Princess Kate: இங்கிலாந்து இளவரசிக்கு புற்றுநோய்! வைரலான வீடியோவில் உண்மை இல்லையா? அப்போ டீப் பேக்கா?

<p>மனிதர்களின் வேலைகளை எளிதாக்கும் வகையில் தொடர்ந்து பல்வேறு தொழில்நுட்பங்கள் வளர்ந்து வருகின்றன. தற்போது உலகில் ஏஐ கருவிகளின் பயன்பாடு என்பது தொடர்ந்து அதிகரித்து வருகிறது. ஏஐ கருவிகள் நிச்சயம் மனித குலத்தை அடுத்த கட்டத்திற்கு எடுத்து செல்லும் என்பதில் சந்தேகம் இல்லை.&nbsp;</p>
<h2><strong>என்னாது அது ஏஐ வீடியோவா?</strong></h2>
<p>அதிலும், சமீப காலமாக டீப் பேக் விவகாரம் பெரும் பரபரப்பை கிளப்பி வருகிறது. &nbsp;இந்தியாவில் மட்டுமின்றி பல நாடுகளில் இந்த பிரச்சினை அதிர்வலைகளை கிளப்பி வருகிறது. &nbsp;இந்த நிலையில், இங்கிலாந்து இளவரசரின் மனைவி புற்றுநோயால் பாதிக்கப்பட்டுள்ளதாக கடந்த வாரம் வீடியோ மூலம் தெரிவித்திருந்தார். இதனை டீப் பேக் என்று நெட்டிசன்கள் பலரும் &nbsp;கூறி வருகின்றனர்.&nbsp;</p>
<p>தனக்கு புற்றுநோய் பாதிப்பு காரணமாக &nbsp;கீமோதெரபி சிகிச்சை பெற்று வருவதாக இங்கிலாந்து இளவரசி கேத் மிடில்டன் வீடியோ மூலம் தெரிவித்தார். இந்த &nbsp;வீடியோவில் நீல சட்டை அணிந்து, பார்க்கில் அமர்ந்தபடி இளவரசி கேத் மிடில்டன் பேசியிருக்கிறார். இந்த வீடியோ பார்த்த நெட்டிசன்கள் பலரும் டீப் பேக் வீடியோ என்று கூறுகின்றனர்.</p>
<p>இந்த வீடியோவில் எந்த ஒரு அசைவும் இல்லை எனவும், இளவரசி கேத் மிடில்டனும் தலை, கை அசைவு எதுவுமின்றி &nbsp;பேசியுள்ளதாகவும் நெட்டிசன்கள் இணையத்தில் தெரிவித்து வருகின்றனர். எனவே, இது டீப் பேக் &nbsp;வீடியோவாக இருக்கலாம் என்று கூறுகின்றனர். &nbsp;இருப்பினும், இந்த வீடியோ குறித்து எந்த ஒரு அதிகாரப்பூர்வ தகவலும் வரவில்லை.&nbsp;</p>
<h2><strong>என்னாச்சு இங்கிலாந்து இளவரசிக்கு?</strong></h2>
<p>இங்கிலாந்து இளவரசர் வில்லியமின் மனைவியான கேத் மிடில்டன் வீடியோ ஒன்றை வெளியிட்டுள்ளார். அதில், &ldquo;தனக்கு புற்றுநோய் பாதிப்பு உள்ளது. இதற்கு கீமோதெரபி சிகிச்சை பெற வேண்டும் என மருத்துவ குழுவினர் அறிவுறுத்தினர். அதன்படி தற்போது ஆரம்ப கட்ட சிகிச்சை பெற்று வருகிறேன்.</p>
<p>எங்கள் குடும்பத்தின் நலன் கருதி இந்த நோய் பாதிப்பு குறித்த தகவலை வெளியிடாமல் இருந்தோம். புற்றுநோய் பாதிப்பு இருப்பது தெரிய வந்த போது எனக்கும் வில்லியம்ஸூக்கும் அதிர்ச்சியை ஏற்படுத்தியது.&nbsp; மேலும் ஜனவரி மாதம் நடந்த அறுவை சிகிச்சைக்கு பின் உடல் நலம் மீண்டு வர நீண்ட காலம் ஆனது.</p>
<p>அதனால் புற்றுநோய்க்கான சிகிச்சையை பெற முடியவில்லை. தற்போது சிகிச்சை தொடங்கியுள்ள நிலையில் எங்கள் குழந்தைகளிடம் இப்பிரச்சினையை புரியும் வகையில் எடுத்து சொல்லியுள்ளோம். நான் தற்போது நலமாக இருக்கிறேன். நோய் பாதிப்பில் இருந்து மீண்டு வர கவனம் செலுத்தி வருகிறேன்.</p>
<p>ஒவ்வொரு நாளும் உடலளவிலும், மனதளவிலும் வலுப்பெற்று வருகிறேன்&rdquo; என கேத் மிடில்டன் கூறியுள்ளார். இந்த வீடியோ தான் தற்போது டீப் பேக் என்று நெட்டிசன்கள் இணையத்தில் கூறிவருகின்றனர்.&nbsp;</p>

Source link