<h2 class="p3"><strong><span class="s1">100 </span>விக்கெட்டுகளை வீழ்த்திய முதல் இந்தியர்:</strong></h2>
<p class="p2">இந்திய மகளிர் கிரிக்கெட் அணியின் முன்னணி வீராங்கனையான தீப்தி சர்மா ஆல் ரவுண்டராக விளையாடி வருகிறார்<span class="s1">.<span class="Apple-converted-space"> </span></span>கடந்த<span class="s1"> 2021 </span>ஆம் ஆண்டு இங்கிலாந்து அணிக்கு எதிராக சர்வதேச டெஸ்ட் போட்டியில் அறிமுகமானார்<span class="s1">. </span>அதேபோல்<span class="s1">, </span>கடந்த<span class="s1"> 2014 </span>ஆம் ஆண்டு ஒரு நாள் போட்டிகளிலும்<span class="s1">, 2016 </span>ஆம் ஆண்டு டி<span class="s1">20 </span>போட்டிகளிலும் இந்திய அணிக்காக அறிமுகமானார்<span class="s1">. </span>இதனிடையே தான் சர்வதேச டி<span class="s1">20 </span>போட்டிகளில்<span class="s1"> 100 </span>விக்கெட்டுகளை வீழ்த்திய முதல் இந்தியர் என்ற சாதனையை படைத்தார்<span class="s1">. </span>முன்னதாக<span class="s1">, </span>ஆடவர் அணியை பொறுத்தவரை யுஸ்வேந்திர சாஹல் மட்டும் தான் சர்வதேச டி<span class="s1"> 20 </span>போட்டிகளில் அதிகபட்சமாக<span class="s1"> 91 </span>விக்கெட்டுகளை வீழ்த்தியிருக்கிறார்<span class="s1">.<span class="Apple-converted-space"> </span></span>மேலும்<span class="s1">, </span>டி<span class="s1">20 </span>போட்டிகளில் சர்வதேச அளவில்<span class="s1"> 100 </span>விக்கெட்டுகளை கடந்த<span class="s1"> 9-</span>வது வீராங்கனை என்ற பெருமையும் தீப்தி பெற்றிருக்கிறார்<span class="s1">.</span></p>
<h2 class="p3"><strong>காவல் கண்காணிப்பாளரான தீப்தி சர்மா:</strong></h2>
<p class="p2">இந்நிலையில் தான் உத்தரப்பிரதேச அரசு இவரின் திறமையை அங்கீகரித்துள்ளது<span class="s1">. </span>அதன்படி<span class="s1">, துணை </span>காவல் கண்காணிப்பாளர் என்ற உயரிய பதவியை இவருக்கு வழங்கியிருக்கிறது<span class="s1">. </span>அதோடு தீப்தி சர்மாவுக்கு<span class="s1"> 3 </span>கோடி ரூபாய் ரொக்கப்பரிசு மற்றும் விருதையும் வழங்கி கெளரவித்துள்ளது<span class="s1">. </span>மேலும்<span class="s1">, </span>அவரது எதிர்கால முயற்சிகளுக்கு வாழ்த்து தெரிவித்து பணி நியமன கடிதத்தையும்<span class="s1"><span class="Apple-converted-space"> </span></span>அம்மாநில முதலமைச்சர் யோகி ஆதித்யநாத் வழங்கியுள்ளார்<span class="s1">. </span>முன்னதாக<span class="s1">, </span>உத்தரப்பிரதேசத்தில் உள்ள அவத்புரி பகுதியில் கடந்த<span class="s1"> 1997 </span>ஆம் ஆண்டு பிறந்த இவர் தீபக் சாஹர் போன்ற உள்ளூர் கிரிக்கெட்டர்களுடன் இணைந்து விளையாடி தான் தன்னுடைய கிரிக்கெட் வாழ்க்கையை தொடங்கியுள்ளார்<span class="s1">. </span></p>
<p class="p2">அங்கு தன்னுடைய திறமையை மெருக்கேற்றிகொண்ட இவர் கடும் உழைப்பால் சர்வதேச கிரிக்கெட் போட்டிகளில் விளையாடுவதற்கான வாய்ப்பை பெற்றார்<span class="s1">.<span class="Apple-converted-space"> </span></span>அதன்படி<span class="s1">, </span>இதுவரை சர்வதேச் அளவில்<span class="s1"> 194 </span>போட்டிகளில் விளையாடியுள்ள இவர்<span class="s1"> 229 </span>விக்கெட்டுகளை கைப்பற்றியிருக்கிறார்<span class="s1">. </span>அதேபோல்<span class="s1">, </span>கடந்த ஆண்டிற்கான ஐசிசியின் சிறந்த வீராங்கனை விருதை தீப்தி சர்மா கைப்பற்றினார். சீனாவில் நடந்த ஆசிய விளையாட்டுப் போட்டிகளில் தங்கப் பதக்கத்தையும், பர்மிங்காமில் நடந்த காமன்வெல்த் விளையாட்டுப் போட்டியில் வெள்ளிப் பதக்கத்தையும் வென்றார் என்பது குறிப்பிடத்தக்கது. </p>
<p class="p2">இதனிடையே தனக்கு காவல் கண்காணிப்பாளர் பொறுப்பு வழங்கியது குறித்து தீப்தி சர்மா கூறுகையில், "ஆசிய விளையாட்டுப்போட்டிகளில் சிறந்து விளங்கியதற்காக அங்கீகரிப்பட்டு உத்தரப்பிரதேச முதல்வரால் காவல் துறையில் நான் டிஎஸ்பி யாக நியமிக்கப்பட்டேன். என்றென்றும் நன்றியுடன் இருப்பேன்" என்று கூறியுள்ளார்.</p>
<p class="p2">மேலும் படிக்க:<a title="IND v ENG Test: 3-வது டெஸ்ட் போட்டியிலாவது அணிக்கு திரும்புவாரா விராட் கோலி? ரசிகர்கள் எதிர்பார்ப்பு!" href="https://tamil.abplive.com/sports/cricket/bcci-to-announce-india-squad-for-remaining-3-tests-vs-england-will-virat-kohli-return-164739" target="_blank" rel="dofollow noopener">IND v ENG Test: 3-வது டெஸ்ட் போட்டியிலாவது அணிக்கு திரும்புவாரா விராட் கோலி? ரசிகர்கள் எதிர்பார்ப்பு!</a></p>
<p class="p2"> </p>
<p class="p2">மேலும் படிக்க:<a title="Mitchell Starc: " href="https://tamil.abplive.com/sports/cricket/he-is-such-a-different-person-off-the-field-mitchell-starc-recalls-virat-kohli-royal-challengers-bangalore-164731" target="_blank" rel="dofollow noopener">Mitchell Starc: "களத்திற்கு வெளியே விராட் கோலி வேற மாதிரி" : அனுபவம் பகிர்ந்த மிட்செல் ஸ்டார்க்!</a></p>