‘நாட்டில் அனைத்து நடைமுறைகளும் சரியானதாக இல்லாத நிலையிலும், நீதிபதிகளை நியமிக்க நாம் உருவாக்கியிருக்கும் ‘கொலீஜியம்’ முறை சிறந்த நடைமுறையாக திகழ்கிறது’ என்று உச்ச நீதிமன்ற தலைமை நீதிபதி டி.ஒய்.சந்திரசூட் கூறினாா்.

கொலீஜியம் நடைமுறையில் மத்திய அரசுக்கும் நீதித் துறைக்கும் இடையே உரசல் நிலவிவரும் சூழலில், இக்கருத்தை தலைமை நீதிபதி தெரிவித்துள்ளாா். நீதிபதிகளை நீதிபதிகளே நியமிக்கும் கொலீஜியம் நடைமுறையை ரத்து செய்ய மத்திய அரசு தொடா் முயற்சிகளை மேற்கொண்டு வருகிறது. ஆனால், உச்சநீதிமன்றம் அதற்கு எதிா்ப்பு தெரிவித்து வருகிறது.

இந்த நிலையில், தில்லியில் தனியாா் பத்திரிகை நிகழ்ச்சியில் சனிக்கிழமை பங்கேற்ற தலைமை நீதிபதி சந்திரசூட் பேசியதாவது:

நாட்டில் அனைத்து நடைமுறைகளும் சரியானதாக இல்லை. ஆனால், கொலீஜியம் முறையை சிறந்த நடைமுறையாக நாம் உருவாக்கியிருக்கிறோம். நீதித் துறையின் மிக முக்கிய மதிப்பாக கருதப்படும் சுதந்திரமான செயல்பாட்டை பாதுகாப்பதே இதன் நோக்கமாகும். நீதித் துறை சுதந்திரமாக செயல்பட வேண்டுமெனில், அதனை வெளி செல்வாக்குகளின் அழுத்தத்திலிருந்து நாம் பாதுகாக்க வேண்டும்.

மேலும், வழக்குகளில் எவ்வாறு தீா்ப்பளிக்க வேண்டும் என்பது தொடா்பாக அரசிடமிருந்து எந்தவித அழுத்தமும் நீதிமன்றத்துக்கு அளிக்கப்படுவதில்லை. எனது 23 ஆண்டு நீதிபதி பணியில், ஒரு வழக்கை எவ்வாறு தீா்மானக்க வேண்டும் என யாரும் அழுத்தம் கொடுத்தது கிடையாது. குறிப்பாக, அரசிடமிருந்து எந்தவித அழுத்தமும் நீதிமன்றத்துக்கு அளிக்கப்படுவதில்லை. தோ்தல் ஆணையா் நியமனங்கள் தொடா்பான தீா்ப்பு இதற்கு சிறந்த உதாரணம் என்று கூறினாா்.

அரசின் கருத்தும் முக்கியமானது – நீதிபதி போப்டே:

‘நீதிபதிகள் நியமனத்தில் நீதித் துறை பங்கு முதன்மையானது; ஆனால், அரசின் கருத்தும் முக்கியமானது’ என்று இந்த நிகழ்ச்சியில் பங்கேற்ற உச்ச நீதிமன்ற முன்னாள் தலைமை நீதிபதி எஸ்.ஏ.போப்டே கூறினாா்.

அவா் மேலும் கூறுகையில், ‘நீதிபதியாக நியமிக்க தகுதியுடையவரை நீதித் துைான் சிறந்த முறையில் தோ்வு செய்ய முடியும். ஒருவா் வழக்குரைஞராக சோ்ந்தது முதல் அவருடைய பணிகளையும் தீா்ப்புகள் மீதான மேல்முறையீடுகளையும் நீதித் துைான் கண்காணித்து வருகிறது. அதே நேரம், உளவுத் துறை அறிக்கையின் அடிப்படையில் சிறந்த நபரை நீதிபதியாக தோ்வு செய்வதில் அரசு அதிகாரிகளின் கருத்தும் முக்கியமானதாக உள்ளது. எனவே, அரசின் கருத்தை எடுத்துக்கொள்ள வேண்டும், ஆனால், நீதிபதிகள் நியமனத்தில் தலைமை நீதிபதி அல்லது கொலீஜியம்தான் முதன்மையானதாக இருக்க வேண்டும் என்பதே எனது கருத்து’ என்றாா்.