<h2 class="p2"><strong>அதிரடி ஆட்டக்காரர் ரிங்கு சிங்:</strong></h2>
<p class="p2">இந்திய அணியின் இளம் வீரர் ரிங்கு சிங் தன்னுடைய அதிரடி ஆட்டத்தால் ரசிகர்களை குஷிப்படுத்தி வருகிறார்<span class="s1">. </span>அந்த வகையில் நடந்து முடிந்த ஆப்கானிஸ்தான் அணிக்கு எதிரான போட்டியில் சிறப்பாக விளையாடினார்<span class="s1">. </span>அதிலும் ஃபினிஷிங் செய்வதில் வல்லவராக திகழ்கிறார்<span class="s1">. </span>ஐபிஎல் போட்டிகளில் சிறப்பான ஃபினிஷிங்கை வெளிப்படுத்திய இவர் சர்வதேச போட்டிகளிலும் அதேபோல் விளையாடி வருகிறார்<span class="s1">. </span></p>
<p class="p2">முன்னதாக<span class="s1">, </span>ஆப்கானிஸ்தான் அணிக்கு எதிரான முதல் டி<span class="s1"> 20 </span>போட்டியில்<span class="s1"> 9 </span>பந்துகள் களத்தில் நின்று<span class="s1"> 2 </span>பவுண்டரிகள் எடுத்து<span class="s1"> 16 </span>ரன்கள் எடுத்தார்<span class="s1">. </span>அதேபோல்<span class="s1">, </span>இரண்டாவது போட்டியில்<span class="s1"> 9 </span>பந்துகளில்<span class="s1"> 9 </span>ரன்கள் எடுத்தார்<span class="s1">. </span>கடைசி போட்டியில்<span class="s1"> 39 </span>பந்துகள் களத்தில் நின்ற அவர்<span class="s1"> 2 </span>பவுண்டரிகள்<span class="s1"> 6 </span>சிக்சர்களை விளாசினார்<span class="s1">. </span>அந்த போட்டியில்<span class="s1"> 69 </span>ரன்களை குவித்தார்<span class="s1">. </span>இந்நிலையில்தான் ரிங்கு சிங்கை இடது கை தோனி என்று அஸ்வின் ரவிச்சந்திரன் கூறியுள்ளார்<span class="s1">.</span></p>
<h2 class="p1"><strong>இடது கை தோனி:</strong></h2>
<p class="p2">இது தொடர்பாக பேசிய அவர்<span class="s1">, “</span>ரிங்கு சிங்கை இடது கை தோனி என்று அழைக்கலாம்<span class="s1">. </span>தோனி மிகப் பெரிய ஆள்<span class="s1">. </span>இவ்வளவு ஆரம்பத்திலே ரிங்கு சிங்கை தோனியுடன் ஒப்பிட முடியாது<span class="s1">. </span>ஆனால்<span class="s1">, </span>அவரது அமைதியான ஆட்டத்தைப் பற்றி நான் பேசுகிறேன்<span class="s1">. </span>அவர் தொடர்ந்து உத்தரபிரதேச அணிக்காக ஏரளமான ரன்களை குவித்து இந்திய அணிக்குள் நுழைந்துள்ளார்<span class="s1">. </span>ரிங்கு சிங் பல ஆண்டுகளாக கொல்கத்தா நைட் ரைடர்ஸ் அணியில் பெஞ்சில் இருந்தார்<span class="s1">. </span></p>
<p class="p2">அவர் கே<span class="s1">.</span>கே<span class="s1">.</span>ஆரில் இருந்தபோது<span class="s1">, </span>பயிற்சியில் பேட்டிங் செய்ய வாய்ப்பு கிடைக்காவிட்டாலும்<span class="s1">, </span>த்ரோடவுன்களில் அடித்த அனைத்து பந்துகளையும் சேகரித்து<span class="s1">, </span>பந்து வீச்சாளரிடம் திருப்பிக் கொடுத்தார் என்று பலரும் என்னிடம் கூறுவார்கள்<span class="s1">. </span>அப்போதிருந்து<span class="s1">, </span>அவர் நீண்ட காலமாக கே<span class="s1">.</span>கே<span class="s1">.</span>ஆருடன் இருந்தார்<span class="s1">. </span>உ<span class="s1">.</span>பி அணிக்காக கடின உழைப்பில் ஈடுபட்டார்<span class="s1">. </span>தந்திரமான சூழ்நிலையிலிருந்து இந்திய அணிக்கு வருவதற்கு அல்லது ஒரு இன்னிங்ஸை முடிக்க அவர் எப்போதும் தயாராக இருக்கிறார் என்பதைக் காட்டினார்<span class="s1">.</span></p>
<p class="p2">அணி முதலில் பேட்டிங் செய்தாலும் அல்லது சேசிங் செய்தாலும் அவரது அமைதி மாறாது<span class="s1">. </span>இன்னிங்ஸின் கடைசி கட்டத்தில் அவரது அமைதியானது அணிக்கு போனஸ்<span class="s1">” </span>என்று பேசியுள்ளார் அஸ்வின்<span class="s1">. </span></p>
<p class="p2">இதனிடையே இங்கிலாந்து அணிக்கு எதிரான டெஸ்ட் போட்டியிலும் ரிங்கு சிங்குவிற்கு பிசிசிஐ வாய்ப்பு வழங்கும் என்று எதிர்பார்க்கப்படுகிறது<span class="s1">.</span></p>
<p class="p2"><span class="s1">மேலும் படிக்க: <a title="IND vs ENG: " href="https://tamil.abplive.com/sports/cricket/ind-vs-eng-england-cricket-team-vice-captain-ollie-pope-talk-about-indian-ground-161642" target="_blank" rel="dofollow noopener">IND vs ENG: "இந்திய மைதானத்தை குறை சொல்ல மாட்டோம்! ஏன் தெரியுமா?" இங்கிலாந்து துணை கேப்டன் விளக்கம்</a></span></p>
<p class="p2"><span class="s1">மேலும் படிக்க: <a title="KL Rahul: இங்கிலாந்து டெஸ்ட் தொடர்: கே.எல்.ராகுல் விக்கெட் கீப்பராக செயல்பட மாட்டார்! பிசிசிஐ அறிவிப்பு!" href="https://tamil.abplive.com/sports/cricket/not-a-specialist-rahul-removed-from-wicketkeeping-role-for-england-tests-161649" target="_blank" rel="dofollow noopener">KL Rahul: இங்கிலாந்து டெஸ்ட் தொடர்: கே.எல்.ராகுல் விக்கெட் கீப்பராக செயல்பட மாட்டார்! பிசிசிஐ அறிவிப்பு!</a></span></p>
<p class="p2"> </p>