<p>கோடை வெயில் தொடங்கி கொளுத்தி கொண்டு வரும் நிலையில், வெப்பநிலையானது பல இடங்களில் 100 டிகிரி பாரன்ஹீட்டுக்கு மேல் பதிவாகியது. </p>
<p>தமிழ்நாட்டில் பல்வேறு இடங்களில் வெயில் வெளுத்து கொண்டு வருகிறது. தமிழ்நாட்டில் இன்று சனிக்கிழமை 15 இடங்களில் வெப்பநிலை 100 டிகிரி ஃபாரன்ஹீட்டுக்கும் மேல் பதிவாகியுள்ளது. இதில் அதிகபட்சமாக ஈரோட்டில் 107.6 டிகிரி பாரன்ஹீட் வெப்பநிலை பதிவாகியது. </p>
<h2><strong>சதமடித்த</strong> <strong>இடங்கள்</strong><strong>:</strong></h2>
<p>1.ஈரோடு: 107.6°F</p>
<p>2.சேலம்: 106.9°F</p>
<p>3.திருப்பத்தூர்: 106.9°F</p>
<p>4.வேலூர்: 106.3°F</p>
<p>5.திருத்தணி: 104.7°F</p>
<p>6.தர்மபுரி: 105.3°F</p>
<p>7.திருச்சிரப்பள்ளி AP: 105.3°F</p>
<p>8.நாமக்கல்: 105.8°F</p>
<p>9.கரூர் பரமத்தி: 104.0°F</p>
<p>10.தஞ்சாவூர்: 104.0°F</p>
<p>11.மதுரை விமான நிலையம்: 103.6°F</p>
<p>12.கோயம்புத்தூர் AP: 103.3°F</p>
<p>13.சென்னை ஆந்திரம்: 102.2°F</p>
<p>14.மதுரை நகரம்: 101.5°F</p>
<p>15.பாளையம்கோட்டை: 100.0°F</p>
<p>இந்நிலையில், வானிலை நிலவரம் குறித்து வானிலை மையம் தெரிவித்துள்ளதாவது, தென் இந்திய பகுதிகளில் மேல் வளிமண்டல கீழடுக்குகளில், காற்றின் திசை மாறுபாடானது நிலவுகிறது.</p>
<p>அதிகபட்ச வெப்பநிலை வட தமிழக உள் மாவட்டங்களில் அநேக இடங்களில் 3° – 5° செல்சியஸ் இயல்பை விட அதிகமாக இருக்கக்கூடும். இதர பகுதிகளில் ஒருசில இடங்களில் 2° – 4° செல்சியஸ் இயல்பை விட அதிகமாக இருக்கக்கூடும்.</p>
<p>அதிகபட்ச வெப்பநிலை வட தமிழக உள் மாவட்டங்களில் ஒருசில இடங்களில் 40°– 41° செல்சியஸ், உள் மாவட்டங்களின் சமவெளி பகுதிகளில் அநேக இடங்களில் 38°–40° செல்சியஸ் மற்றும் கடலோரப்பகுதிகளில் 34°–37° செல்சியஸ் இருக்கக்கூடும் என தெரிவித்தது.</p>
<h2><strong>மழைக்கு</strong> <strong>வாய்ப்பு</strong><strong>:</strong></h2>
<p>தென் தமிழக மாவட்டங்கள், வட தமிழகத்தின் டெல்டா மாவட்டங்கள் மற்றும் மேற்கு தொடர்ச்சி மலை மாவட்டங்களில் ஓரிரு இடங்களிலும், காரைக்கால் பகுதிகளிலும் லேசானது முதல் மிதமான மழை பெய்யக்கூடும் எனவும் வானிலை மையம் தெரிவித்தது. </p>
<p>தமிழ்நாட்டில் அடுத்த 2 நாட்களில் தென் தமிழக மாவட்டங்கள், வட தமிழகத்தின் டெல்டா மாவட்டங்கள் மற்றும் மேற்கு தொடர்ச்சி மலை மாவட்டங்களில் ஓரிரு இடங்களிலும்,லேசானது முதல் மிதமான மழை பெய்யக்கூடும் எனவும் , இதர பகுதிகளில் வறண்ட வானிலை நிலவக்கூடும் எனவும் தெரிவித்துள்ளது.</p>