புதுச்சேரி சுப்பையா சாலையில் இருக்கிறது தீயணைப்புத் துறையின் தலைமை அலுவலகம். கடற்கரைக்கு அருகிலிருக்கு சாலை என்பதாலும், வார இறுதி நாள் என்பதலும் நேற்று காலை படு பிஸியாக இருந்தது அந்தப் பகுதி.
சுமார் 10 மணியளவில் அங்கு வந்த வடமாநில இளைஞர் ஒருவர், தீயணைப்புத் துறை அலுவலகத்தின் வாசலில் இருந்த மரத்தில் ஏறி சுமார் 100 அடி உயரத்தில் அமர்ந்து கொண்டார். அத்துடன் அந்தப் பகுதியில் சென்று கொண்டிருந்த பொதுமக்களையும், சுற்றுலாப் பயணிகளையும் இந்தி மொழியில் கூச்சல் போட்டு வம்பிழுத்துக் கொண்டிருந்தார்.
அதைப் பார்த்து அதிர்ந்துபோன தீயணைப்பு வீரர்கள், அவரைக் கீழே வருமாறு அழைத்தனர். ஆனால் அதைக் கண்டுகொள்ளாத அவர், மரக்கிளைகளைப் பிடித்து வேகமாக ஆட்டினார். இதற்கிடையில் ஒதியஞ்சாலை போலீஸாரும், அங்கு வந்து அவரை இறக்கும் முயற்சிகளில் ஈடுபட்டனர். ஆனால் அதுவும் தோல்வியில் முடிந்தது.
அவர் எப்போது வேண்டுமானாலும் அங்கிருந்து கீழே விழலாம் என்ற நிலை ஏற்பட்டதால் கீழே வலையை விரித்த தீயணைப்பு வீரர்கள், மரத்தின் மீது ஏறி அவரை மீட்க முயற்சித்தனர். அப்போது மது போதையில் இருந்த அந்த இளைஞர் அவர்கள் மீது சிறுநீரைக் கழித்ததால், தொடர்ந்து மேலே ஏற முடியாமல் கீழே இறங்கினர்.
அதையடுத்து அங்கு வந்த தொகுதியின் தி.மு.க எம்.எல்.ஏ விக்னேஷ் கண்ணன், இந்தி மொழியில் பேசி அந்த இளைஞரைக் கீழே வருமாறு அழைத்தார்.
ஆனால் அதற்கும் அந்த இளைஞர் கட்டுப்படவில்லை. அத்துடன், `எனக்கு 4 ஃபுல் பாட்டில் விஸ்கி வேண்டும். அதுகூட ரூ.4 கோடி பணம் வேணும். அப்போதான் கீழே வருவேன்’ என்று அடம்பிடித்தார்.
அதையடுத்து அந்த வழியாகச் சென்று கொண்டிருந்த மற்றொரு வடமாநில இளைஞர் ஒருவரை பேச்சுவார்த்தை நடத்துவது போல ஏணி மீது ஏற்றி, அந்த இளைஞரின் காலை கயிற்றால் கட்ட வைத்து, அடம்பிடித்த இளைஞரைப் பத்திரமாக மீட்டனர்.
A particular kind of restraint shows up in the writing, and a look at mercymodel maintained the same restraint across…