pic.twitter.com/1pImcuwiaj
— Lucknow Super Giants (@LucknowIPL) February 6, 2024பெனோனி பிட்ச் எப்படி..?
போட்டி நடைபெறும் பெனோனி வில்லோமூர் பார்க்கில் உள்ள பிட்ச் பேட்ஸ்மேன்கள் மற்றும் பந்துவீச்சாளர்கள் என இருவருக்கும் சாதகமாக இருக்கும். போட்டியின் தொடக்கத்தில் பந்துவீச்சாளர்கள் புதிய பந்தில் பவுன்ஸ் செய்வார்கள் என்று எதிர்பார்க்கப்படுகிறது. இங்கு இதுவரை 27 ஒருநாள் போட்டிகள் நடந்துள்ள நிலையில், இதுவரை முதலில் பேட்டிங் செய்த அணி எட்டு போட்டிகளில் மட்டுமே வெற்றி பெற்றுள்ளது.
இதுவரை விளையாடிய போட்டி விவரங்கள்:
மொத்த ஒருநாள் போட்டிகள்: 27
முதலில் பேட்டிங் செய்து வென்ற போட்டிகள்: 8
இரண்டாவது பேட்டிங் செய்து வென்ற போட்டிகள்: 17
சராசரி முதல் இன்னிங்ஸ் ஸ்கோர்: 233
சராசரி இரண்டாவது இன்னிங்ஸ் ஸ்கோர்: 279
அதிகபட்ச ஸ்கோர்: தென்னாப்பிரிக்கா vs ஜிம்பாப்வே 399/6
துரத்தப்பட்ட அதிகபட்ச ஸ்கோர்: இலங்கைக்கு எதிராக தென்னாப்பிரிக்கா அணி 3 விக்கெட் இழப்பிற்கு 258 ரன்களை துரத்தியது.
குறைந்தபட்ச ஸ்கோர்: நெதர்லாந்து எதிரான போட்டியில் பெர்முடா அணி 91 ரன்களுக்குள் சுருண்டது.இரு அணிகளின் விவரம்:
இந்தியா:
உதய் சஹாரன் (கேப்டன்), அர்ஷின் குல்கர்னி, ஆதர்ஷ் சிங், ருத்ரா மயூர் படேல், சச்சின் தாஸ், பிரியான்சு மோலியா, முஷீர் கான், ஆரவெல்லி அவனிஷ் ராவ் (விக்கெட் கீப்பர்), சௌமி குமார் பாண்டே (துணை கேப்டன்), முருகன் அபிஷேக், இன்னேஷ் மகாஜன் (விக்கெட் கீப்பர் ), தனுஷ் கவுடா, ஆராத்யா சுக்லா, ராஜ் லிம்பானி, நமன் திவாரி.
ஆஸ்திரேலியா:
ஹக் வெய்ப்ஜென் (கேப்டன்), லாச்லான் ஐட்கென், சார்லி ஆண்டர்சன், ஹர்கிரத் பஜ்வா, மஹ்லி பியர்ட்மேன், டாம் காம்ப்பெல், ஹாரி டிக்சன், ரியான் ஹிக்ஸ் (விக்கெட் கீப்பர்), சாம் கான்ஸ்டாஸ், ரஃபேல் மேக்மில்லன், எய்டன் ஓ’கானர், ஹர்ஜாஸ் சிங், டாம் ஸ்ட்ரேக்கர், கால்லம் விட்லர், ஒல்லி பீக்.India Vs Australia U19 Cricket World Cup Final 2024 Date Time Live Streaming Telecast Squads All Details
ஐசிசி நடத்தும் ஒவ்வொரு போட்டியும் கிரிக்கெட் உலகில் கவனம் பெறுகின்றது எனக் கூறினால் அது மிகையாகாது. ஐசிசி நடத்தக்கூடிய ஒருநாள் உலகக் கோப்பை, ஐசிசி டெஸ்ட் கிரிக்கெட் சாம்பியன்ஸ், ஐசிசி டி20 உலகக்கோப்பை போலவே 19வயதுக்குட்பட்டவர்களுக்கான ஐசிசி டி20 உலகக் கோப்பையும், ஐசிசி ஒருநாள் உலகக் கோப்பையும் மிகவும் முக்கியமானதாக பார்க்கப்படுகின்றது.
