Tag: வருமான வரி கணக்கு

  • ITR 2024 Income Tax Filing Itr Rules Who Can And Cannot File Itr1 Form In Tamil | ITR 2024: வருமான வரி தாக்கல் செய்வதற்கான ஐடிஆர்-1 படிவம்
    ITR 2024 Income Tax Filing Itr Rules Who Can And Cannot File Itr1 Form In Tamil | ITR 2024: வருமான வரி தாக்கல் செய்வதற்கான ஐடிஆர்-1 படிவம்

    ITR Forms 2024: வருமான வரி கணக்கு தாக்கல் செய்யும் ஊதியதாரர்களில் பெரும்பாலானோர், ஐடிஆர்-1 படிவத்தை பயன்படுத்துகின்றனர்.
    வருமான வரி கணக்கு தாக்கல் 2024:
    நடப்பு நிதியாண்டு (FY 2023-24) இன்னும் 50 நாட்களில் முடிவடைகிறது. பொதுவாக, வருமான வரி விதிகளின்படி, ரிட்டர்ன் தாக்கல் செய்ய ஒவ்வொரு ஆண்டும் ஜூலை 31 வரை கால அவகாசம் வழங்கப்படுகிறது. இந்த குறிப்பிட்ட காலக்கெடுவிற்குப் பிறகு நீங்கள் வருமான வரிக்கணக்கை தாக்கல் செய்தால், அபராதம் செலுத்த வேண்டி இருக்கும். வருமான வரிக் கணக்கு தாக்கல் செய்பவர்களுக்காக ஐடிஆர் 1 (ITR-1) தொடங்கி ஐடிஆர் 7 என மொத்தம் 7 படிவங்கள் விநியோகிக்கப்படுகின்றன. அதில், ஐடிஆர்-1 என்பது வருமான வரி தாக்கல் செய்யும் பெரும்பாலானவர்களால் தேர்வு செய்யப்படும் படிவமாகும். பொதுவாக, சம்பளம் வாங்குபவர்கள் அதைத் தேர்வு செய்கிறார்கள். ITR-1 படிவம் சஹாஜ் வடிவம் என்றும் அழைக்கப்படுகிறது.
    ITR-1 படிவத்தை யார் பயன்படுத்தலாம்? (Who is eligible to file ITR-1 form?)
    வழக்கமாக வரி செலுத்துவோர்களில் பெரும்பாலானோர் ஐடிஆர்-1 படிவம் மூலம் தங்கள் வருமானம் மற்றும் வரிப் விவரங்களை அரசிடம் சமர்பிக்கின்றனர். சம்பளம், ஈவுத்தொகை, வங்கி வட்டி, ஒரு வீட்டு சொத்து, விவசாயம் மூலம் ஆண்டு வருமானம் ரூ. 5000 (தனிநபர்) கொண்டிருப்பவர்கள், வருமான வரி கணக்கை தாக்கல் செய்ய ஐடிஆர் 1 படிவத்தைத் தேர்ந்தெடுக்க வேண்டும். ரூ. 50 லட்சம் வரையிலான ஆண்டு வருமானம்  கொண்ட வரி செலுத்துவோர் இந்தப் படிவத்தின் மூலம் வருமான விவரங்களை சமர்ப்பிக்கலாம்.
    ITR-1 படிவத்தை யார் பயன்படுத்தக்கூடாது?  ‍‌(Who is not eligible to file ITR-1 form?)

