Hi Movie: “நம்ம படம் ஓடுமா? ஓடாதா? என்ற பயம் இருந்துச்சு, ஏன்னா.!”- கவின் |kavin speech at hi movie thanks giving meet | ACTPnews.com

அறிமுக இயக்குநர் விஷ்ணு எடவன் இயக்கத்தில், கவின், நயன்தாரா நடிப்பில் சமீபத்தில் வெளியான படம் ‘Hi’.

இந்தப் படத்தின் நன்றி தெரிவிக்கும் விழா சென்னையில் நேற்று (செப்.2) நடைபெற்றது.

இதில் கலந்துகொண்டு பேசிய கவின், ” மாதக் கடைசியில் இந்தப் படத்தை வெளியிட்டிருந்தோம். இருப்பினும் நீங்கள் இந்தப் படத்திற்கு கொடுத்த ஆதரவு நிஜமாகவே ஆச்சர்யம் கலந்த சந்தோஷமாக இருக்கிறது.

சமீபத்தில் வெளியான எல்லாப் படங்களும் சூப்பராக இருந்தது. அதனால் மாதக் கடைசியில் வந்த நம்முடைய படம் ஓடுமா? ஓடாதா? என்ற பயம் இருந்தது.

ஆனால் நீங்கள் இந்தப் படத்திற்கு கொடுத்த ஆதரவிற்கு ரொம்ப ரொம்ப நன்றி. இந்தப் படத்தை நம்பி நடித்த எல்லோருக்கும் நன்றி.

இன்னும் பெரிய படங்கள், நல்ல படங்கள் பண்ண வேண்டும் என்பது தான் ஆசை” என்று பேசியிருக்கிறார்.