உலகக்கோப்பை இறுதிப்போட்டி:
இதில் தற்போது நடைபெற்று வரும் 19 வயதுக்குட்பட்டவருக்கான ஐசிசி ஒருநாள் கிரிக்கெட் இறுதிப்போட்டி இறுதி கட்டத்தினை எட்டியுள்ளது. அதில் இந்திய அணியும் ஆஸ்திரேலியா அணியும் வரும் ஞாயிறு அன்று அதாவது பிப்ரவரி 11ஆம் தேதி மோதவுள்ளது. இந்த போட்டி தென்னாப்பிரிக்காவில் உள்ள வில்லோவ்மோர் பார்க் மைதானத்தில் நடைபெறவுள்ளது.
கடந்தாண்டு தோல்வி:
கடந்த ஆண்டில் நடைபெற்ற இரண்டு ஐசிசி கோப்பைக்கான போட்டிகளின் இறுதிப் போட்டியில் இந்தியாவும் ஆஸ்திரேலியாவுமே மோதிக்கொண்டு உள்ளன. அதில் ஆஸ்திரேலியாவே வென்று கோப்பையைக் கைப்பற்றியுள்ளது. கடந்த ஆண்டு ஜூன் மாதம் இங்கிலாந்தில் உள்ள ஓவல் மைதானத்தில் நடைபெற்ற உலக டெஸ்ட் சாம்பியன்ஷிப் இறுதிப் போட்டியில் ஆஸ்திரேலியா அணி 209 ரன்கள் வித்தியாசத்தில் வெற்றி பெற்றது.
இந்த போட்டியில் முதல் இன்னிங்ஸில் ஆஸ்திரேலியா அணி 469 ரன்கள் சேர்த்தது. இந்திய அணி முதல் இன்னிங்ஸில் 296 ரன்களுக்கு ஆல் அவுட் ஆனது. இரண்டாவது இன்னிங்ஸில் ஆஸ்திரேலியா அணி 8 விக்கெட்டுகளை இழந்து 270 ரன்கள் சேர்த்த நிலையில் டிக்ளேர் செய்தது. இதனால் இந்திய அணியின் வெற்றிக்கு 444 ரன்கள் தேவை என்ற நிலையில் களமிறங்கிய இந்திய அணி 234 ரன்களுக்கு ஆல் அவுட் ஆனது. இதனால் ஆஸ்திரேலியா அணி 209 ரன்கள் வித்தியாசத்தில் வெற்றி பெற்றது.
பழிதீர்ப்பார்களா ஜூனியர்ஸ்?
அதன்பின்னர் இந்தியாவில் நடைபெற்ற உலகக் கோப்பை ஒருநாள் கிரிக்கெட் இறுதிப் போட்டியில் இந்தியாவும் ஆஸ்திரேலியாவுமே மோதிக்கொண்டது. இந்த போட்டியில் முதலில் பேட் செய்த இந்திய அணி 50 ஓவர்களுக்கு 240 ரன்கள் சேர்த்தது. அதன் பின்னர் களமிறங்கிய ஆஸ்திரேலியா அணி 4 விக்கெட்டுகளை இழந்து 241 ரன்கள் சேர்த்து வெற்றி பெற்று 6வது முறையாக உலகக் கோப்பையை வென்றது. உலக டெஸ்ட் சாம்பியன்ஷிப் இறுதிப் போட்டியிலும், ஒருநாள் உலகக் கோப்பையிலும் ஆஸ்திரேலியா அணியின் தொடக்க ஆட்டக்காரர் டிராவிஸ் ஹெட் சதம் விளாசி இந்தியாவுக்கு சிம்ம சொப்பனமாக விளங்கினார்.
