புதுச்சேரி சட்டப்பேரவைப் பொதுத் தேர்தலில் மங்கலம், தட்டாஞ்சாவடி என இரண்டு தொகுதிகளில் போட்டியிட்ட முதல்வர் ரங்கசாமி, தட்டாஞ்சாவடி தொகுதி எம்.எல்.ஏ பதவியை ராஜினாமா செய்ததால் அங்கு வரும் அக்டோபர் 6-ம் தேதி இடைத்தேர்தல் நடைபெற இருக்கிறது.
என்.ஆர்.காங்கிரஸ், பா.ஜ.க, அ.தி.மு.க கூட்டணி சார்பில் அசோக் ஆனந்தும், காங்கிரஸ், த.வெ.க மற்றும் வி.சி.க சார்பில் விநாயகமும், தி.மு.க சார்பில் சேது செல்வமும் களம் காண்கின்றனர்.
சுயேச்சை வேட்பாளர்களையும் சேர்த்து 11 வேட்பாளர்கள் களத்தில் நிற்கின்றனர். ஒருபுறம் தலைவர்கள் அனல்பறக்கும் பிரசாரங்களில் ஈடுபட்டிருக்கும் நிலையில், மறுபுறம் வாக்காளர்களுக்கு பணம் பரிசுப் பொருட்கள் கொடுப்பதைத் தடுக்க கண்காணிப்பைத் தீவிரப்படுத்தியிருக்கிறது தேர்தல் ஆணையம்.
தேர்தல் முன்னேற்பாடுகள் தொடர்பாக ரெட்டியார்பாளையம் தேர்தல் துறை அலுவலகத்தில் நேற்று செய்தியாளர்களைச் சந்தித்த புதுச்சேரி தலைமைத் தேர்தல் அதிகாரி ரவி பிரகாஷ், “தகுதியுள்ள வாக்காளர்கள் விண்ணப்பித்தால் உடனடியாக அவர்களின் பெயர் வாக்காளர் பட்டியலில் பெயர் சேர்க்கப்படும். தேர்தல் நடத்துவதற்கான அனைத்து ஏற்பாடுகளும் செய்யப்பட்டிருக்கின்றன.
மின்னணு வாக்குப்பதிவு இயந்திரங்கள் அனைத்தும் தயார் நிலையில் இருக்கிறது. வாக்குப்பதிவு நடக்கும் நாளான 6-ம் தேதியும், வாக்கு எண்ணிக்கை நடைபெறும் 9-ம் தேதியும் தட்டாஞ்சாவடி தொகுதி மற்றும் தட்டாஞ்சாவடிக்கு அருகிலுள்ள மதுபான கடைகள் அனைத்தும் மூடப்படும்.
மேலும், தேர்தல் நடத்தை விதிகள் அமலில் வந்த நாளில் இருந்து நேற்று வரை ரூ.1.77 கோடி பணம் பறிமுதல் செய்யப்பட்டுள்ளது. அதேபோல வாக்காளர்களுக்கு விநியோகம் செய்ய வைக்கப்பட்டிருந்த ரூ.3.62 கோடி மதிப்புள்ள 2,500 கிராம் தங்க நாணயங்கள் பறிமுதல் செய்யப்பட்டிருக்கிறது. அதுகுறித்து வருமானவரித் துறை அதிகாரிகள் விசாரணை மேற்கொண்டு வருகின்றனர்” என்றார்.
Skipped breakfast still reading this and finished hungry but satisfied, and a stop at realmmercy kept me past breakfast time,…