அகிலேஷ் யாதவ் மனைவிக்கு இந்த நிலைமையா? கணவரிடம் கடன்பட்ட டிம்பிள் யாதவ்.. சொத்து மதிப்பு இவ்வளவா?

<p>உலகின் மிகப்பெரிய ஜனநாயக திருவிழா உலக நாடுகளின் கவனத்தை தன்பக்கம் ஈர்த்துள்ளது. இந்தியாவில் கடந்த 19ஆம் தேதி தொடங்கிய நாடாளுமன்ற மக்களவை தேர்தல் 7 கட்டங்களாக நடந்து வருகிறது. இரண்டாம் கட்டமாக 13 மாநிலங்கள் மற்றும் யூனியன் பிரதேசங்களில் 88 தொகுதிகளுக்கு வாக்குப்பதிவு நடந்து முடிந்துள்ளது.</p>
<h2><strong>கணவரிடம் கடன்பட்ட டிம்பிள் யாதவ்:</strong></h2>
<p>அரசியல் முக்கியத்துவம் வாய்ந்த மாநிலமான உத்தர பிரதேசத்தில் பாஜகவை வீழ்த்த சமாஜ்வாதி, காங்கிரஸ் அடங்கிய இந்தியா கூட்டணி பல்வேறு முயற்சிகளை செய்து வருகிறது. இதற்காக, முக்கிய தொகுதிகளில் இந்தியா கூட்டணி சார்பாக அதன் முக்கிய தலைவர்களே களம் இறங்கியுள்ளனர்.&nbsp;</p>
<p>கன்னெளஜ் மக்களவை தொகுதியில் சமாஜ்வாதி கட்சி தலைவரும் உத்தர பிரதேச முன்னாள் முதலமைச்சருமான அகிலேஷ் யாதவ் போட்டியிடுகிறார். மெயின்பூரி மக்களவை தொகுதியில் அகிலேஷ் யாதவின் மனைவி டிம்பிள் யாதவ் களம் இறங்குகிறார்.</p>
<p>மே மாதம் 7ஆம் தேதி, மெயின்பூரி தொகுதியிலும் மே மாதம் 13ஆம் தேதி கன்னெளஜ் தொகுதியிலும் தேர்தல் நடக்க உள்ளது. இதையொட்டி, அகிலேஷ் யாதவும் டிம்பிள் யாதவும் வேட்பு மனு தாக்கல் செய்துள்ளனர். அதில், இருவரின் சொத்து மதிப்பு விவரங்களும் தெரிவிக்கப்பட்டுள்ளது.</p>
<h2><strong>அகிலேஷ் யாதவின் சொத்து மதிப்பு எவ்வளவு?</strong></h2>
<p>தனக்கு 26.34 கோடி ரூபாய் சொத்து இருப்பதாக அகிலேஷ் யாதவ் குறிப்பிட்டுள்ளார். அதேபோல, டிம்பிள் யாதவுக்கு 15 கோடி ரூபாய் சொத்திருப்பதாக கூறப்பட்டுள்ளது. இதன் மூலம் இருவரின் மொத்த சொத்து மதிப்பு 41 கோடி ரூபாய் என கணக்கிடப்பட்டுள்ளது.</p>
<p>இதில், சுவாரஸ்ய தகவல் என்னவென்றால் தனது கணவர் அகிலேஷ் யாதவிடம் டிம்பிள் யாதவ் 54.26 லட்சம் ரூபாய் கடன்பட்டுள்ளார். 9.12 கோடி ரூபாய் மதிப்பிலான அசையும் சொத்துக்கள்,&nbsp; 17.22 கோடி ரூபாய் மதிப்புள்ள அசையாச் சொத்துகள் இருப்பதாக அகிலேஷ் யாதவ் கூறியுள்ளார்.&nbsp;</p>
<p>ரொக்கமாக 25.61 லட்சம் ரூபாயும் வங்கியில் 5.41 கோடி ரூபாய் பணம் இருப்பதாகவும் தெரிவித்துள்ளார். 5.34 லட்சம் மதிப்புள்ள உடற்பயிற்சி இயந்திரங்கள், 1.6 லட்சம் மதிப்புள்ள பாத்திரங்கள் தன்னிடம் இருப்பதாக அகிலேஷ் யாதவ் குறிப்பிட்டுள்ளார்.</p>
<p>கடந்த ஐந்து ஆண்டுகளில் ஆண்டு வருமானமாக சராசரியாக 87 லட்சம் ருபாய் ஈட்டியதாக கூறியுள்ளார். 2022-23 நிதியாண்டில் 84.52 லட்சம் ரூபாயும் 2021-22ல் 1.02 கோடி ரூபாயும் 2020-21ல் 83.99 லட்சம் ரூபாய் வருமானம் வந்ததாக தகவல் வெளியிட்டுள்ளார்.</p>
<p>அதே சமயம், அவரது மனைவிக்கு 5.1 கோடி ரூபாய் மதிப்பிலான அசையும் சொத்துக்களும் 10.44 கோடி ரூபாய் மதிப்பிலான அசையாச் சொத்துகள் இருப்பதாக தெரிவிக்கப்பட்டுள்ளது. கடந்த ஐந்து ஆண்டுகளில் டிம்பிள் யாதவின் சராசரி வருமானம் 65 லட்சம் ரூபாயாகும்.</p>
<p><strong>இதையும் படிக்க: <a title="" href="https://tamil.abplive.com/news/politics/rahul-gandhi-calls-pm-nervous-in-karnataka-says-modi-might-cry-on-stage-any-day-180335" target="_blank" rel="dofollow noopener">"பதட்டமா இருக்காரு..&nbsp;மேடையிலேயே அழ போறாரு" – பிரதமர் மோடியை பங்கமாக கலாய்த்த ராகுல் காந்தி!</a></strong></p>

Source link