இந்நிலையில் சீனியர்கள் சந்தித்த அடுத்தடுத்த ஐசிசி கோப்பை போட்டிகளில் இந்திய அணியை வெளிநாட்டு மண்ணிலும் இந்திய மண்ணிலும் வென்று சாதனை படைத்தனர் ஆஸ்திரேலியாவின் சீனியர்களுக்கு இந்திய அணியின் ஜூனியர்கள் பதிலடி கொடுப்பார்களா என்ற கேள்வி எழுந்துள்ளது. இந்திய அணியின் ஜூனியர் வீரர்கள் ஆஸ்திரேலியா அணியின் ஜூனியர் வீரர்களை வீழ்த்தி சாதனை படைத்து இந்திய கிரிக்கெட் ரசிகர்களுக்கு பெரும் நம்பிக்கையை உண்டாக்குவார்களா என்ற கேள்வியும் ரசிகர்கள் மத்தியில் எழுந்துள்ளது. இதனாலே இந்த போட்டி மீது எதிர்பார்ப்பு எகிறியுள்ளது.Under 19 World Cup 2024 Pakistan Vs Australia Second Semi Final Know The Match Details Here
19 வயதுக்குட்பட்டோருக்கான உலகக் கோப்பை போட்டியானது தற்போது பரபரப்பான இறுதி கட்டத்தை எட்டியுள்ளது. இந்த போட்டியின் இரண்டாவது அரையிறுதி போட்டியில் ஆஸ்திரேலியா – பாகிஸ்தான் அணிகளுக்கு இடையே பெனோனியில் உள்ள வில்லோமூர் பூங்காவில் இன்று நடைபெறுகிறது. இந்த போட்டியில் எப்படியாவது வெற்றிபெற வேண்டும் என்று இரு அணிகளும் தீவிர பயிற்சியை மேற்கொண்டு வருகின்றது.
இன்றைய போட்டியில் எந்த அணி வெற்றி பெறுகிறதோ அந்த அணி இறுதிப்போட்டியில் இந்திய அணியை சந்திக்கும். இந்த போட்டியில் இரு அணிகளும் முதல்முறையாக நேருக்குநேர் மோதுகின்றன. தற்போதைய போட்டியில் பாகிஸ்தான் மற்றும் ஆஸ்திரேலிய அணிகள் தோற்கடிக்க முடியாத அணியாக வலம் வருகிறது. சாத் பெய்க் தலைமையிலான பாகிஸ்தான் அணி, தனது கடைசி சூப்பர் சிக்ஸ் போட்டியில் வங்கதேசத்தை வீழ்த்தியது.
10 வயதுக்குட்பட்டோருக்கான உலகக் கோப்பை 2024ல் பாகிஸ்தான் அணி தனது லீக் ஆட்டத்தில் ஆப்கானிஸ்தான், நேபாளம் மற்றும் நியூசிலாந்து அணியை வீழ்த்தி சூப்பர் சிக்ஸ் போட்டியில் நுழைந்தது. அங்கு வங்கதேச அணியை வீழ்த்தி பாகிஸ்தான் அணி அரையிறுதி போட்டிக்கு தகுதிபெற்றது.
மறுபுறம், ஆஸ்திரேலிய அணி தனது குரூப் லீக் ஆட்டத்தில் இலங்கை, ஜிம்பாப்வே மற்றும் நமீபியா அணிகளை வீழ்த்தி சூப்பர் சிக்ஸ் போட்டிக்கு தகுதிபெற்றது. இதையடுத்து, சூப்பர் சிக்ஸில் இங்கிலாந்தை 110 ரன்கள் வித்தியாசத்தில் வீழ்த்தி அரையிறுதிக்கு தகுதிபெற்றது.
இரு அணிகளும் இதுவரை நேருக்குநேர்:
பாகிஸ்தான் மற்றும் ஆஸ்திரேலிய அண்டர் 19 உலகக் கோப்பையில் இதுவரை 35 போட்டிகளில் நேருக்குநேர் மோதியுள்ளன. இதில், பாகிஸ்தான் அணி அதிகபட்சமாக 19 போட்டிகளிலும், ஆஸ்திரேலிய அணி 14 போட்டிகளில் வெற்றிபெற்றுள்ளது.
பிட்ச் எப்படி..?
தென்னாப்பிரிக்காவில் உள்ள பெனோனியின் ஸ்டேடியத்தின் பிட்ச் தொடக்கத்தில் வேகப்பந்து வீச்சாளர்களுக்கு சாதகமாக இருக்கும். அதன்பிறகு, பேட்டிங் செய்யும் அணிக்கு ரன்களை குவிக்க வாய்ப்புகளை தரும். இத்தகைய சூழ்நிலையில், இப்போட்டியில் டாஸ் வென்று முதலில் பந்துவீச்சை தேர்வு செய்வது நல்லது. ஏனெனில் இரண்டாவது இன்னிங்ஸில் பேட்ஸ்மேன்கள் இங்கு நிறைய ரன்களை எடுத்து எளிதாக வெற்றியை நோக்கி பயணிக்கலாம்.
