Maldives: இந்தியர்களின் செயலால் நிலைகுலைந்த மாலத்தீவு! லட்சத்தீவு விவகாரத்தில் செம்ம அடி!

<h2><strong>"சுற்றுலா பயணிகளின் வருகை குறைவு"</strong></h2>
<p>மாலத்தீவுக்கு சுற்றுலா வரும் இந்தியர்களின் எண்ணிக்கை 33 சதவீதம் குறைந்துள்ளதாக மாலத்தீவு சுற்றுலா அமைச்சகம் தெரிவித்துள்ளது. கடந்த 2023-ம் ஆண்டில் மார்ச் மாதத்தில் 41 ஆயிரத்துக்கும் மேற்பட்ட இந்திய சுற்றுலா பயணிகள் மாலத்தீவுக்கு வருகை தந்தனர்.</p>
<p>ஆனால், 2024ஆம் ஆண்டு மார்ச் மாதத்தில் இந்த எண்ணிக்கை 27,224 ஆக, அதாவது 33 சதவீதம் குறைந்துள்ளது என்று தெரிவிக்கப்பட்டுள்ளது. &nbsp;இந்தியர்களை லட்சத்தீவுகள் செல்லுமாறு இந்திய அரசு ஊக்குவிப்பது இந்த சரிவுக்கு முக்கிய காரணம் என்று சொல்லப்படுகிறது.</p>
<p>2021, 2022 மற்றும் 2023ஆம் ஆண்டு வரை இந்தியாவில் சிறந்து சுற்றுலா தளமாக மாலத்தீவின் இருந்தது. ஆண்டுக்கு 2 லட்சத்துக்கும் மேற்பட்ட இந்தியர்கள் &nbsp;மாலத்தீவுக்கு சுற்றுலா சென்று வந்தனர். மாலத்தீவு சுற்றுலா சந்தையில் இந்தியாவின் பங்கு 10 சதவீதமாக இருந்தது. ஆனால் இந்தியா மற்றும் மாலத்தீவுகள் இடையிலான உறவுகள் பாதிக்கப்பட்டதால் இந்தியா 6 சதவீத பங்குடன் 6வது இடத்துக்கு தள்ளப்பட்டுள்ளது.</p>
<h2><strong>முதலிடத்தில் சீனா:</strong></h2>
<p>மாலத்தீவுக்கு செல்லும் இந்தியர்களின் எண்ணிக்கை பெரும் சரிவை காணும் அதே வேளையில், &nbsp;அங்கு செல்லும் சீனர்களின் எண்ணிக்கை திடீரென அதிகரித்துள்ளது. சீனாவிற்கும் மாலத்தீவிற்கும் இடையிலான உறவுகள் வலுவாக இருப்பதால், 2024 ஆம் ஆண்டில் சீனாவில் இருந்து 54 ஆயிரம் சுற்றுலா பயணிகள் மாலத்தீவுக்கு வருகை தந்துள்ளனர்.</p>
<p>இதனால், மாலத்தீவுக்கு வரும் சுற்றுலா பயணிகளின் எண்ணிக்கையில் சீனா முதல் இடத்தில் உள்ளது. இந்த ஆண்டு பிப்ரவரியில் மொத்தம் 2,17,394 சுற்றுலாப் பயணிகள் மாலத்தீவுக்கு வந்துள்ளனர். இதில், &nbsp;34,600-க்கும் மேற்பட்டவர்கள் சீனாவிலிருந்து வந்தவர்கள் என்று தெரிவிக்கப்பட்டுள்ளது.&nbsp;</p>
<h2><strong>இந்திய, மாலத்தீவு நாடுகளுக்கிடையே என்ன பிரச்னை?</strong></h2>
<p>கடந்தாண்டு நவம்பர் மாதம், மாலத்தீவில் சீன ஆதரவு முகமது முய்சு அரசாங்கம் அமைந்ததில் இருந்தே, இந்திய – மாலத்தீவு நாடுகளுக்கு இடையே நிலவி வந்த சுமூகமாக உறவு பெரிய அளவில் பாதிக்கப்பட்டது. குறிப்பாக, லட்சத்தீவுக்கு பிரதமர் மோடி மேற்கொண்ட பயணம், இந்திய – மாலத்தீவு நாடுகளுக்கு இடையேயான பிரச்னையை அடுத்தக்கட்டத்துக்கு எடுத்து சென்றது.</p>
<p>மாலத்தீவுக்கு போட்டியாக லட்சத்தீவை சுற்றுலா தலமாக மாற்றவே இந்திய பிரதமர் மோடி, அங்கு சென்றதாக மாலத்தீவு அரசியல் தலைவர்கள் விமர்சித்தனர். அதோடு நின்றுவிடாமல், பல ஆட்சேபனைக்குரிய கருத்துகளை தெரிவித்தனர்.&nbsp; மாலத்தீவு எம்.பி. ஜாஹித் ரமீஸ், மாலத்தீவு அமைச்சர்கள் அப்துல்லா மஹ்சூம் மஜீத், மரியம் ஷியூனா ஆகியோர், இந்தியாவுக்கு எதிராக கடுமையாக பேசினார்.</p>
<p>மாலத்தீவு எம்பியும் அமைச்சரும் தெரிவித்த கருத்து இந்தியாவில் கொந்தளிப்பை ஏற்படுத்தியது. பெரும் அழுத்தத்தை தொடர்ந்து இந்தியாவுக்கு எதிராக பேசிய 3 மாலத்தீவு அமைச்சர்கள் சஸ்பெண்ட் செய்யப்பட்டனர். இதே வேளையில், இந்தியர்கள் பலர் மாலத்தீவு பயணத்தை ரத்து செய்தனர் என்பது குறிப்பிடத்தக்கது.&nbsp;</p>
<hr />
<p>மேலும் படிக்க</p>
<p><a title="6+2 பார்முலா.. பாஜக கூட்டணியில் இணையும் சந்திரபாபு நாயுடு.. ஆந்திராவில் மெகா பிளாள்!" href="https://tamil.abplive.com/news/india/bjp-andhra-lok-sabha-election-plan-with-chandrababu-naidu-pawan-kalyan-know-more-details-here-171804" target="_self">6+2 பார்முலா.. பாஜக கூட்டணியில் இணையும் சந்திரபாபு நாயுடு.. ஆந்திராவில் மெகா பிளாள்!</a></p>

Source link