[ad_1]
அறிமுக இயக்குநர் டி.டி. பாலசந்திரன் இயக்கத்தில் தர்ஷன் கணேசன், கங்கை அமரன், ரோஜா ஆகியோர் நடித்திருக்கும் ‘லெனின் பாண்டியன்’ திரைப்படம் இந்த மாதம் 25-ஆம் தேதி திரைக்கு வருகிறது.
தர்ஷன் கணேசன், மறைந்த நடிகர் சிவாஜி கணேசனின் பேரன் என்கிற தகவல் பலரும் அறிந்ததே. இப்படத்தின் ப்ரீ ரிலீஸ் ஈவென்ட் நேற்று சென்னையில் நடைபெற்றது.
இந்த நிகழ்வில் கலந்துகொண்ட இப்படத்தின் இசையமைப்பாளர் இளையராஜா, தன்னுடைய தம்பி கங்கை அமரன் நடித்திருப்பது பற்றி பேசியிருக்கிறார்.
இந்த நிகழ்வில் இளையாராஜா பேசுகையில், “தர்ஷன் கணேசனின் நடிப்பை நான் இந்தப் படத்தில் பார்த்தேன். சிவாஜி அண்ணனின் பெயரையும், குடும்பத்துப் பெருமையையும் காப்பாற்றுகிற மாதிரி ரொம்பச் சிறப்பா பண்ணியிருக்கார்.
எல்லாம் வல்ல இறைவன் அவருக்கு நீண்ட ஆயுள், நிறை செல்வம், ஓங்கு புகழ் மற்றும் அனைத்து வளங்களையும் தந்து நீடூடி வாழ மனதார வாழ்த்துகிறேன். அதுமட்டுமில்லாமல், என்னுடைய தம்பியும் இதில் நடிச்சிருக்கான்.
அவனைப் பற்றிப் புதிதாக அறிமுகப்படுத்த வேண்டியதில்லை; ஏற்கனவே அறிமுகமாகிவிட்டான். இருந்தாலும் இதில் ரொம்பவே சிறப்பா நடித்திருக்கிறான்.
இவன் என்கிட்டயே நடிப்பான்” என நகைச்சுவையாகப் பகிர்ந்தவர், “நிஜமாவே நல்லா பண்ணியிருக்கான் தம்பி! எல்லாரும் மனசார கை தட்டுங்களேன்! ரொம்பச் சந்தோஷமாக இருக்கிறது” எனப் பேசினார்.
[ad_2]
Source link