இரு அணிகளிலும் டாப் வீரர்கள்:
பாகிஸ்தான் வேகப்பந்து வீச்சாளர் உபைத் ஷா 2024 ஆம் ஆண்டு 19 வயதுக்குட்பட்டோருக்கான உலகக் கோப்பையில் சிறப்பாக பந்துவீசியுள்ளார். இந்த உலகக் கோப்பை போட்டியில் இதுவரை உபைத் ஷா 17 விக்கெட்டுகளை வீழ்த்தியுள்ளார். மறுபுறம் பேட்டிங்கில் பாகிஸ்தான் அணி 260 ரன்கள் குவித்துள்ள ஷாசாய்ப் கான் சிறந்த பேட்ஸ்மேனாக ஜொலிக்கிறார். இவர் இந்த உலகக் கோப்பையில் பாகிஸ்தான் அணிக்காக அதிக ரன் குவித்தவர்கள் பட்டியலில் முதலிடத்தில் உள்ளார். அதேபோல், ஆஸ்திரேலிய கேப்டன் வீப்கன் 252 ரன்களும், கால்ம் விட்லர் 11 விக்கெட்டுகளும் எடுத்துள்ளனர்.
இரு அணிகளின் வீரர்கள் விவரம்:
பாகிஸ்தான் U19 அணி:
ஷாமில் ஹுசைன், ஷாஜாய்ப் கான், அஸான் அவாய்ஸ், சாத் பைக்(விக்கெட் கீப்பர்/கேப்டன்), அஹ்மத் ஹசன், ஹாரூன் அர்ஷத், அராபத் மின்ஹாஸ், அலி அஸ்பாண்ட், உபைத் ஷா, முகமது ஜீஷான், அலி ரசா, அமீர் ஹாசன், குபைப் அஹ்மத், நவீத் கலீல், கான், முகமது ரியாசுல்லா
ஆஸ்திரேலியா U19 அணி:
ஹாரி டிக்சன், ஹர்ஜாஸ் சிங், சாம் கான்ஸ்டாஸ், ஹக் வெய்ப்ஜென்(கேப்டன்), ஆலிவர் பீக், லாச்லன் ஐட்கன்(w), ராஃப் மேக்மில்லன், சார்லி ஆண்டர்சன், ஹர்கிரத் பஜ்வா, மஹ்லி பியர்ட்மேன், காலம் விட்லர், ரியான் ஹிக்ஸ், டாம் காம்ப்பெல், டாம் ஸ்ட்ரேக்கர், ஐடன் ஓ கானர், கோரி வாஸ்லிIndian Cricket Team Semi Final Journey In Under 19 World Cup 2024 Here Know Latest Tamil Sports News
அண்டர் 19 உலகக் கோப்பை போட்டியில் இந்திய அணி தனது கடைசி சூப்பர் – 6 சுற்று ஆட்டத்தில் நேபாளத்தை 132 ரன்கள் வித்தியாசத்தில் வீழ்த்தி அபார வெற்றி பெற்றது. இந்த வெற்றியின் மூலம் இந்திய அணி அரையிறுதி சுற்றுக்கு முன்னேறியது. உதய் சஹாரன் தலைமையிலான இந்திய அணி தனது முதல் சூப்பர் – 6 சுற்றில் நியூசிலாந்து அணியை 214 ரன்கள் வித்தியாசத்தில் வீழ்த்தியது. அதனை தொடர்ந்து, நேற்றைய நேபாளத்திற்கு எதிரான போட்டியிலும் வெற்றிபெற்று இந்த உலகக் கோப்பையில் தொடர்ந்து 5 போட்டிகளில் வெற்றி பெற்று அரையிறுதிக்கு முன்னேறியது.
இந்திய அணியின் அரையிறுதி பயணம்:
உதய் சஹாரன் தலைமையிலான இந்திய அணி, அடுத்ததாக அரையிறுதியில் உலகக் கோப்பை போட்டியை நடத்தும் தென்னாப்பிரிக்காவை எதிர்கொள்கிறது. இதுவரை இந்த உலகக் கோப்பை போட்டியில் இந்திய அணி தொடர்ந்து வெற்றிபெற்று, வீழ்த்த முடியாத அணியாக வலம் வருகிறது. இந்திய அணி முதல் முறையாக வங்கதேசத்தை வீழ்த்தியது. அதன்பிறகு அயர்லாந்து, அமெரிக்கா, நியூசிலாந்து மற்றும் நேபாளம் என ஒவ்வொரு அணியாக வேட்டையாடி அரையிறுதி போட்டிக்குள் அடியெடுத்து வைத்துள்ளது. இதையடுத்து, இந்திய அணியை அரையிறுதியில் வீழ்த்துவது தென்னாப்பிரிக்கா அணிக்கு மிகப்பெரிய சவாலாக இருக்கும்.
