The Kerala Story: ஓடிடியில் ரிலீசானது சர்ச்சையை கிளப்பிய தி கேரளா ஸ்டோரி!

<p>சமீபத்தில் வெளியாகி சர்ச்சைகளைக் கிளப்பிய தி கேரள ஸ்டோரி படம் இன்று அதாவது பிப்ரவரி 16ஆம் தேதி ஜீ ஃபைவ் ஓடிடி தளத்தில் வெளியாகியுள்ளது.&nbsp;</p>
<h2><strong>தி கேரள ஸ்டோரி:</strong></h2>
<p>கடந்த ஆண்டு ஏப்ரல் மாதம் வெளியாகி பெரும் சர்ச்சைகளைக் கிளப்பிய திரைப்படம் &lsquo;தி கேரளா ஸ்டோரி&rsquo;.&nbsp; இஸ்லாமிய மதத்திற்கு எதிரான வெறுப்பு பிரச்சாரங்கள் மேலோங்கி இருப்பதாக இப்படத்தின் ட்ரெய்லர் வெளியானது முதலே விமர்சனங்கள் முன்வைக்கப்பட்டன. தொடர்ந்து மே 5ஆம் தேதி வெளியான இப்படம் கடும் விமர்சனங்களைப் பெற்று சர்ச்சைகளைக் கிளப்பியது.</p>
<p>இந்தியில் உருவான இப்படம் பான் இந்தியா திரைப்படமாக தமிழ், தெலுங்கு, மலையாளம் ஆகிய மொழிகளிலும் டப் செய்யப்பட்டு வெளியிடப்பட்ட நிலையில், மேற்கு வங்கம் போன்ற மாநிலங்களில் தி கேரளா ஸ்டோரி படம் தடைசெய்யப்பட்டது.</p>
<h2><strong>வெடித்த போராட்டங்கள்:</strong></h2>
<p>பல மாநிலங்களில் இப்படத்துக்கு எதிராக போராட்டங்கள் வெடித்த நிலையில், தமிழ்நாட்டில் போதிய வரவேற்பு இல்லாததால் இப்படம் திரையிடப்பட மாட்டாது என மல்டிப்ளெக்ஸ் திரையரங்கங்கள் தெரிவித்து படத்தினை திரையிடுவதை நிறுத்திக் கொண்டன.</p>
<p>மற்றொருபுறம் பாஜக ஆளும் உத்தரப் பிரதேசம், ஹரியானா, மத்திய பிரதேசம் மற்றும் உத்தரகாண்ட் ஆகிய மாநிலங்களில் இப்படத்துக்கு வரிவிலக்கு அளிக்கப்பட்டது. இந்த விமர்சனங்களுக்கெல்லாம் அப்பாற்பட்டு தி கேரளா ஸ்டோரி திரைப்படம் திரையரங்குகளில் 240 கோடிகளுக்கு மேல் இப்படம் வசூலைக் குவித்தது.&nbsp; இந்நிலையில் தி கேரளா ஸ்டோரி திரைப்படம் வசூலைக் குவித்தபோதும் முன்னணி ஓடிடி நிறுவனங்கள் எதுவும் முன்வரவில்லை எனத் தகவல்கள் வெளியானது.&nbsp;</p>
<h2><strong>எரிச்சல்:</strong></h2>
<p>முன்னதாக தனியார் செய்தி நிறுவனத்துக்குப் பேட்டியளித்த &nbsp;தி கேரளா ஸ்டோரி இயக்குநர் சுதிப்தோ சென், எந்த ஓடிடி தளங்களும் தங்களை அணுகவில்லை&rdquo; எனத் தெரிவித்திருந்தார். இதுவரை, நாங்கள் பரிசீலிக்கத் தகுந்த எந்த சலுகையும் வரவில்லை. எங்களை &nbsp;தண்டிக்க திரைப்படத் துறையினர் ஒன்றுகூடி உள்ளனர். எங்கள் பாக்ஸ் ஆபிஸ் வெற்றி திரைப்படத் துறையின் பல பிரிவினரை எரிச்சலடையச் செய்துள்ளது.&nbsp;&nbsp;எங்கள் வெற்றிக்காக எங்களை தண்டிக்க பொழுதுபோக்குத் துறையின் ஒரு பகுதி ஒன்றிணைந்ததாக நாங்கள் உணர்கிறோம்&rdquo; எனத் தெரிவித்திருந்தார்.&nbsp;</p>
<p>முன்னதாக தி கேரளா ஸ்டோரி படத்துக்கு கேரளா, தமிழ்நாடு அரசுகள் தடை கோரிய நிலையில், &ldquo;மதச்சார்பின்மை மாநிலமான கேரளாவில், மத தீவிரவாதத்தின் மையமாக தன்னை நிலைநிறுத்திக் கொண்ட சங்பரிவார், இப்படத்தின் மூலம் பிரச்சாரத்தை பரப்ப முயற்சிக்கிறது&rdquo; என கேரள முதலமைச்சர் பினராயி விஜயன் கடுமையாக சாடியிருந்தார்.&nbsp;</p>
<h2><strong>இன்று ரிலீஸ்:</strong></h2>
<p>இதேபோல் சர்வதேச இந்திய திரைப்பட விழாவில் வாழ்நாள் சாதனையாளர் விருது பெற்ற உலகநாயகன் <a title="கமல்ஹாசன்" href="https://tamil.abplive.com/topic/kamal-haasan" data-type="interlinkingkeywords">கமல்ஹாசன்</a> தி கேரளா ஸ்டோரி ஒரு பிரச்சாரத் திரைப்படம் என்றும், தான் பிரச்சாரத் திரைப்படங்களுக்கு முற்றிலும் எதிரானவர் என்றும் கருத்துத் தெரிவித்தைருந்தது குறிப்பிடத்தக்கது.&nbsp;இந்நிலையில் இந்த படம் இன்று ஜூ ஃபைவ் ஓடிடி தளத்தில் வெளியாகியுள்ளது.&nbsp;</p>

Source link