<h2 class="p1"><strong>ரன் மிஷின் விராட் கோலி:</strong></h2>
<p class="p2">இந்திய அணியின் ரன் மிஷின் என்று இந்திய ரசிகர்கள் மட்டுமின்றி உலகத்தின் அனைத்து கிரிக்கெட் ரசிகர்களாலும் கொண்டாடப்படுபவர் விராட் கோலி<span class="s1">. </span>சர்வதேச அளவில் கடந்த<span class="s1"> 2008 </span>ஆம் ஆண்டில் இலங்கை அணிக்கு எதிரான ஒருநாள் கிரிக்கெட் போட்டியின் மூலம் இந்திய அணியில் அறிமுகமானவர்<span class="s1">. </span>அதேபோல் சர்வதேச அளவில்<span class="s1"> 2010 </span>ஆம் ஆண்டு டி<span class="s1">20 </span>போட்டியில் ஜிம்பாப்வே அணிக்கு எதிராகவும்<span class="s1">, </span>டெஸ்ட் போட்டியில்<span class="s1"> 2011 </span>ஆம் ஆண்டு வெஸ்ட் இண்டீஸ் அணிக்கு எதிராகவும் அறிமுகமானார்<span class="s1">.</span></p>
<p class="p2">அதன்படி சர்வதேச அளவில் ஒரு நாள் போட்டிகளில் அதிக சதம் அடித்த வீரர்<span class="s1">, </span>இந்திய அணிக்காக அதிக வெற்றிகளில் பங்கேற்ற வீரர்<span class="s1">,</span>ஒருநாள் போட்டிகளில் குறைவான இன்னிங்ஸ்களில் விளையாடி<span class="s1"> 13000 </span>ஒருநாள் ரன்களை எட்டிய முதல் சர்வதேச வீரர்<span class="s1">, </span>ஒரு உலகக்கோப்பையில்<span class="s1"> 700 </span>ரன்களை குவித்த முதல் வீரர்<span class="s1"> </span>என்ற சாதனைகளுக்கு எல்லாம் சொந்தக்காரர் விராட் கோலி தான்<span class="s1">. </span>அதோடு<span class="s1">, </span>இந்தியாவில் நடைபெற்று வரும் ஐ<span class="s1">.</span>பி<span class="s1">.</span>எல் டி<span class="s1"> 20 </span>போட்டிகளில் அதிக ரன்களை குவித்த முதல் வீரர் மற்றும்<span class="s1"> 7 </span>ஆயிரம் ரன்களை முதலில் கடந்த வீரராகவும் விராட் கோலி தான் இருக்கிறார்<span class="s1">. </span>அதேபோல் ஐ<span class="s1">.</span>பி<span class="s1">.</span>எல் தொடரில் அதிக சதங்களை விளாசிய வீரராகவும் விராட் கோலி தான் இருக்கிறார்<span class="s1">. </span></p>
<p class="p1"> </p>
<h2 class="p2"><strong>ஐ.பி.எல் தொடரில் அதிக சதம் விளாசிய வீரர்:</strong></h2>
<p class="p2">அந்தவகையில்<span class="s1">, </span>கடந்த<span class="s1"> 2008 </span>ஆம் ஆண்டு ராயல் சேலஞ்சர்ஸ் பெங்களூரு அணியில் அறிமுகமான விராட் கோலி தற்போதுவரை அந்த அணிக்காகத்தான் விளையாடி வருகிறார்<span class="s1">. </span>அதன்படி<span class="s1">, </span>இதுவரை<span class="s1"> 237 </span>ஐ<span class="s1">.</span>பி<span class="s1">.</span>எல் போட்டிகளில்<span class="s1"> 229 </span>இன்னிங்ஸ்களில் விளையாடி இருக்கும் இவர்<span class="s1"> 7263 </span>ரன்களை குவித்துள்ளார்<span class="s1">. </span>இதில்<span class="s1"> 7 </span>சதங்கள் மற்றும்<span class="s1"> 50 </span>அரைசதங்கள் அடங்கும்<span class="s1">. </span>அந்தவகையில் தான் விளையாடிய ஐ<span class="s1">.