2026 உலகக்கோப்பை: எகிப்தை வீழ்த்தி காலிறுதிக்கு முன்னேறிய அர்ஜெண்டினா | actpnews.com

by

Sanjuthra

July 8, 2026

No comments

1 minute

Read Time

பரபரப்பான நாக்அவுட் ஆட்டத்தில் நடப்பு சாம்பியனின் கம்பேக்

2026 பிஃபா உலகக்கோப்பை நாக்அவுட் சுற்றில், 2 கோல்கள் பின்தங்கிய நிலையிலிருந்து அபாரமாக மீண்டு வந்த அர்ஜெண்டினா, எகிப்தை 3-2 என்ற கோல் கணக்கில் வீழ்த்தி காலிறுதிக்கு முன்னேறியது. அமெரிக்காவின் அட்லாண்டாவில் நடைபெற்ற இந்த ஆட்டம் ரசிகர்களுக்கு விறுவிறுப்பான அனுபவத்தை வழங்கியது.

முதல் பாதியில் எகிப்தின் ஆதிக்கம்

போட்டி தொடங்கிய முதலே தாக்குதல் ஆட்டத்தை வெளிப்படுத்திய எகிப்து அணி, 15-வது நிமிடத்தில் யாசர் இப்ராஹிம் அடித்த கோல் மூலம் முன்னிலை பெற்றது.

இரண்டாம் பாதியிலும் எகிப்தின் வேகம் தொடர்ந்தது. 67-வது நிமிடத்தில் முஸ்தபா ஜிகோ கோல் அடித்து அணியின் முன்னிலையை 2-0 ஆக உயர்த்தினார்.

பெனால்டியை தவறவிட்ட மெஸ்ஸி

போட்டியின் முக்கிய தருணத்தில் கிடைத்த பெனால்டி வாய்ப்பை அர்ஜெண்டினா கேப்டன் லியோனல் மெஸ்ஸி கோலாக மாற்ற முடியவில்லை. இதனால் எகிப்து வெற்றியை நோக்கி நகர்வது போல தோன்றியது.

கடைசி நிமிடங்களில் அர்ஜெண்டினாவின் அசத்தல் கம்பேக்

79-வது நிமிடத்தில் லியோனல் மெஸ்ஸியின் அசிஸ்டில் கிறிஸ்டியன் ரொமேரோ கோல் அடித்து அர்ஜெண்டினாவை மீண்டும் போட்டிக்குள் கொண்டு வந்தார்.

அதனைத் தொடர்ந்து 84-வது நிமிடத்தில் மெஸ்ஸி தானே கோல் அடித்து ஆட்டத்தை 2-2 என சமன் செய்தார்.

கூடுதல் நேரத்தின் 90+2-வது நிமிடத்தில் என்சோ பெர்னாண்டஸ் அடித்த கோல், அர்ஜெண்டினாவுக்கு மறக்க முடியாத வெற்றியை உறுதி செய்தது.

காலிறுதியில் அடுத்த சவால்

இந்த வெற்றியின் மூலம் அர்ஜெண்டினா காலிறுதிக்கு தகுதி பெற்றுள்ளது. அடுத்த சுற்றில் சுவிட்சர்லாந்து – கொலம்பியா அணிகள் மோதும் போட்டியின் வெற்றியாளரை எதிர்கொள்ள உள்ளது.