உலகக் கோப்பை போட்டியில் இந்திய பேட்ஸ்மேன்கள் மட்டுமல்ல, இதுவரை பந்துவீச்சாளர்களுமே சிறப்பாகவே செயல்பட்டுள்ளனர். இந்திய அணியின் பயணத்தை பார்த்தால், வங்கதேசத்துக்கு எதிரான ஆட்டத்தில் உதய் சஹாரன் தலைமையிலான இந்திய அணி தனது முதல் போட்டியில் விளையாடியது. இந்த போட்டியில் இந்திய அணி 84 ரன்கள் வித்தியாசத்தில் வெற்றிபெற்றது. அடுத்ததாக இந்திய அணி அயர்லாந்தை 201 ரன்கள் வித்தியாசத்தில் வீழ்த்தியது.
இறுதிப்போட்டிக்கு முன்னேறுமா இந்தியா?
தொடர்ந்து, 3வது போட்டியில் அமெரிக்காவை எதிர்கொண்ட இந்திய அணி 201 ரன்கள் வித்தியாசத்தில் தோற்கடித்தது. லீக் சுற்று முடிந்து சூப்பர் -6 க்கு சென்ற இந்திய அணி நியூசிலாந்தை எதிர்கொண்டது. அந்த போட்டியில் இந்திய அணி 214 ரன்கள் வித்தியாசத்தில் நியூசிலாந்தை வீழ்த்தியது. இதன்மூலம், இந்திய அணி தொடர்ந்து 3 போட்டிகளில் 200 ரன்களுக்கு மேல் வித்தியாசத்தில் வெற்றி பெற்றது. அதேநேரம், நேற்றைய போட்டியில் இந்திய அணி நேபாளத்தை 132 ரன்கள் வித்தியாசத்தில் வீழ்த்தியது. இந்த வெற்றிக்கு பிறகு இந்திய அணி அரையிறுதியில் தென்னாப்பிரிக்க அணியை எதிர்கொள்கிறது. தென்னாப்பிரிக்காவை வீழ்த்தி இறுதிப்போட்டிக்கு முன்னேறும் முனைப்புடன் இந்திய அணி அரையிறுதிக்குள் நுழையும்.
நேற்றைய போட்டியில் என்ன நடந்தது..?
டாஸ் வென்ற இந்திய அணி கேப்டன் உதய் சஹாரன் முதலில் பேட்டிங் செய்ய முடிவு செய்தார். இதையடுத்து, முதலில் பேட் செய்த இந்திய அணி 50 ஓவரில் 5 விக்கெட்டுக்கு 297 ரன்கள் எடுத்தது. இந்திய அணி கேப்டன் உதய் சஹாரன் 107 பந்துகளில் 9 பவுண்டரிகள் உதவியுடன் 100 ரன்கள் குவித்தார். அதேசமயம், சச்சின் தாஸ் 101 பந்துகளில் 11 பவுண்டரிகள் மற்றும் 3 சிக்ஸர்கள் உதவியுடன் 116 ரன்கள் எடுத்தார்.
298 ரன்கள் எடுத்தால் வெற்றி என்ற இலக்குடன் நேபாள அணி களமிறங்கியது. ஆனால் நேபாள பேட்ஸ்மேன்கள் இந்திய பந்து வீச்சாளர்களுக்கு எதிராக தொடர்ந்து போராட, பேட்ஸ்மேன்கள் சீரான இடைவெளியில் பெவிலியன் பக்கம் திரும்பினர். இதனால் நேபாள அணி 50 ஓவரில் 9 விக்கெட்டுக்கு 165 ரன்கள் எடுத்தது. நேபாள அணியின் தொடக்க ஆட்டக்காரர்களான தீபக் போஹ்ரா மற்றும் அர்ஜின் குமால் ஆகியோர் முதல் விக்கெட்டுக்கு 48 ரன்கள் சேர்த்தனர். ஆனால் மற்ற பேட்ஸ்மேன்களுக்கு சிறப்பாக செயல்படவில்லை. நேபாளத்தின் 7 பேட்ஸ்மேன்கள் 77 ரன்களுக்குள் பெவிலியன் சென்றனர். நேபாளத்தின் 6 பேட்ஸ்மேன்களால் இரட்டை ரன்களை கடக்க முடியவில்லை.
