இன்னும் ஆறு நாட்களில் ஈரான் போர் தொடங்கி ஏழு மாதங்கள் நிறைவடைந்துவிடும். ஆனால், இந்தப் போரின் முடிவு குறித்த எந்த நேர்மறையான முடிவும் இதுவரை எட்டப்படவில்லை.
இந்த நிலையில், அமெரிக்காவின் நியூயார்க்கில் நடைபெறும் ஐக்கிய நாடுகள் சபையின் கூட்டத்தில் ஈரான் அதிபர் மசூத் பெசேஷ்கியான் கலந்துகொள்வார் என்று எதிர்பார்க்கப்படுகிறது.
ஈரான் போர் தொடங்கியதிலிருந்து அமெரிக்காவிற்கு ஈரான் அதிபர் செல்வது இதுவே முதல்முறை. ஏன்… ஈரானின் அரசியல் பிரதிநிதியே அமெரிக்காவிற்குச் செல்வது இது முதல்முறை.
ட்ரம்பின் மூன்று ஆப்ஷன்கள்
இந்த நேரத்தில், ஃபாக்ஸ் செய்தி நிறுவனத்திடம் அமெரிக்க அதிபர் ட்ரம்ப் ஒரு முக்கிய கருத்தைப் பகிர்ந்துள்ளார்.அது, “நான் இப்போது ‘முடிவு எடுக்கும்’ மோடில் இருக்கிறேன். விரைவில் அமெரிக்கா-ஈரான் போரில் மிகப்பெரிய விஷயங்கள் நடக்க உள்ளன.
ஈரான் போரில் மூன்று ஆப்ஷன்கள் தான் உள்ளன. ஒன்று ஈரானை முற்றிலும் அழிப்பது, அடுத்தது பொருளாதார ரீதியாக அவர்களை மிகவும் பாதிப்பது, கடைசியாக ஒப்பந்தம் போட்டுக்கொள்வது ஆகும்” என்று கூறியிருக்கிறார் ட்ரம்ப்.
மசூத் பெசேஷ்கியான் அமெரிக்கா வருவது குறித்துப் பேசும்போது, அவரை நேரில் சந்தித்துப் பேச்சுவார்த்தை நடத்தத் தயார் என்று கூறியிருக்கிறார் ட்ரம்ப்.
