India Bloc March: ராகுல் தலைமையில் கூடிய எதிர்க்கட்சியினர்; பரபரப்பான டெல்லி… பங்கேற்காத திமுக! | ACTPnews.com

by

October 6, 2026

1 minute

Read Time

தேர்தல் ஆணையம் மற்றும் வாக்காளர் பட்டியல் திருத்த நடவடிக்கையான சிறப்பு தீவிர திருத்தம் (SIR) தொடர்பிலான சர்ச்சை அரசியலில் பெரும் பரபரப்பை ஏற்படுத்தி இருக்கிறது.

தேர்தல் ஆணையத்தின் செயல்பாடுகள், வாக்காளர் பட்டியல் திருத்த நடவடிக்கையான சிறப்பு தீவிர திருத்தம் (SIR) தொடர்பாக பல்வேறு கேள்விகளை எழுப்பி வரும் கரப்பான்பூச்சி ஜனதா கட்சியினர் (சிஜேபி), ஞானேஷ் குமார் பதவி விலக வேண்டும் என தொடர்ந்து வலியுறுத்தி டெல்லி, மும்பை போன்ற இடங்களில் தொடர் போராட்டங்களை நடத்தி வருகின்றனர்.

தலைமைத் தேர்தல் ஆணையர் ஞானேஷ் குமார்

இந்நிலையில் டெல்லியில் இன்று (அக்.6) எஸ்.ஐ.ஆர். முறைகேடு விவகாரத்தில் இந்தியத் தலைமைத் தேர்தல் ஆணையர் ஞானேஷ் குமார் பதவி விலக வேண்டும் என்பதை வலியுறுத்தி, இந்தியா கூட்டணி சார்பில் பேரணி நடைபெற்று வருகிறது.

நாடாளுமன்றத்தின் நுழைவு வாயில் பகுதியில் இருந்து சுமார் ஒரு கிலோமீட்டர் தொலைவில் உள்ள தேர்தல் ஆணையத்தை நோக்கி பேரணியாகச் சென்று கொண்டிருக்கின்றனர்.

View this post on Instagram

அந்தப் பகுதியில் பல்வேறு தடுப்புகள் மற்றும் பேரிகார்டுகள் அமைக்கப்பட்டுள்ளன. இந்தப் பேரணியில் காங்கிரஸ் கட்சியின் முத்த தலைவர்களான மல்லிகார்ஜுன கார்கே, ராகுல் காந்தி , பிரியங்கா காந்தி, விசிக தலைவர் திருமாவளவன், எம்.பி சு.வெங்கடேசன் உள்ளிட்ட பலர் கலந்து கொண்டிருக்கின்றனர்.

பாதுகாப்புப் பணிக்காக டெல்லி காவல்துறை மற்றும் துணை ராணுவப் படையினர் அதிக அளவில் குவிக்கப்பட்டுள்ளனர். இந்த மாதிரியான போராட்டங்களில் முன்வரிசையில் நின்று போராடும் திமுக, இந்தப் பேரணியில் கலந்துகொள்ளவில்லை என்பது குறிப்பிடத்தக்கது.