    வரி செலுத்துபவரின் வரிக்கு உட்பட்ட வருமானம் ரூ. 50 லட்சத்துக்கு மேல் இருந்தால், ஐடிஆர்-1 படிவம் மூலம் வருமான வரிக் கணக்கு தாக்கல் செய்யக் கூடாது.
    மியூச்சுவல் ஃபண்டுகள், தங்கம், ஈக்விட்டி பங்குகள், பிற ஆதாரங்களில் வருமானம் ஈட்டுபவர்கள் ITR-1ஐத் தேர்வு செய்யக் கூடாது.
    குதிரைப் பந்தயம், லாட்டரிகள், சட்டப்பூர்வ சூதாட்டம் போன்ற சேவைகள் மூலம் வருமானம் ஈட்டினால், அவர் ITR-1ஐ தாக்கல் செய்ய தகுதியற்றவர்.
    ஒன்றுக்கு மேற்பட்ட வீட்டுச் சொத்துக்களில் இருந்து வருமானம் பெறுபவர்கள் ITR-1 படிவம் மூலம் வருமான வரிக்கணக்கை தாக்கல் செய்ய முடியாது.
    என்ஆர்ஐ (குடியுரிமை இல்லாத இந்தியர்) ஐடிஆர்-1 ஐ தாக்கல் செய்ய தகுதியற்றவர்.
    வங்கியிலிருந்து பணத்தை எடுக்கும்போது, ​​வருமான வரிச் சட்டத்தின் 194N பிரிவின் கீழ் டிடிஎஸ் (மூலத்தில் வரிக் கழிக்கப்பட்டது) கழிக்கப்பட்டிருந்தால், அத்தகைய வரி செலுத்துவோர் ITR-1 படிவத்தைப் பயன்படுத்தக்கூடாது.
    இந்து கூட்டுக்குடும்பம் குடும்பம் (HUF), நிறுவனங்கள் ITR-1ஐ தாக்கல் செய்யக்கூடாது.

    தகுதி இல்லாதவர்கள் ITR-1 தாக்கல் செய்யப்பட்டால் என்ன ஆகும்?
    ITR-1 படிவத்தை தாக்கல் செய்ய தகுதியில்லாத ஒருவர் அந்த படிவத்தின் மூலம் தனது வருமான விவரங்களை தவறுதலாக அறிவித்தால், அவருக்கு வருமான வரித்துறையின் நோட்டிஸ் வரக்கூடும். அதில், தவறான படிவம் தாக்கல் செய்யப்பட்டுள்ளதாக அறிவுறுத்தப்பட்டு இருக்கும். நோட்டீஸ் பெறப்பட்ட நாளிலிருந்து 15 நாட்களுக்குள் சரியான படிவத்தை மீண்டும் தாக்கல் செய்ய வேண்டும். இல்லையெனில், முதலில் தாக்கல் செய்யப்பட்ட வருமான வரிக்கணக்கு செல்லுபடியாகாது. அதன்பிறகு வருமான வரித்துறை சட்டப்படி நடவடிக்கை எடுக்க வாய்ப்புள்ளது.

    Source link

  • ITR Forms Types of Income Tax Forms Which ITR Form to Choose IT Returns 2024
    ITR Forms Types of Income Tax Forms Which ITR Form to Choose IT Returns 2024


