<p class="p2"> </p>
<h2 class="p2"><strong>இந்தியா – இங்கிலாந்து டெஸ்ட்:</strong></h2>
<p class="p2">இந்தியா மற்றும் இங்கிலாந்து அணிகள்<span class="s1"> 5 </span>டெஸ்ட் போட்டிகள் கொண்ட தொடரில் விளையாடுகிறது<span class="s1">. </span>இதில்<span class="s1">, </span>முதல் டெஸ்ட் போட்டி இன்று காலை ஹைதராபாத்தில் உள்ள ராஜீவ் காந்தி மைதானத்தில் தொடங்கியது<span class="s1">. </span>அதன்படி<span class="s1">, </span>டாஸ் வென்ற இங்கிலாந்து அணி முதலில் பேட்டிங்கை தேர்வு செய்தது<span class="s1">. </span>இதில்<span class="s1">, 64.3 </span>ஓவர்களில் அனைத்து விக்கெட்டுகளையும் இழந்த இங்கிலாந்து அணி இந்திய சுழற்பந்து வீச்சாளர்களின் சுழலில்<span class="s1"> 246 </span>ரன்களில் சுருண்டது<span class="s1">. </span></p>
<p class="p2">முன்னதாக<span class="s1">, </span>இன்றைய ஆட்டத்தில்<span class="s1"> 60 </span>ரன்களுக்குள் இங்கிலாந்து அணி<span class="s1"> 3 </span>விக்கெட்டுகளை இழந்தது<span class="s1">. </span>அப்போது இங்கிலாந்து அணி சார்பில் நான்காவது விக்கெட்டிற்கு ஜோ ரூட் களமிறங்கினார்<span class="s1">. </span></p>
<h2 class="p1"><strong>இந்தியாவிற்கு எதிராக அதிக ரன்கள்:</strong></h2>
<p class="p2">அதன்படி<span class="s1">, </span>ஜானி பேர்ஸ்டோருடன் ஜோடி சேர்ந்தார்<span class="s1">. </span>அப்போது<span class="s1">, </span>அணியின் ஸ்கோர்<span class="s1"> 125 </span>ஆக இருந்த போது ஜோ ரூட்<span class="s1"> 29 </span>ரன்களில் ஆட்டமிழந்தார்<span class="s1">. </span>அதேநேரம்<span class="s1">, </span>இந்த போட்டியில்<span class="s1"> 29 </span>வது ரன்னை எடுத்த போது ஆஸ்திரேலிய அணி வீரர் ரிங்கி பாண்டிங்கின் சாதனையை சமன் செய்தார்<span class="s1">.</span></p>
<p class="p2">அதாவது<span class="s1">, </span>இந்திய அணிக்கு எதிராக டெஸ்ட் கிரிக்கெட்டில் அதிக ரன்களை குவித்து முதலிடத்தில் இருந்த ஆஸ்திரேலிய வீரர் ரிக்கிபாண்டிங்கின் சாதனையை ஜோ ரூட் சமன் செய்துள்ளார்<span class="s1">. </span>முன்னதாக கடந்த<span class="s1"> 1996 </span>ஆம் ஆண்டு இந்திய அணிக்கு எதிராக தன்னுடைய முதல் டெஸ்ட் போட்டியை டெல்லியில் விளையாடினார் ரிக்கி பாண்டிங்<span class="s1">. </span>அந்த போட்டியில் முதல் டெஸ்ட்டில்<span class="s1"> 14 </span>ரன்களும்<span class="s1">, </span>இரண்டாவது டெஸ்ட் போட்டியில்<span class="s1"> 13 </span>ரன்களும் எடுத்தார்<span class="s1">. </span></p>
<p class="p2">அதேபோல்<span class="s1">, </span>இந்திய அணிக்கு எதிராக கடந்த<span class="s1"> 2012 </span>ஆம் ஆண்டு தனது கடைசி டெஸ்ட் போட்டியை விளையாடியிருக்கிறார்<span class="s1">. </span>இவ்வாறாக இதுவரை இந்திய அணிக்கு எதிராக மொத்தம்<span class="s1"> 29 </span>டெஸ்ட் போட்டிகள் விளையாடியுள்ள ரிக்கிப்பாண்டிங்<span class="s1"> 54.36 </span>என்ற சராசரியுடம்<span class="s1"> 8 </span>சதங்கள் மற்றும்<span class="s1"> 12 </span>அரைசதங்களில் விளாசி மொத்த<span class="s1">, 2555 </span>ரன்களை குவித்துள்ளார்<span class="s1">. </span>இதில் அவருடைய அதிகபட்ச ஸ்கோர்<span class="s1"> 257 </span>ரன்கள்<span class="s1">. </span>இச்சூழலில் தான் இந்திய அணிக்கு எதிராக டெஸ்ட் போட்டியில்<span class="s1"> 2555 </span>ரன்கள் எடுத்த ரிக்கி பாண்டிங்கின் சாதனையை இன்றைய போட்டியில்<span class="s1"> 29</span>வது ரன்னை எடுத்த போது ஜோ ரூட் சமன் செய்திருக்கிறார்<span class="s1">. முன்னதாக, ஜோ ரூட் இந்திய அணிக்கு எதிராக இதுவரை 26 டெஸ்ட் போட்டிகளில் விளையாடி இருக்கிறார். இதில், 9 சதம் மற்றும் 10 அரைசதம் அடித்துள்ளார் என்பது குறிப்பிடத்தக்கது.</span></p>
<p class="p2"> </p>
<p class="p2"><span class="s1">மேலும் படிக்க: <a title="ICC T20I Player of the Year 2023: ஐசிசி 2023 டி20 விருது.. இரண்டாவது முறை.. உலக சாதனை படைத்த சூர்யகுமார் யாதவ்!" href="https://tamil.abplive.com/sports/cricket/suryakumar-yadav-named-icc-t20i-player-of-the-year-for-2023-163663" target="_blank" rel="dofollow noopener">ICC T20I Player of the Year 2023: ஐசிசி 2023 டி20 விருது.. இரண்டாவது முறை.. உலக சாதனை படைத்த சூர்யகுமார் யாதவ்!</a></span></p>
<p class="p2"> </p>
<p class="p2"><span class="s1">மேலும் படிக்க: <a title="India vs England 1st Test: இந்தியா – இங்கிலாந்து முதல் டெஸ்ட்… எங்கு எப்படி பார்ப்பது? ப்ளேயிங் லெவன் என்ன? – விவரம்" href="https://tamil.abplive.com/sports/cricket/india-vs-england-1st-test-match-preview-163596" target="_blank" rel="dofollow noopener">India vs England 1st Test: இந்தியா – இங்கிலாந்து முதல் டெஸ்ட்… எங்கு எப்படி பார்ப்பது? ப்ளேயிங் லெவன் என்ன? – விவரம்</a></span></p>
<p class="p2"> </p>
<p class="p2"> </p>