<h2 class="p1"><strong>IND vs ENG 2nd Test: </strong></h2>
<p class="p2">இந்தியாவிற்கு சுற்றுப்பயணம் வந்துள்ள இங்கிலாந்து அணி<span class="s1"> 5 </span>டெஸ்ட் போட்டிகள் கொண்ட தொடரில் விளையாடி வருகிறது<span class="s1">. </span>கடந்த<span class="s1"> 25 </span>ஆம் தேதி ஹைதராபாத்தில் நடைபெற்ற முதல் டெஸ்ட் போட்டியில் இங்கிலாந்து அணி<span class="s1"> 28 </span>ரன்கள் வித்தியாசத்தில் இந்திய அணியை வீழ்த்தியது<span class="s1">. </span>இதன்மூலம்<span class="s1"> 1-0 </span>என்ற புள்ளி கணக்கில் இங்கிலாந்து அணி தொடரில் முன்னிலையில் உள்ளது<span class="s1">. </span>முன்னதாக<span class="s1">, </span>முதல் டெஸ்ட் போட்டியில் சுப்மன் கில் மற்றும் ஷ்ரேயாஸ் ஐயர் இங்கிலாந்து அணியினரின் பந்து வீச்சை சமாளிக்க முடியாமல் திணறினார்கள்<span class="s1">. </span>அதன்படி முதல் இன்னிங்ஸில் சுப்மன் கில்<span class="s1"> 66 </span>பந்துகள் களத்தில் நின்று<span class="s1"> 23 </span>ரன்கள் மட்டுமே எடுத்தார்<span class="s1">. </span>அதேபோல்<span class="s1">, </span>இரண்டாவது இன்னிங்ஸில் டக் அவுட் ஆகி வெளியேறினார்<span class="s1">. </span>அதேபோல்<span class="s1">, </span>மற்றொரு வீரரான ஷ்ரேயாஸ் ஐயர் முதல் இன்னிங்ஸில்<span class="s1"> 63 </span>பந்துகள் களத்தில் நின்றார்<span class="s1">. </span>ஆனல்<span class="s1">, </span>அவர் எடுத்த ரன்கள்<span class="s1"> 35 </span>மட்டுமே<span class="s1">. </span>இரண்டாவது இன்னிங்ஸில்<span class="s1"> 31 </span>பந்துகள் களத்தில் நின்று<span class="s1"> 13 </span>ரன்கள் மட்டுமே எடுத்தார்<span class="s1">.</span></p>
<h2 class="p1"><strong>பொறுமையை கடைபிடியுங்கள்:</strong></h2>
<p class="p2">அதேநேரம் இந்திய அணியின் தொடக்க ஆட்டக்காரராக களம் இறங்கிய யஷஸ்வி ஜெய்ஸ்வால் முதல் இன்னிங்ஸில் அதிரடியாக விளையாடினார்<span class="s1">. 74 </span>பந்துகள் களத்தில் நின்ற அவர்<span class="s1"> 80 </span>ரன்களை குவித்தார்<span class="s1">. </span>ஆனால்<span class="s1">, </span>இரண்டாவது இன்னிங்ஸில் அவரால் சிறப்பாக விளையாட முடியவில்லை<span class="s1">. </span>இதனிடையே ஆந்திர மாநிலம் விசாகப்பட்டிணத்தில் பிப்ரவரி<span class="s1"> 2 </span>ஆம் தேதி இரண்டாவது டெஸ்ட் போட்டி தொடங்க உள்ள சூழலில்<span class="s1">, </span>டெஸ்ட் போட்டிகளில் குறைந்த அனுபவத்தை மட்டுமே கொண்ட இந்திய அணியின் இளம் வீரர்களுக்கு பொறுமையின் முக்கியத்துவத்தை விக்ரம் ரத்தோர் எடுத்துரைத்துள்ளார்<span class="s1">.</span></p>
<p class="p2">இந்நிலையில் இன்று (ஜனவரி 31) செய்தியாளர்கள் சந்திப்பில் பேசிய அவர்<span class="s1">, “</span>எங்கள் அணியில் அதிக டெஸ்ட் கிரிக்கெட் போட்டிகளில் விளையாடாத இளம் பேட்டர்கள் இருக்கின்றனர்<span class="s1">.<span class="Apple-converted-space"> </span></span>எனவே அவர்கள் சற்று பொறுமையை கடைபிடிக்க வேண்டும்<span class="s1">. </span>சுப்மன் கில்<span class="s1">, </span>யஷஸ்வி ஜெய்ஸ்வால் மற்றும் ஷ்ரேயாஸ் ஐயர் போன்ற பேட்டர்கள் இனி வரும் போட்டிகளில் பெரிய ரன்களை எடுப்பார்கள்<span class="s1">. </span>இதை நான் உறுதியாக நம்புகிறேன்<span class="s1">. </span>அவர்கள் கடந்த போட்டியிலேயே சிறப்பாக பேட்டிங் செய்திருக்க முடியும்<span class="s1">. </span>அதற்கான திட்டங்களை அவர்கள் கொண்டு வர வேண்டும்<span class="s1">. </span>பேட்டிங் என்பது எப்போதும் ரன்களை எடுப்பதில் இருக்க வேண்டும்<span class="s1">. </span>இது அவுட் ஆகாமல் இருப்பது பற்றியது அல்ல<span class="s1">. </span>நாம் எத்தனை ரன்களை அணிக்காக பெற்றுக்கொடுத்திருக்கிறோம் என்பது பற்றியது<span class="s1">” </span>என்று இந்திய அணியின் பேட்டிங் பயிற்சியாளரான விக்ரம் ரத்தோர் கூறினார்<span class="s1">.</span></p>
<p class="p2"><span class="s1">மேலும் படிக்க: <a title="Viral Video: கையில் பீர்.. உற்சாக நடனம்.. இங்கிலாந்து வீரர் டாம் ஹார்ட்லியின் வைரல் வீடியோ!" href="https://tamil.abplive.com/sports/cricket/viral-video-england-star-tom-hartley-dances-on-table-india-vas-england-test-watch-video-164748" target="_blank" rel="dofollow noopener">Viral Video: கையில் பீர்.. உற்சாக நடனம்.. இங்கிலாந்து வீரர் டாம் ஹார்ட்லியின் வைரல் வீடியோ!</a></span></p>
<p class="p2"><span class="s1">மேலும் படிக்க: <a title="Ind vs Eng 2 Test: இங்கிலாந்துக்கு எதிரான 2-வது டெஸ்ட்.. முறியடிக்கப்படும் சாதனை! முழு விவரம் உள்ளே!" href="https://tamil.abplive.com/sports/cricket/from-most-centuries-to-most-wickets-records-that-can-be-broken-during-ind-vs-eng-2nd-test-visakhapatnam-164917" target="_blank" rel="dofollow noopener">Ind vs Eng 2 Test: இங்கிலாந்துக்கு எதிரான 2-வது டெஸ்ட்.. முறியடிக்கப்படும் சாதனை! முழு விவரம் உள்ளே!</a></span></p>