    Income Tax Returns File 2024: வருமான வரி கணக்கு தாக்கல் செய்பவர்களுக்காக, வருமான வரித்துறை இதுவரை ITR 1, ITR 2, ITR 3, ITR 4, ITR 5, ITR 6 மற்றும் ITR 7 படிவங்களை அறிமுகப்படுத்தியுள்ளது.
    வருமான வரி கணக்கு தாக்கல் 2024: 
    நடப்பு நிதியாண்டு 2023-24 அல்லது அடுத்த நிதியாண்டு 2024-25க்கான வருமான வரி அறிக்கையை (ITR), வரி செலுத்தபவர்கள் வரும் ஏப்ரல் 1ம் தேதி முதல் தாக்கல் செய்யலாம். இதற்காக, ITR 1, ITR 2, ITR 3, ITR 4, ITR 5 மற்றும் ITR 6 ஆகிய படிவங்களை வருமான வரித்துறை விடுவித்துள்ளது. இதன் மூலம், ஐடிஆர்-1 முதல் ஐடிஆர்-6 வரையிலான ஆவணங்களை, தற்போது வரி செலுத்துவோர் அணுகலாம். வருமான வரிக் கணக்கை எவ்வளவு விரைவில் தாக்கல் செய்கிறமோ, அவ்வளவு விரைவில் டிடிஎஸ் வடிவில் செலுத்தப்படும் கூடுதல் வருமான வரி உங்கள் கணக்கில் வரவு வைக்கப்படும் என்பது குறிப்பிடத்தக்கது. நிர்ணயிக்கப்பட்ட வருமானத்தை விட அதிகமாக சம்பாதிக்கும் ஒவ்வொரு நபரும் வருமான வரி செலுத்த வேண்டும். வருமான வரித்துறை இதுவரை ITR 1, ITR 2, ITR 3, ITR 4, ITR 5, ITR 6 மற்றும் ITR 7 படிவங்களை அறிமுகப்படுத்தியுள்ளது. வருமான ஆதாரங்கள், முந்தைய நிதியாண்டில் ஈட்டிய தொகை, முதலீடுகள், துறை போன்ற காரணிகளின் அடிப்படையில் வரி செலுத்துவோர்  தங்களுக்கான சரியான படிவத்தை சமர்ப்பிக்க வேண்டும். 
    யாருக்கு எந்த ஐடிஆர் படிவம் பொருந்தும்?
    ITR Form 1: இந்தியாவில்  வசிக்கும் ஒரு தனிநபரின் மொத்த வருமானம் ஒரு நிதியாண்டில் ரூ.50 லட்சத்திற்கு மிகாமல் இருந்தால், ITR 1 படிவத்தைச் சமர்ப்பிக்க வேண்டும். இதில் ஊதியம் மற்றும் ஓய்வூதியம், வீட்டு கட்டடத்தின் மூலம் வரும் வருவாய், வங்கிக் கணக்குகளில் இருந்து வரும் வட்டி உள்ளிட்டவை இந்த வருவாயில் அடங்கும்.
    ITR form 2: தனிநபர் அல்லது ஒரு இந்து கூட்டுக் குடும்பத்தின் மொத்த வருவாய் 50 லட்ச ரூபாய்க்கும் அதிகமாக இருந்தால், அவர் ITR 2 படிவத்தை பயன்படுத்தலாம். நிறுவனங்களின் இயக்குநர்கள், பட்டியலிடப்படாத நிறுவனங்களில் முதலீடு செய்பவர்கள், சம்பளம், ஒன்றுக்கு மேற்பட்ட குடியிருப்புகளில் இருந்து வருமானம், மூலதன ஆதாயம் உள்ளவர்கள் இந்தப் படிவத்தைத் தேர்ந்தெடுக்க வேண்டும். இந்தியாவிற்கு வெளியே சொத்துக்கள் அல்லது வருமானம் உள்ள நபர்களுக்கும் இது பொருந்தும்.
    ITR form 3: வணிகம் அல்லது தொழிலில் வருமானம் உள்ள தனிநபர்கள் மற்றும் இந்து கூட்டுக் குடும்பம் அல்லது ஒரு நிறுவனத்தில் பங்குதாரராக இருப்பவர்கள் ITR-3 படிவத்தை தாக்கல் செய்யலாம்.
    ITR form 4: தனிநபர், இந்து கூட்டுக் குடும்பம், ரூ.50 லட்சத்திற்கும் குறைவான வருமானம் கொண்ட நிறுவனம் (LLP தவிர்த்து) ஆகியவற்றில், வருமான வரி பிரிவுகள் 44AD, 44ADA அல்லது 44AE இன் கீழ் வணிகம் அல்லது தொழில் மூலம் வருமானம் கணக்கிடப்பட்டால் ITR-4 படிவத்தை சமர்பிக்கலாம்.
    ITR form 5: LLP மற்றும் தொழில் நிறுவனங்கள் ITR-5 ஆவணத்தை தாக்கல் செய்யலாம்.
    ITR form 6: வருமான வரிச் சட்டத்தின் பிரிவு 11 இன் கீழ் விலக்கு கோராத நிறுவனங்கள் இந்தப் படிவத்தைப் பயன்படுத்த வேண்டும்.
    ITR form 7: வருமான வரிச் சட்டத்தின் பிரிவுகள் 139(4A), 139(4B), 139(4C), அல்லது 139(4D) ஆகியவற்றின் கீழ் வருமானத்தைத் தாக்கல் செய்யும் நிறுவனங்கள் ITR-7 படிவத்தை தேர்ந்தெடுக்க வேண்டும். தொண்டு அல்லது மத அறக்கட்டளை, அரசியல் கட்சி, அறிவியல் ஆராய்ச்சி சங்கம், செய்தி நிறுவனம், மருத்துவமனை, தொழிற்சங்கம், பல்கலைக்கழகம், கல்லூரி மற்றும் தன்னார்வ தொண்டு நிறுவனங்கள் ஆகியவை இதில் அடங்கும்

    மேலும் காண

    Source link