Cinema
oi-Nantha Kumar R
<!–
–>
டெல்லி: பாலிவுட்டில் பிரபலமான முன்னணி நடிகர் அமீர்கான் தனது 61வது வயதில் தனது காதலியான கவுரி ஸ்ப்ராட்டை ஜூலை 5ம் தேதி திருமணம் செய்ய உள்ளார். இது அமீர் கானுக்கு 3வது திருமணமாகும். இந்நிலையில் தான் அவர் கரம்பிடிக்கும் காதலி கவுரி ஸ்ப்ராட்டின் பின்னணி பற்றி இங்கு பார்க்கலாம்.
பாலிவுட்டில் முன்னணி நடிகராக இருப்பவர் அமீர்கான். இவருக்கு இப்போது 61 வயது ஆகிறது. இவர் 2 திருமணங்கள் செய்திருந்தார். 2 மனைவிகளுடன் அமீர்கான் விவாகரத்து பெற்று தனியாக வாழ்ந்து வருகிறார்.
அமீர்கான் 1986ல் ரீனா தத்தா என்பவரை மணந்து கொண்டார். இவர்களுக்கு ஜூனைத் கான் என்ற மகனும், ஐரா கான் என்ற மகளும் உள்ளனர். 2002ல் ரீனாவை பிரிந்த அமீர்கான் 3 ஆண்டுகள் கழித்து 2005ல் கிரண் ராவ்வை திருமணம் செய்தார். இவர்களுக்கு ஆசாத் என்ற மகன் உள்ளார்.
அமீர்கான் – கிரண் ராவ் தம்பதி 16 ஆண்டுகள் சேர்ந்து வாழ்ந்தனர். அதன்பிறகு 2021ல் கிரண் ராவ்வையும், அமீர்கான் விவாகரத்து செய்தார். இந்நிலையில் தான் தற்போது அமீர் கான் தனது காதலியான கவுரி ஸ்ப்ராட்டை ஜூலை 5ம் தேதி திருமணம் செய்ய உள்ளார். அமீர்கான் தனது நீண்டகால காதலியை கரம்பிடிக்க உள்ளார்.
அமீர்கான் காதலியின் பெயர் கவுரி ஸ்ப்ராட். இவருக்கு வயது 47. இவர்கள் 2 பேரும் சில நிகழ்ச்சிகளில் ஜோடியாக பங்கேற்ற நிலையில் கிசுகிசுக்கள் வெளியாகின. இருவரும் காதலிப்பதாகவும், விரைவில் திருமணம் செய்து கொள்ள உள்ளதாகவும் தகவல்கள் வெளியாகின. இந்நிலையில் தான் தற்போது அது உறுதியாகி உள்ளது. அமீர்கான் மற்றும் கவுரி ஸ்ப்ராட் ஜோடி ஜூலை 5ம் தேதி திருமணம் செய்து கொள்ள உள்ளனர்.
2 மனைவிகளை விவாகரத்து செய்த அமீர்கான், கவுரி ஸ்ப்ராட், 47 என்ற பெண்ணை காதலித்து வருகிறார். சில நிகழ்ச்சிகளில் இவரை அமீர்கான் அழைத்து வந்திருக்கிறார். இவர்களின் திருமணம் எளிய முறையில் பதிவு திருமணமாக நடைபெற உள்ளது. மிகவும் நெருக்கமான குடும்ப உறவினர்கள், நண்பர்கள் மட்டுமே பங்கேற்ற உள்ளனர். அமீர்கானின் சினிமா நண்பர்களான சல்மான்கான், ஷாருக்கான் உள்பட இன்னும் சில சினிமா பிரபலங்கள் திருமண விழாவில் பங்கேற்க உள்ளதாக தகவல்கள் வெளியாகி உள்ளது.
அமீர்கான் கரம்பிடிக்கும் காதலி கவுரி ஸ்ப்ராட்டுக்கு ஏற்கனவே திருமணமாகி 7 வயதில் ஒரு மகன் உள்ளார். அவரது பெயர் க்யூன். கவுரி ஸ்ப்ராட் பெங்களூரை சேர்ந்தவர்.இவர் பேஷன், ஸ்டைலிங் மற்றும் போட்டோகிராபி உள்ளிட்டவற்றை மேற்கொண்டு வருகிறார். அமீர்கான் மற்றும் கவுரி ஸ்ப்ராட் இடையே 25 ஆண்டுகால நட்பு உள்ளது.
அமீர்கானின் பட தயாாரிப்பு நிறுவனத்திற்காக கவுரி ஸ்ப்ராட் பணியாற்றி உள்ளார். இது இருவருக்கும் இடையேயான நெருக்கத்தை அதிகப்படுத்தியது. இருவருக்குமான நட்பு காதலாக மாறியது. கடந்த ஆண்டு அமீர்கான் தனது பிறந்தநாளை மும்பையில் கொண்டாடியபோது கவுரி ஸ்ப்ராட்டை பலருக்கும் அறிமுகம் செய்து வைத்தார் என்பது குறிப்பிடத்தக்கது.