இந்திய அணி சார்பில் சௌமி பாண்டே 10 ஓவர்களில் 29 ரன்கள் விட்டுக்கொடுத்து 4 விக்கெட்களையும், அர்ஷின் குல்கர்னி 2 விக்கெட்டுகளையும் வீழ்த்தினர். இது தவிர ராஜ் லிம்பானி, ஆராத்யா சுக்லா, முருகன் அபிஷேக் ஆகியோர் தலா 1 விக்கெட்டை எடுத்தனர்.
ICC U19 WC: வெற்றியுடன் தொடங்கிய 19 வயதுக்கு உட்பட்டோருக்கான இந்திய அணி; வங்கதேசத்தை புரட்டி எடுத்து அபாரம்
<p>ஐசிசி நடத்தும் 19 வயதுக்குட்பட்டவருக்கான ஒருநாள் உலகக் கோப்பை கிரிக்கெட் தென்னாப்பிரிக்காவில் நடைபெற்று வருகின்றது. இதில் லீக் போட்டியில் இந்தியாவும் வங்காள தேச அணியும் மோதிக்கொண்டது. இந்த போட்டியில் டாஸ் வென்ற வங்காளதேச அணி பந்து வீச முடிவு செய்தது. அதன்படி இந்திய அணி பேட்டிங் செய்ய முடிவு செய்தது. </p>
<p>இந்திய அணியின் இன்னிங்ஸை அர்ஷத் சிங் மற்றும் அர்ஷன் குல்கர்னி ஆகியோர் தொடங்கினர். இதில் குல்கர்னி 17 பந்துகளில் 7 ரன்கள் சேர்த்த நிலையில் தனது விக்கெட்டினை இழந்து வெளியேறினார். அதன் பின்னர் வந்த முஷீர் கானும் 3 ரன்களில் வெளியேற இந்திய அணி 31 ரன்களுக்குள் 2 விக்கெட்டுகளை இழந்தது. அதன் பின்னர் வந்த கேப்டன் உதய் ஷகாரன் தொடக்க வீரர அர்ஷத் சிங்குடன் இணைந்து சரிவில் இருந்த இந்திய அணியை மீட்டார். இருவரும் இணைந்து 100 ரன்களுக்கு மேல் குவித்த பின்னர் அர்ஷத் சிங் தனது விக்கெட்டினை இழந்து வெளியேறினார். அர்ஷத் சிங் 96 பந்துகளில் 6 பவுண்டரி விளாசி 76 ரன்கள் சேர்த்த நிலையில் தனது விக்கெட்டினை இழந்து வெளியேறினார். </p>
<p>அதன் பின்னர் வந்த பிரயான்ஷு மோலியா ஆரவல்லி அவினாஷ் ஆகியோர் தலா 23 ரன்களில் தங்களது விக்கெட்டுகளை இழந்தனர். இதற்கிடையில் கேப்டன் உதய் ஷகாரன் தனது விக்கெட்டினை 94 பந்துகளில் 4 பவுண்டரிகள் விளாசி 64 ரன்கள் சேர்த்த நிலையில் தனது விக்கெட்டினை இழந்து வெளியேறினார். அதன் பின்னர் வந்த சச்சின் தாஸ் 26 ரன்கள் சேர்த்து தனது விக்கெட்டினை இழந்து இறுதி வரை களத்தில் இருந்தார். இதற்கடுத்து வந்த முருகன் அபிஷேக் அதிரடியாக ஆட முயற்சி செய்து தனது விக்கெட்டினை இழந்தார். இறுதியில் இந்திய அணி 50 ஓவர்கள் முடிவில் 7 விக்கெட்டுகளை இழந்து 251 ரன்கள் சேர்த்தது. வங்கதேச அணி சார்பில் மருஃப் மிர்தா 5 விக்கெட்டுகள் கைப்பற்றினார். </p>
