Pro Kabaddi Final: இறுதிவரை பரபரப்பு; ஹரியானா ஸ்டீலர்ஸை வீழ்த்தி ப்ரோ கபடி லீக் கோப்பையை வென்றது புனேரி பல்டன்

<p><strong>ப்ரோ கபடி லீக்கின் 10வது சீசனின் இறுதிப் போட்டியில் புனேரி பல்டன் அணியும் ஹரியானா ஸ்டீலர்ஸ் அணியும் மோதிக்கொண்டனர். மிகவும் எதிர்பார்ப்புக்கு மத்தியில் இந்த போட்டி கச்சிபௌலி உள்விளையாட்டு அரங்கில் நடைபெற்றது. இந்த போட்டியில் புனேரி பல்டன் அணி வெற்றி பெற்றது.&nbsp;</strong></p>
<p>போட்டி தொடங்கியதில் இருந்தே பரபரப்பு தொற்றிக்கொண்டது. போட்டி தொடங்கிய முதல் நிமிடத்தில் இருந்தே புனேரி பல்டன் அணியின் ஆதிக்கம் செலுத்தி வந்தது. புனேரி பல்டன் அணி 3 புள்ளிகள் எடுத்த நிலையில் ஹரியானா ஸ்டீலர்ஸ் அணி தனது புள்ளிக்கணக்கை தொடங்காமல் இருந்தது.&nbsp;</p>
<p>ஹரியானா அணிக்கு அந்த அணியின் ஷிவம் இரண்டு புள்ளிகள் பெற்றுக் கொடுத்து அணியின் புள்ளிக் கணக்கை தொடங்கியது. அதன் பின்னர் அடுத்தடுத்து புள்ளிகளை எடுத்து இரு அணிகளும் எடுத்தது. முதல் 10 நிமிடங்கள் முடிவில் புனேரி அணி 4 புள்ளிகளும் ஹரியானா 3 புள்ளிகளும் எடுத்தது. அதன்பின்னர் நடைபெற்ற இரண்டாவது 10 நிமிடத்தில் புனேரி அணியின் பங்கஜ் மோஹிதி ஹரியானா அணியின் 4 வீரர்களை அவுட் ஆக்கியது மட்டும் இல்லாமல், புனேரி அணியினை தொடர்ந்து ஆதிக்கம் செலுத்த உதவியது. போட்டியின் முதல் பாதி ஆட்டம் முடியும்போது புனேரி பல்டன் அணி 13 புள்ளிகளும் ஹரியானா ஸ்டீலர்ஸ் அணி 10 புள்ளிகளும் எடுத்திருந்தது.&nbsp;</p>
<p>இரண்டாம் பாதி தொடங்கிய சில நிமிடங்களில் ஹரியானா ஆல் அவுட் ஆனது. இதனால் புனேரி அணி தொடர்ந்து ஆதிக்கம் செலுத்தியது. புனேரி அணியின் சார்பில் பங்கஜ் மோஹித் மற்றும் மோஹிதி கோயாட் ஆகியோர் புள்ளிகளை அள்ளிக் கொடுத்தனர்.&nbsp;</p>
<p>மூன்றாவது 10 புள்ளிகள் முடியும்போது புனேரி அணியின் வசம் போட்டி முழுக்க முழுக்க வந்துவிட்டதால், இந்த போட்டியின் கடைசி 10 நிமிடங்களை புனேரி அணி டைம் பாஸ் செய்து வந்தது. இறுதியில் இந்த போட்டியில் புனேரி அணி 28 – 25 என்ற புள்ளிகள் கணக்கில் வெற்றி பெற்றது. இதன் மூலம் புனேரி அணி முதல் முறையாக கோப்பையை வென்றுள்ளது. புனேரி அணி கடந்த சீசனில் இறுதிப் போட்டியில் கோப்பையை ஜெய்ப்பூர் பிங்க் பாந்தர்ஸ் அணியிடம் கோப்பையை இழந்திருந்தது.&nbsp;</p>

Source link