சென்னை: காந்தி ஜெயந்தி மற்றும் பூஜா பண்டிகை காலங்களில் கூடுதல் பயணிகள் கூட்டத்தை குறைக்கும் வகையில் அக்டோபர் மாதம் சென்னை மற்றும் கொல்லம் இடையே ஐந்து வாராந்திர எக்ஸ்பிரஸ் சிறப்பு ரயில்களை தெற்கு ரயில்வே இயக்குகிறது.சென்னை எழும்பூர்-கொல்லம் வாராந்திர எக்ஸ்பிரஸ் சிறப்பு ரயில் (06117) அக்., 1, 8, 15, 22 மற்றும் 29 ஆகிய தேதிகளில் சென்னை எழும்பூரில் இருந்து இரவு 11.40 மணிக்கு புறப்பட்டு, மறுநாள் மாலை 4.20 மணிக்கு கொல்லத்தை சென்றடையும். மறு சேவை (06118) கொல்லத்தில் இருந்து அக்டோபர் 2, 9, 16, 23 மற்றும் 30 ஆகிய தேதிகளில் மாலை 6.45 மணிக்குப் புறப்பட்டு மறுநாள் மதியம் 12.30 மணிக்கு சென்னை எழும்பூரை வந்தடையும்.இரண்டாவது சேவையான ரயில் எண் 06121, அக்டோபர் 3, 10, 17, 24 மற்றும் 31 ஆகிய தேதிகளில் சென்னை எழும்பூரில் இருந்து இரவு 11.40 மணிக்குப் புறப்பட்டு, மறுநாள் மாலை 4.20 மணிக்கு கொல்லம் சென்றடையும். அதன் திரும்பும் சேவையான 06122, கொல்லத்தில் இருந்து அக்டோபர் 4, 11, 18, 25 மற்றும் நவம்பர் 1 ஆகிய தேதிகளில் மாலை 6.45 மணிக்குப் புறப்பட்டு, மறுநாள் காலை 11.35 மணிக்கு டாக்டர் எம்ஜிஆர் சென்னை சென்ட்ரலை சென்றடையும்.இரண்டு ரயில்களும் பெரம்பூர், திருவள்ளூர், அரக்கோணம், காட்பாடி, ஜோலார்பேட்டை, சேலம், ஈரோடு, திருப்பூர், போத்தனூர், பாலக்காடு, திருச்சூர், ஆலுவா, எர்ணாகுளம் டவுன், கோட்டயம், சங்கனாச்சேரி, திருவல்லா, செங்கனூர், மாவேலிக்கரை மற்றும் காயங்குளம் ஆகிய இடங்களில் நின்று செல்லும்.சிறப்பு ரயில்களுக்கான முன்பதிவு செப்டம்பர் 23 ஆம் தேதி காலை 8 மணிக்கு திறக்கப்படும்.