<p>அதன் பின்னர் 252 ரன்கள் சேர்த்தால் வெற்றி என்ற இலக்குடன் வங்கதேச அணி களமிறங்கியது. வங்கதேச அணியின் தொடக்க வீரர்கள் சொதப்ப, 50 ரன்களுக்குள் வங்கதேச அணி 4 விக்கெட்டுகளை இழந்தது. முகமது ஷிகாப் மட்டும் பொறுப்பாக ஆடி அரைசதம் விளாசி வங்கதேச அணிக்கு நம்பிக்கை அளித்தார். முகமது ஷிகாப் தனது விக்கெட்டினை இழந்த பின்னர் வங்கதேச அணி வீரர்கள் தங்களது விக்கெட்டினை சொற்ப ரன்களுக்கு இழந்து வெளியேறினர். வங்கதேச அணி வீரர்களில் மூன்று பேர் டக் அவுட் ஆனார்கள். இதுமட்டும் இல்லாமல், மூன்று வீரர்கள் ஒற்றை இலக்க ரன்களில் தங்களது விக்கெட்டினை இழந்து வெளியேறினர். இறுதியில் வங்கதேச அணி 45.5 ஓவர்களில் அனைத்து விக்கெட்டுகளையும் இழந்து 167 ரன்கள் மட்டுமே எடுத்தது. இதனால் இந்திய அணி 84 ரன்கள் வித்தியாசத்தில் வெற்றி பெற்றது. இந்திய அணி சார்பில் ஷவும் பாண்டே 4 விக்கெட்டுகள் கைப்பற்றினார். முஷீர் கான் இரண்டு விக்கெட்டுகள் கைப்பற்றினார்.</p>
<p>இந்த வெற்றியின் மூலம் இந்திய அணி தனது முதல் லீக் போட்டியில் வெற்றி பெற்றது. குரூப் ஏவில் இடம் பெற்றுள்ள இந்திய அணி புள்ளிப்பட்டியலில் இரண்டாவது இடத்தில் உள்ளது. </p>
Indian Cricket Team Dominate In Under 19 World Cup Here Know Stats And Records List Here
Under 19 : 19 வயதுக்குட்பட்டோருக்கான உலகக் கோப்பை (அண்டர் 19 உலகக் கோப்பை) கிரிக்கெட் போட்டி வருகின்ர ஜனவரி 19ஆம் தேதி தொடங்குகிறது. முன்னதாக, இலங்கையில் நடைபெறவிருந்த இந்த போட்டி பல்வேறு காரணங்களால் இம்முறை தென்னாப்பிரிக்கா 19 வயதுக்குட்பட்டோருக்கான உலகக் கோப்பை கிரிக்கெட் போட்டியை நடத்தவுள்ளது. இந்த போட்டியானது 16 நாடுகள் பங்கேற்கும் நிகழ்வாகும். இந்த போட்டியானது 50 ஓவர்கள் வடிவத்தில் இரண்டு ஆண்டுகளுக்கு ஒருமுறை நடத்தப்படுகிறது. விராட் கோலி, கேன் வில்லியம்சன், ஸ்டீவ் ஸ்மித், ஜோ ரூட், பென் ஸ்டோக்ஸ், யுவராஜ் சிங், முகமது கைப் மற்றும் பாபர் அசாம் போன்ற பல முக்கிய வீரர்கள் அண்டர் 19 உலகக் கோப்பை போட்டியில் சிறப்பாக விளையாடியே சர்வதேச போட்டிகளில் அறிமுகமாகினர்.
இந்தநிலையில், 19 வயதுக்குட்பட்டோருக்கான கிரிக்கெட் உலகக் கோப்பையை எந்த அணி எத்தனை முறை வென்றது தெரியுமா?
அதிலும் குறிப்பாக 19 வயதுக்குட்பட்டோருக்கான உலகக் கோப்பை கிரிக்கெட் போட்டியில் அதிகமுறை இந்திய அணியே வென்று ஆதிக்கம் செலுத்தியுள்ளது. இந்த முறையும் இந்திய அணி நடப்பு சாம்பியனாக களமிறங்கும். இதுவரை 19 வயதுக்குட்பட்டோருக்கான உலகக் கோப்பை கிரிக்கெட் கோப்பையை இந்தியா அதிகபட்சமாக 5 முறை கைப்பற்றியுள்ளது.
