actp news

Tamil Online news Website

Unreserved Train Coaches: ரயில் பயணிகளுக்கு ஹேப்பி நியூஸ் – தெற்கு ரயில்வே சூப்பர் அறிவிப்பு! – unreserved train coaches in 12 trains from december 3 says southern railway

ஹைலைட்ஸ்:

  • ரயில் பயணிகளுக்கு ஹேப்பி நியூஸ்
  • தெற்கு ரயில்வே சூப்பர் அறிவிப்பு!

கொரோனா தொற்று குறைந்துள்ளதால் முன்பதிவு இல்லாத பெட்டிகள் மீண்டும் 12 ரயில்களில் இணைக்கப்படும் என்றும், இதில் வரும் 3 ஆம் தேதி முதல் மக்கள் பயணிக்கலாம் என்றும் தெற்கு ரயில்வே வாரியம் தெரிவித்து உள்ளது.

இந்தியாவில், கொரோனா வைரஸ் தொற்றின் இரண்டாவது அலையின் தாக்கம் குறைந்து வருவதை அடுத்து, பல்வேறு துறைகளில் தளர்வுகள் அளிக்கப்பட்டு வருகின்றன. அதன் ஒரு பகுதியாக, ரயில்வே துறையிலும், ரயில் பயணிகளுக்கும் தளர்வுகள் அளிக்கப்பட்டுள்ளன. ரயில் சேவையை மீண்டும் இயல்புநிலைக்கு கொண்டு வரும் நோக்கில் ரயில்வே நிர்வாகம் பல்வேறு அதிரடி நடவடிக்கை எடுத்து வருகிறது. இதை அடுத்து முன்பதிவு இல்லாத பெட்டிகள் குறிப்பிட்ட ரயில்களில் இணைக்கப்படும் என தெற்கு ரயில்வே அறிவித்திருந்தது.

இந்நிலையில், இது தொடர்பாக தெற்கு ரயில்வே வாரியம் வெளியிட்டுள்ள அறிக்கையில் தெரிவித்துள் உளதாவது:
கொரோனா தொற்று பரவல் காரணமாக ரயில்களில் முன்பதிவு இல்லாத பெட்டிகள் அகற்றப்பட்டன. அனைத்து ரயில்களிலும் முன்பதிவு செய்து பயணம் செய்ய வேண்டும் என்று அறிவிக்கப்பட்டிருந்தது. கொரோனா வைரஸ் தொற்று குறைந்துள்ளதால் தளர்வுகள் படிப்படியாக அறிவிக்கப்பட்டு உள்ளன.


அதன்படி, முன்பதிவு இல்லாத பெட்டிகள் மீண்டும் 12 ரயில்களில் இணைப்பதற்கு ரயில்வே வாரியம் அனுமதி அளித்துள்ளது. முதல் கட்டமாக அனுமதிக்கப்பட்டுள்ள ரயில்கள் வரும் 3 ஆம் தேதி முதல் முன்பதிவு இல்லாத பயணிகள் ரயில்களில் செல்ல அனுமதிக்கப்படுகின்றனர்.

ரயில்கள் விபரம் வருமாறு:
சென்ட்ரல் – பெங்களூரு பிருந்தாவன் எக்ஸ்பிரஸ் , பெங்களூரு பிருந்தாவன் – சென்ட்ரல், சென்ட்ரல் – கோவை எக்ஸ்பிரஸ், கோவை – சென்ட்ரல் இண்டர்சிட்டி, விழுப்புரம் – திருப்பதி எக்ஸ்பிரஸ், திருப்பதி – விழுப்புரம், சென்ட்ரல் – திருப்பதி எக்ஸ்பிரஸ், திருப்பதி – சென்ட்ரல், சென்ட்ரல் – திருப்பதி சப்தகிரி எக்ஸ்பிரஸ், திருப்பதி சப்தகிரி எக்ஸ்பிரஸ் – சென்ட்ரல், மங்களூரு சென்ட்ரல் – மட்கான் பாசஞ்சர், மட்கான்- மங்களூரு சென்ட்ரல் பாசஞ்சர்.


இந்த 12 ரயில்களில் முன்பதிவு இல்லாத பெட்டிகள் இணைக்கப்பட்டு இரண்டாம் வகுப்பு உட்கார்ந்து செல்லும் கட்டணம் வசூலிக்கப்படும்.
இவ்வாறு தெற்கு ரயில்வே வாரியம் தெரிவித்து உள்ளது.

நன்றி

செய்திகளை உடனுக்குடன் தெரிந்துகொள்ள actp news இணையதளத்துடன் இணையுங்கள்

Android App

Facebook

Twitter

Dailyhunt

Share Chat

Telegram

Koo App

Leave a Reply

Your email address will not be published. Required fields are marked *