Tamil Thalaivas Vs Puneri Paltan LIVE: வெற்றிக்காக தொடரும் தமிழ் தலைவாஸின் போராட்டம் மீண்டும் வீண்; புனேரி வெற்றி

<p>ப்ரோ கபடி லீக் சீசன் 10 இன் 60வது போட்டியில் இன்று புனேரி பல்டன் அணி, மும்பையில் உள்ள நேஷனல் ஸ்போர்ட்ஸ் கிளப் ஆஃப் இந்தியா ஸ்டேடியத்தில் தமிழ் தலைவாஸ் அணியை எதிர்கொள்கிறது. இந்த ஆட்டம் இந்திய நேரப்படி இரவு 08:00 மணிக்கு தொடங்குகிறது.</p>
<h2><strong>புனேரி பல்டன் vs தமிழ் தலைவாஸ்:</strong></h2>
<p>கடந்த 3ம் தேதி உபி யோதாஸ் அணிக்கு எதிரான வெற்றிக்குப் பிறகு புனேரி பல்டன் அணி இன்றைய போட்டியில் களமிறங்குகிறது. உபி யோதாஸ் அணிக்கு எதிரான போட்டியில் புனேரி பல்டன் அணி 40-31 என்ற புள்ளிக் கணக்கில் வெற்றி பெற்றது குறிப்பிடத்தக்கது. இது புரோ கபடி லீக் சீசன் 10ன் புனேரி பல்டன் அணியின் எட்டாவது வெற்றியாகும்.</p>
<p>மறுபுறம், தமிழ் தலைவாஸ் அணி கடந்த டிசம்பர் 31ம் தேதி பெங்களூரு புல்ஸ் அணிக்கு எதிரான கடைசி ஆட்டத்தில் 37-38 என்ற புள்ளி கணக்கில் தோல்வியடைந்தது.</p>
<h2><strong>புனேரி பல்டன் vs தமிழ் தலைவாஸ் அணிகள் இதுவரை நேருக்கு நேர்:&nbsp;</strong></h2>
<p>ப்ரோ கபடி லீக் வரலாற்றில் புனேரி பல்டன் மற்றும் தமிழ் தலைவாஸ் அணிகள் 9 முறை மோதியுள்ளன. இதில், தமிழ் தலைவாஸுக்கு எதிரான 4 வெற்றிகளுடன், புனேரி பல்டன் அணி முன்னிலையில் உள்ளது. தமிழ் தலைவாஸ் 3 முறை வென்றுள்ள நிலையில், 2 போட்டிகள் டையில் முடிந்தது.</p>
<p>கடைசியாக சீசன் 9ல் புனேரி பல்டன் vs தமிழ் தலைவாஸ் ஆட்டத்தில் 39-37 என்ற கணக்கில் புனேரி பல்டன் அணி வெற்றி பெற்றது.&nbsp;</p>
<p>8 வெற்றிகள் மற்றும் 1 தோல்வியுடன், புனேரி பல்டன் 41 புள்ளிகளுடன் ப்ரோ கபடி லீக் சீசன் 10 புள்ளிகள் பட்டியலில் முதலிடத்தில் உள்ளது.</p>
<p>மறுபுறம், தமிழ் தலைவாஸ் 2 போட்டிகளில் வெற்றி பெற்று 7 போட்டிகளில் தோல்வியடைந்து புள்ளி பட்டியலில் 11 வது இடத்தில் உள்ளது. தமிழ் தலைவாஸ் அணி இந்த சீசனில் மொத்தமாகவே 13 புள்ளிகள் மட்டுமே பெற்றுள்ளது.&nbsp;</p>
<h2><strong>புனேரி பல்டன் vs தமிழ் தலைவாஸ் அணி வீரர்கள்</strong></h2>
<h3><strong>புனேரி பல்டன்</strong></h3>
<p>ப்ரோ கபடி லீக்கில் இந்த 10வது சீசனில் புனேரி பல்டான் அணிக்காக மோஹித் கோயட் 9 போட்டிகளில் 65 ரெய்டு புள்ளிகளை குவித்து சிறந்த ரைடராக ஜொலிக்கிறார். இவர் உபி யோதாஸ் அணிக்கு எதிரான தனது கடைசி போட்டியில் 4 ரெய்டு புள்ளிகளை எடுத்தார்.&nbsp;</p>
<p>இதற்கிடையில், புனேரி பல்டன் அணிக்காக ப்ரோ கபடி லீக் 10 இல் 9 போட்டிகளில் 29 டிபென்ஸ் புள்ளிகள் பெற்ற அபினேஷ் நடராஜன் ஆதிக்கம் செலுத்தி வருகிறார். அதேபோல், இதே அணியை சேர்ந்த அஸ்லாம் இனாம்தார் இதுவரை 71 புள்ளிகள் குவித்து அணியில் முதலிடத்தில் உள்ளார்.</p>
<h3><strong>தமிழ் தலைவாஸ்</strong></h3>
<p>தமிழ் தலைவாஸைப் பொறுத்தவரை அஜிங்க்யா பவார் முக்கிய ரெய்டராக திகழ்ந்து வருகிறார். இவர் கடந்த 9 போட்டிகளில் 63 ரெய்டு புள்ளிகளை அள்ளியுள்ளார். இதில் 9 டூ ஆர் டை ரெய்டு புள்ளிகளும் அடங்கும்.</p>
<p>சாஹில் குலியா தமிழ் தலைவாஸ் அணிக்காக டிபென்ஸ் பிரிவில் சிறப்பாக செயல்பட்டு வருகிறார். இவர் கடந்த 9 போட்டிகளில் 33 டிபென்ஸ் புள்ளிகளை எடுத்துள்ளார். அதேசமயம், ஹிமான்ஷு 5 போட்டிகளில் 13 புள்ளிகளுடன் அணியில் சிறந்த ஆல்ரவுண்டராக ஜொலிக்கிறார்.&nbsp;</p>
<h2><strong>இந்த போட்டியில் படைக்கவிருக்கும் மைல்கல்கள்:</strong></h2>
<p>தமிழ் தலைவாஸின் அஜிங்க்யா பவார் ப்ரோ கபடி லீக்கில் 400 ரெய்டு புள்ளிகளை எட்ட 7 ரெய்டு புள்ளிகள் தேவையாக உள்ளது.&nbsp;</p>
<h2><strong>ப்ரோ கபடி சீசன் 10ஐ நேரலையில் எங்கே பார்ப்பது?</strong></h2>
<p>ப்ரோ கபடி சீசன் 10 இலிருந்து ஸ்டார் ஸ்போர்ட்ஸ் நெட்வொர்க்கிலும் டிஸ்னி+ ஹாட்ஸ்டார் மொபைல் ஆப்பிலும் இலவசமாக கண்டுகளிக்கலாம்.&nbsp;</p>

Source link