<h2 class="p2"><strong>ஐ.பி.எல் 2024:</strong></h2>
<p class="p3">சர்வதேச அளவில் எத்தனையோ லீக் போட்டிகள் நடத்தப்பட்டாலும் இந்தியாவில் நடத்தப்படும் ஐ<span class="s1">.</span>பி<span class="s1">.</span>எல் லீக் போட்டிகளே மிகவும் பிரபலமானது<span class="s1">. </span>அந்த அளவிற்கு ஐ<span class="s1">.</span>பி<span class="s1">.</span>எல் போட்டிகளில் சுவரஸ்யமான பல சம்பவங்கள் நடைபெறுவது வழக்கம்<span class="s1">. </span>அதன்படி<span class="s1">, </span>கடந்த<span class="s1"> 2008 </span>ஆம் ஆண்டு அறிமுகம் செய்யப்பட்ட ஐ<span class="s1">.</span>பி<span class="s1">.</span>எல் தொடரில் இதுவரையில் மொத்தம்<span class="s1"> 16 </span>சீசன்கள் நடந்து முடிந்துள்ளது<span class="s1">. </span></p>
<p class="p3">சென்னை சூப்பர் கிங்ஸ்<span class="s1">, </span>டெல்லி கேப்பிட்டல்ஸ்<span class="s1">, </span>குஜராத் டைட்டன்ஸ்<span class="s1">,</span>கொல்கத்தா நைட் ரைடர்ஸ்<span class="s1">, </span>லக்னோ சூப்பர் ஜெயண்ட்ஸ்<span class="s1">, </span>மும்பை இந்தியன்ஸ்<span class="s1">, </span>பஞ்சாப் கிங்ஸ்<span class="s1">, </span>ராஜஸ்தான் ராயல்ஸ்<span class="s1">, </span>ராயல் சேலஞ்சர்ஸ் பெங்களூரு<span class="s1">, </span>சன்ரைசர்ஸ் ஹைதராபாத் அணிகள் விளையாடும்<span class="s1"><span class="Apple-converted-space"> </span>17</span>வது சீசன் நடைபெற உள்ளது<span class="s1">. </span></p>
<p class="p3">இந்நிலையில் ஐ<span class="s1">.</span>பி<span class="s1">.</span>எல் தொடரின் அட்டவணை இன்று<span class="s1"> (</span>பிப்ரவரி<span class="s1"> 22) </span>வெளியானது<span class="s1">. </span>அதன்படி சென்னை சேப்பாக்கம் மைதானத்தில் நடைபெறும் முதல் போட்டியில் சென்னை சூப்பர் கிங்ஸ் மற்றும் ராயல் சேலஞ்சர்ஸ் அணிகள் விளையாட உள்ளன<span class="s1">. </span>இதில் குஜராத் டைட்டன்ஸ் மற்றும் மும்பை இந்தியன்ஸ் அணிகள் மோதும் போட்டி மார்ச்<span class="s1"> 24 </span>ஆம் குஜராத் மாநிலம் நரேந்திர மோடி மைதானத்தில் நடைபெற உள்ளது<span class="s1">. </span>முன்னதாக, இந்த போட்டியின் மீதான எதிர்பார்ப்பு இப்போதே ரசிகர்களிடம் எகிறியுள்ளது<span class="s1">. </span>அதற்கான காரணம் என்னவென்றால் கடந்த முறை குஜராத் அணியின் கேப்டனாக இருந்த ஹர்திக் பாண்டியா இந்த முறை மும்பை இந்தியன்ஸ் அணியை கேப்டன் பொறுப்பில் இருந்து வழிநடத்த இருக்கிறார்<span class="s1">. </span></p>
<h2 class="p2"><strong>குஜராத் டைட்டன்ஸ் vs மும்பை இந்தியன்ஸ்:</strong></h2>
