<p class="p2"> </p>
<p class="p2">முன்னதாக<span class="s1">, </span>முதல் டெஸ்ட் போட்டியில் இங்கிலாந்து அணி<span class="s1"> 28 </span>ரன்கள் வித்தியாசத்தில் இந்திய அணியை வீழ்த்தியது<span class="s1">. </span>அதேநேரம் இரண்டாவது டெஸ்ட் போட்டியில் இந்திய அணி<span class="s1"> 106 </span>ரன்கள் வித்தியாசத்தில் இங்கிலாந்தை வீழ்த்தி வெற்றி பெற்றது<span class="s1">. </span>இதன் மூலம்<span class="s1"> 1-1 </span>என்ற கணக்கில் இரு அணிகளும் சமநிலையில் உள்ளது<span class="s1">. </span>இந்நிலையில் மூன்றாவது டெஸ்ட் போட்டியின் மீது ரசிகர்களின் எதிர்பார்ப்பு அதிகரித்துள்ளது<span class="s1">.</span></p>
<p class="p1"> </p>
<h2 class="p2"><strong>இந்தியா<span class="s1"> vs </span>இங்கிலாந்து<span class="s1"> 3</span>வது டெஸ்ட் போட்டி<span class="s1"> – </span>பிட்ச் ரிப்போர்ட்<span class="s1">:</span></strong></h2>
<p class="p1"> </p>
<p class="p2">ராஜ்கோட்டில் உள்ள ஆடுகளம் சிறந்த விக்கெட்டுகளை எடுப்பதற்கு சாதகமான ஒன்றாக இந்த மூன்றாவது டெஸ்ட் போட்டியில் இருக்கும்<span class="s1">. </span>ஆட்டம் ஆரம்பிக்கப்பட்ட பின்னர்<span class="s1"> 3, 4 </span>மற்றும்<span class="s1"> 5 </span>ஆம் நாள்களில் சுழற்பந்து வீச்சாளர்கள் ஆதிக்கம் செலுத்த வாய்ப்புள்ளது<span class="s1">. </span>பந்து வீச்சாளர்கள் மற்றும் பேட்ஸ்மேன்கள் இருவரும் இந்த ஆடுகளத்தில் தங்களது திறமைகளை வெளிபடுத்தலாம்<span class="s1">. </span>அதேபோல்<span class="s1">, </span>கூடுதலாக சுழற்பந்து வீச்சாளர்களுக்கு சாதகமாக இருக்கும் என்று எதிர்பார்க்கப்படுகிறது<span class="s1">. </span>ராஜ்கோட் மைதானத்தில் இதுவரை இரண்டு டெஸ்ட் போட்டிகள் மட்டுமே நடைபெற்றுள்ளது<span class="s1">. </span>இங்கு சராசரி முதல் இன்னிங்ஸ் ஸ்கோர்<span class="s1"> 593, </span>அதே சமயம் இரண்டாவது இன்னிங்ஸ் சராசரி<span class="s1"> 334. </span>மூன்றாவது இன்னிங்ஸ் சராசரி<span class="s1"> 228, </span>மற்றும் நான்காவது இன்னிங்ஸ்<span class="s1"> 172. </span>ஒரு டெஸ்டில் முதலில் பேட்டிங் செய்த அணி வெற்றி பெற்றது<span class="s1">, </span>இரண்டாவது ஆட்டம் டிராவில் முடிந்தது<span class="s1">. </span>இந்த மைதானத்தில் நடைபெற்ற<span class="s1"><span class="Apple-converted-space"> </span></span>ஏழு இன்னிங்ஸ்களில் மொத்தம்<span class="s1"> 2483 </span>ரன்கள் எடுக்கப்பட்டுள்ளது<span class="s1">, </span>இதில்<span class="s1"> 58 </span>விக்கெட்டுகள் விழுந்துள்ளன<span class="s1">. </span></p>
<p class="p1"> </p>
<p class="p2"><strong>அதிகபட்ச ரன்</strong><span class="s1"><strong>:</strong> </span>வெஸ்ட் இண்டீஸ் அணிக்கு எதிராக இந்திய அணி<span class="s1"> 649 </span>ரன்கள் எடுத்திருக்கிறது<span class="s1">.</span></p>
<p class="p2"><strong>வெற்றி<span class="s1">: </span></strong>வெஸ்ட் இண்டீஸ் அணியை இந்திய அணி<span class="s1"> 272 </span>ரன்கள் வித்தியாசத்தில் தோற்கடித்தது<span class="s1">.</span></p>