</span>பி<span class="s1">.</span>எல் போட்டிகளில் இதுவரையில்<span class="s1"> 643 </span>பவுண்டரிகள் மற்றும்<span class="s1"> 234 </span>சிக்ஸர்களை பறக்கவிட்டுள்ள விராட் கோலி அதிகபட்சமாக<span class="s1"> 113 </span>ரன்களை விளாசியிருக்கிறார் கோலி<span class="s1">. </span></p>
<p class="p2">அந்த வகையில் இதுவரை நடைபெற்ற ஐ<span class="s1">.</span>பி<span class="s1">.</span>எல் தொடர்களிலேயே அதிக சதங்களை விளாசியா வீரராக விராட் கோலி தான் இருக்கிறார்<span class="s1">. </span>இவருக்கு அடுத்தபடியாக கிறிஸ் கெய்ல் இருக்கிறார்<span class="s1">. 1</span><span class="s1">42 </span>ஐ<span class="s1">.</span>பி<span class="s1">.</span>எல் போட்டிகளில் விளையாடியுள்ள இவர்<span class="s1"> 6 </span>சதங்கள் விளாசி உள்ளார்<span class="s1">. </span>மூன்றாவது<span class="s1"><span class="Apple-converted-space"> </span></span>இடத்தில் 96 ஐ.பி.எல் போட்டிகள் விளையாடியுள்ள ஜோஸ் பட்லர்<span class="s1"> 5 </span>சதங்களுடனும்<span class="s1">, </span>கே<span class="s1">.</span>எல்<span class="s1">.</span>ராகுல்<span class="s1"> 118 போட்டிகளில் விளையாடி 4 </span>சதங்களுடனும் நான்காவது இடத்தில்<span class="s1">, 145 போட்டிகள் விளையாடியுள்ள ஷேன் வாட்சன் 4 சதங்களை விளாசி ஐந்தாவது இடத்தில் உள்ளார். அதிக சதங்களை ஐ.பி.எல் தொடரில் விளாசிய டாப் 5 வீரர்களில் இரண்டு பேர் இந்திய வீரர்கள் என்பது குறிப்பிடத்தக்கது. </span></p>
<p class="p2"> </p>
<p class="p2"><span class="s1">மேலும் படிக்க: <a title="IND vs ENG 4th Test: இங்கிலாந்துக்கு எதிரான டெஸ்ட்.. ராஞ்சி மைதானத்தில் ரோகித் சர்மா படைக்கவிருக்கும் 10 சாதனைகள்! லிஸ்ட் இதோ!" href="https://tamil.abplive.com/sports/cricket/ind-vs-eng-4th-test-rohit-sharma-achievements-in-the-test-against-the-england-168689" target="_blank" rel="dofollow noopener">IND vs ENG 4th Test: இங்கிலாந்துக்கு எதிரான டெஸ்ட்.. ராஞ்சி மைதானத்தில் ரோகித் சர்மா படைக்கவிருக்கும் 10 சாதனைகள்! லிஸ்ட் இதோ!</a></span></p>
<p class="p2"> </p>
<p class="p2"><span class="s1">மேலும் படிக்க: <a title="IND vs ENG Test: இந்தியா – இங்கிலாந்து 4-வது டெஸ்ட்.. பிட்ச் ரிப்போர்ட் இதோ!" href="https://tamil.abplive.com/sports/cricket/ind-vs-eng-test-pitch-report-jsca-international-stadium-ranchi-168694" target="_blank" rel="dofollow noopener">IND vs ENG Test: இந்தியா – இங்கிலாந்து 4-வது டெஸ்ட்.. பிட்ச் ரிப்போர்ட் இதோ!</a></span></p>
<p class="p2"> </p>