TN Rain Alert: வெயில் குறையுது… மழை பெய்யுது: 10 மாவட்டங்களில் கனமழை எச்சரிக்கை! சென்னைக்கு எப்படி?

<p>&nbsp;</p>
<p>தென் இந்தியப்பகுதிகளின் மேல், வளிமண்டல கீழடுக்குகளில், காற்றின் திசை மாறுபடும் பகுதி நிலவுகிறது. மேலும், குமரிக்கடல் மற்றும் அதனை ஒட்டிய பகுதிகளில் வளிமண்டல கீழடுக்கு சுழற்சி நிலவுகிறது. இதன் காரணமாக, இன்று தமிழகத்தில்&nbsp; ஒருசில&nbsp; இடங்களிலும், புதுவை&nbsp; மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 30 கிலோமீட்டர் முதல் 40 கிலோமீட்டர் வரை) லேசானது முதல் மிதமான மழை&nbsp; பெய்யக்கூடும்.</p>
<p>கோயம்புத்தூர் மாவட்டத்தின் மலைப்பகுதிகள், நீலகிரி, தேனி, திண்டுக்கல், தென்காசி, விருதுநகர், இராமநாதபுரம், தூத்துக்குடி, திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் கனமழை பெய்யவாய்ப்புள்ளது.</p>
<p>நாளை தமிழகத்தில்&nbsp; ஓரிரு&nbsp; இடங்களிலும், புதுவை&nbsp; மற்றும் காரைக்கால் பகுதிகளிலும் இடி மின்னலுடன் கூடிய&nbsp; லேசானது முதல் மிதமான மழை&nbsp; பெய்யக்கூடும்.&nbsp;</p>
<p>ஏப்ரல் 14 மற்றும் 15 ஆம் தேதி, தென் தமிழக மாவட்டங்கள் மற்றும் டெல்டா மாவட்டங்களில் ஓரிரு&nbsp; இடங்களிலும், காரைக்கால் பகுதியிலும் லேசானது முதல் மிதமான மழை&nbsp; பெய்யக்கூடும்.&nbsp; ஏனைய பகுதிகளில் வறண்ட வானிலை நிலவக்கூடும்.&nbsp;</p>
<p>அதனை தொடர்ந்து 16 ஆம் தேதி வரை, தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும் என தெரிவிக்கப்பட்டுள்ளது.</p>
<h2>அடுத்த ஐந்து தினங்களுக்கான அதிகபட்ச வெப்பநிலை பற்றிய&nbsp; முன்னறிவிப்பு:</h2>
<p>இன்று முதல் 16 ஆம் தேதி வரை, அடுத்த இரண்டு தினங்களுக்கு தமிழகம், புதுவை மற்றும் காரைக்கால் பகுதிகளில்&nbsp; அதிகபட்ச&nbsp; வெப்பநிலையில்&nbsp; பெரிய&nbsp; மாற்றத்திற்கான வாய்ப்பு குறைவு. அதற்கு அடுத்து வரும் மூன்று&nbsp; தினங்களுக்கு அதிகபட்ச வெப்பநிலை&nbsp; படிப்படியாக உயரக்கூடும்.</p>
<p><strong>ஈரப்பதம்:</strong></p>
<p>இன்று முதல் 16 ஆம் தேதி வரை காற்றின் ஈரப்பதம் தமிழக உள்&nbsp; மாவட்டங்களின் சமவெளி பகுதிகளில்&nbsp; பிற்பகலில் 30-50% ஆகவும், மற்ற நேரங்களில் 40-70 % ஆகவும் மற்றும் கடலோரப்பகுதிகளில் 50-80 % ஆகவும்&nbsp; இருக்கக்கூடும் என்றும் அதிக வெப்பநிலை மற்றும் அதிக ஈரப்பதம் இருக்கும் பொழுது&nbsp; ஓரிரு இடங்களில்&nbsp; அசௌகரியம் ஏற்படலாம் எனவும் வானிலை ஆய்வு மையம் தெரிவித்துள்ளது.</p>
<h2>சென்னை மற்றும் புறநகர் பகுதிகளுக்கான&nbsp;&nbsp; வானிலை முன்னறிவிப்பு:</h2>
<p>அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 35-36 டிகிரி செல்சியஸை ஒட்டியும், குறைந்தபட்ச வெப்பநிலை 28 டிகிரி செல்சியஸை ஒட்டியும்&nbsp; இருக்கக்கூடும் என சென்னை வானிலை மையம் தெரிவித்துள்ளது.</p>
<p>அதிக பட்ச வெப்பநிலை திருப்பத்தூரில் 41.6&deg; செல்சியஸ் மற்றும்&nbsp; ஈரோட்டில் 40.0&deg; செல்சியஸ் பதிவாகியுள்ளது. இதர&nbsp; தமிழக&nbsp; உள்&nbsp; மாவட்டங்களின்&nbsp; சமவெளி&nbsp;&nbsp; பகுதிகளில்&nbsp;&nbsp;&nbsp;&nbsp; 37&deg; &ndash; 40&deg; செல்சியஸ் பதிவாகியுள்ளது.</p>
<p>தமிழக கடலோரப்பகுதிகளில் 33&deg; &ndash; 37&deg; செல்சியஸ்&nbsp;&nbsp; மற்றும் மலைப் பகுதிகளில் 21&deg; &ndash; 31&deg;&nbsp; செல்சியஸ்&nbsp; பதிவாகியுள்ளது. சென்னை மீனம்பாக்கத்தில் 36.0&deg; செல்சியஸ்&nbsp; மற்றும் நுங்கம்பாக்கத்தில் 34.9&deg; செல்சியஸ்&nbsp; பதிவாகியுள்ளது.</p>
<h2>கடந்த 24 மணி நேரத்தில் பதிவான மழை அளவு (சென்டிமீட்டரில்):</h2>
<p>குன்னூர் PTO (நீலகிரி) 12, குன்னூர் (நீலகிரி) 9, சேர்வலாறு அணை (திருநெல்வேலி) 8, மாஞ்சோலை (திருநெல்வேலி), காக்காச்சி (திருநெல்வேலி), ஆதார் எஸ்டேட் (நீலகிரி), ஊத்து (திருநெல்வேலி) தலா&nbsp; 7, நாலுமுக்கு (திருநெல்வேலி) 6, பில்லிமலை எஸ்டேட் (நீலகிரி) 5, அழகரை எஸ்டேட் (நீலகிரி), கோத்தகிரி (நீலகிரி) தலா 4, செ.மீ அளவு மழை பதிவாகியுள்ளது.</p>
<h2>மீனவர்களுக்கான எச்சரிக்கை:</h2>
<p>12.04.2024 மற்றும் 13.04.2024: குமரிக்கடல் பகுதிகள், மன்னார்&nbsp; வளைகுடா&nbsp; மற்றும் அதனை ஒட்டிய தென் தமிழக கடலோரப்பகுதிகள் மற்றும்&nbsp; தெற்கு கேரள கடலோரப்பகுதிகளில் சூறாவளிக்காற்று&nbsp; மணிக்கு&nbsp; 40 முதல் 45 கிலோ மீட்டர் வேகத்திலும் இடையிடையே 55&nbsp; கிலோ மீட்டர் வேகத்திலும் வீசக்கூடும். இதன் காரணமாக மேற்குறிப்பிட்ட பகுதிகளுக்கு செல்ல வேண்டாம் என தெரிவிக்கப்பட்டுள்ளது.&nbsp;</p>

Source link