<p class="p2"><strong>தனிநபர் அதிகபட்ச ரன்</strong><span class="s1"><strong>:</strong> </span>இந்திய அணி வீரர் விராட் கோலி<span class="s1"> 230 </span>பந்துகளில்<span class="s1"> 139 </span>ரன்கள்<span class="s1">.</span></p>
<p class="p2"><strong>அதிக ரன்கள்</strong><span class="s1"><strong>:</strong> </span>இரண்டு டெஸ்ட் போட்டிகளில் புஜாரா<span class="s1"> 228 </span>ரன்கள்<span class="s1">.</span></p>
<p class="p2"><strong>அதிக சதம்</strong><span class="s1"><strong>:</strong> </span>முரளி <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a><span class="s1">, </span>புஜாரா<span class="s1">, </span>ஜடேஜா<span class="s1">, </span>பிரித்வி ஷா<span class="s1">, </span>விராட் கோலி ஆகியோர் தலா<span class="s1"> 1 </span>சதம் அடித்துள்ளனர்<span class="s1">.</span></p>
<p class="p2"><strong>அதிக விக்கெட்</strong><span class="s1"><strong>:</strong> </span>இந்திய அணி வீரர் ரவிச்சந்திரன் அஸ்வின் இரண்டு டெஸ்ட் போட்டிகளில்<span class="s1"> 9 </span>விக்கெட்டுகளை வீழ்த்தியிருக்கிறார்<span class="s1">. </span></p>
<p class="p2"><strong>அதிக சிக்ஸர்</strong><span class="s1"><strong>:</strong> </span>ஜடேஜா<span class="s1"> 6 </span>சிக்ஸர்கள் எடுத்ததே இந்த மைதனாத்தில் ஒரு வீரர் எடுத்த அதிக சிக்ஸர்கள்<span class="s1">.</span></p>
<p class="p2"><span class="s1"><strong>சிறந்த பந்து வீச்சு:</strong> வெஸ்ட் இண்டீஸ் அணிக்கு எதிரான போட்டியில் 29 ஓவர்களில் 108 ரன்களை விட்டுக்கொடுத்து 6 விக்கெட்டுகளை வீழ்த்தியது.</span></p>
<p class="p2"> </p>
<p class="p2"><span class="s1">மேலும் படிக்க: <a title="AUS vs WI T20:சர்வதேச டி20…ஹிட்மேன் ரோகித் சர்மாவின் சாதனையை சமன் செய்த மேக்ஸ்வெல்! விவரம் இதோ!" href="https://tamil.abplive.com/sports/australian-player-glenn-maxwell-equals-rohit-sharma-s-world-record-most-t20i-centuries-with-t20i-ton-against-west-indies-166954" target="_blank" rel="dofollow noopener">AUS vs WI T20:சர்வதேச டி20…ஹிட்மேன் ரோகித் சர்மாவின் சாதனையை சமன் செய்த மேக்ஸ்வெல்! விவரம் இதோ!</a></span></p>
<p class="p2"> </p>
<p class="p2"><span class="s1">மேலும் படிக்க: <a title="Watch Video: 7 -ம் நம்பர் ஜெர்சியை அணிந்தது ஏன்? தோனி கொடுத்த விளக்கம்! வைரல் வீடியோ!" href="https://tamil.abplive.com/sports/ms-dhoni-explains-reason-behind-jersey-number-7-watch-video-ipl-2024-csk-167103" target="_blank" rel="dofollow noopener">Watch Video: 7 -ம் நம்பர் ஜெர்சியை அணிந்தது ஏன்? தோனி கொடுத்த விளக்கம்! வைரல் வீடியோ!</a></span></p>
<p class="p2"> </p>
<p class="p2"> </p>
<p class="p2"> </p>
<p class="p2"> </p>
<p class="p2"> </p>