19 வயதுக்குட்பட்டோருக்கான உலகக் கோப்பை கிரிக்கெட் போட்டியில் இந்திய அணி ஆதிக்கம்…
இந்திய அணி 2000, 2008, 2012, 2018 மற்றும் 2022 ஆகிய ஆண்டுகளில் 19 வயதுக்குட்பட்டோருக்கான உலகக் கோப்பையை வென்றுள்ளது. இந்தியாவுக்கு அடுத்தபடியாக 19 வயதுக்குட்பட்டோருக்கான உலகக் கோப்பையை ஆஸ்திரேலியா இதுவரை மூன்று முறை வென்று இரண்டாவது இடத்தில் உள்ளது. அதன்படி, 1998, 2002 மற்றும் 2010 ஆகிய ஆண்டுகளில் ஆஸ்திரேலிய அணி பட்டத்தை வென்றுள்ளது.
ஆண்டு வாரியாக பட்டத்தை வென்ற அணிகளின் விவரம்:
ஆண்டு
சாம்பியன்
ரன்னர்-அப்
நடத்திய நாடு
1988
ஆஸ்திரேலியா
பாகிஸ்தான்
ஆஸ்திரேலியா
1998
இங்கிலாந்து
நியூசிலாந்து
தென்னாப்பிரிக்கா
2000
இந்தியா
இலங்கை
இலங்கை
2002
ஆஸ்திரேலியா
தென்னாப்பிரிக்கா
நியூசிலாந்து
2004
பாகிஸ்தான்
வெஸ்ட் இண்டீஸ்
வங்கதேசம்
2006
பாகிஸ்தான்
இந்தியா
இலங்கை
2008
இந்தியா
தென்னாப்பிரிக்கா
மலேசியா
2010
ஆஸ்திரேலியா
பாகிஸ்தான்
நியூசிலாந்து
2012
இந்தியா
ஆஸ்திரேலியா
ஆஸ்திரேலியா
2014
தென்னாப்பிரிக்கா
பாகிஸ்தான்
ஐக்கிய அரபு எமிரேட்ஸ்
2016
வெஸ்ட் இண்டீஸ்
இந்தியா
வங்கதேசம்
2018
இந்தியா
ஆஸ்திரேலியா
நியூசிலாந்து
2020
வங்கதேசம்
இந்தியா
தென்னாப்பிரிக்கா
2022
இந்தியா
இங்கிலாந்து
வெஸ்ட் இண்டீஸ்
மற்ற அணிகள் எப்படி..?
19 வயதுக்குட்பட்டோருக்கான உலகக் கோப்பையை பாகிஸ்தான் இரண்டு முறை வென்றுள்ளது. அதன்படி, கடந்த 2004 மற்றும் 2006 ஆம் ஆண்டுகளில் 19 வயதுக்குட்பட்டோருக்கான கிரிக்கெட் உலகக் கோப்பையை வென்று பாகிஸ்தான் அணி அசத்தியது. பாகிஸ்தான் அணிக்கு அடுத்தபடியாக, 19 வயதுக்குட்பட்டோருக்கான உலகக் கோப்பை கிரிக்கெட் கோப்பையை தென்னாப்பிரிக்கா, இங்கிலாந்து, வெஸ்ட் இண்டீஸ் மற்றும் வங்கதேச அணிகள் தலா ஒரு முறை வென்றுள்ளன.
1998 ம் ஆண்டு 19 வயதுக்குட்பட்டோருக்கான உலகக் கோப்பையை இங்கிலாந்து வென்றது.
2014 ம் ஆண்டு 19 வயதுக்குட்பட்டோருக்கான உலகக் கோப்பையை தென்னாப்பிரிக்கா வென்றது.
2016 ம் ஆண்டு 19 வயதுக்குட்பட்டோருக்கான உலகக் கோப்பையை வெஸ்ட் இண்டீஸ் வென்றது,
2020 ம் இறுதிப்போட்டியில் இந்திய அணியை வீழ்த்தி வங்கதேசம் பட்டத்தைக் கைப்பற்றியது.
இறுதியாக, இந்திய அணி கடந்த 2022 ம் ஆண்டு 19 வயதுக்குட்பட்டோருக்கான உலகக் கோப்பையை வென்றதுஎனவே இந்த முறையும் இந்திய அணி நடப்பு சாம்பியனாக களம் இறங்கும்.