<p class="p3">கடந்த<span class="s1"> 2022 </span>ஆம் ஆண்டில் ஐ<span class="s1">.</span>பி<span class="s1">.</span>எல் தொடரில் அறிமுகமான குஜராத் அணிக்கு அந்த ஆண்டே கோப்பையை வென்று கொடுத்தவர் ஹர்திக் பாண்டியா<span class="s1">. </span>கடந்த வருடமும் இவர் தலைமையிலான குஜராத் அணி சென்னை சூப்பர் கிங்ஸ் அணியுடன் இறுதிப் போட்டியில் விளையாடியது<span class="s1">. </span>இப்படி ஐ<span class="s1">.</span>பி<span class="s1">.</span>எல் தொடரில் அறிமுகமான இரண்டு ஆண்டுகளிலேயே குஜராத் அணியை வலிமைமிக்க அணியாக மாற்றியவர்<span class="s1">. </span></p>
<p class="p3">இச்சூழலில் தான் மும்பை இந்தியன்ஸ் அணி அவரை தங்கள் அணிக்கு ஏலத்தில் எடுத்து கேப்டனாக நியமித்தது<span class="s1">. இது ரோகித் சர்மா ரசிகர்களிடம் பெரும் கொந்தளிப்பை ஏற்படுத்தியது. அதோடு மும்பை இந்தியன்ஸ் அணியின் சமூக வலைதள பக்கங்களில் பின் தொடர்பவர்களின் எண்ணிக்கையும் சரிந்தது. மேலும், மும்பை இந்தியன்ஸ் கொடியையும் தீயிட்டு கொளுத்தினார்கள். இதனிடையே</span> குஜராத் அணியின் கேப்டனாக சுப்மன் கில்லை அந்த அணி நியமித்தது<span class="s1">. </span></p>
<p class="p3"><span class="s1">இப்படி ஒரு சில மாற்றங்கள் நடைபெற்ற நிலையில் தான் தான் கேப்டனாக செயல்பட்டு கோப்பையை வென்று கொடுத்த அணிக்கு எதிராக ஹர்திக் பாண்டியா விளையாட உள்ளார். ஹர்திக் பாண்டியாவின் படையில் விளையாடிய சுப்மன் கில் இந்த முறை அந்த அணியின் கேப்டனாக இருப்பதால் இரு அணிகளும் மோதும் போட்டியில் அனல் பறக்கும் என்பது உண்மை.</span></p>
<p class="p3"><span class="s1">மேலும் படிக்க:<a title="CSK vs RCB: சென்னையில் முதல் போட்டி: சேப்பாக்கம் என்றாலே CSK தான்! RCB-யை எத்தனை முறை தோற்கடித்திருக்கிறது தெரியுமா?" href="https://tamil.abplive.com/sports/ipl/ipl-2024-opening-clash-csk-vs-rcb-chennai-super-kings-vs-royal-challengers-bangalore-head-to-head-in-chepauk-stadium-169033" target="_blank" rel="dofollow noopener">CSK vs RCB: சென்னையில் முதல் போட்டி: சேப்பாக்கம் என்றாலே CSK தான்! RCB-யை எத்தனை முறை தோற்கடித்திருக்கிறது தெரியுமா?</a></span></p>
<p class="p3"> </p>
<p class="p3">மேலும் படிக்க: <a title="IPL 2024: ஐ.பி.எல் 2024…அட்டவணை வெளியானது…முதல் போட்டியில் மோதும் அணி எது தெரியுமா?" href="https://tamil.abplive.com/sports/ipl/ipl-2024-schedule-fixtures-timings-and-venues-details-169017" target="_blank" rel="dofollow noopener">IPL 2024: ஐ.பி.எல் 2024…அட்டவணை வெளியானது…முதல் போட்டியில் மோதும் அணி எது தெரியுமா?</a></p>
<p class="p3"> </p>
<p class="p3"> </p>
<p class="p3"> </p>