0
0
காங்கிரஸ் தலைவர் சோனியா காந்தியின் தனிப்பட்ட செயலாளர் மீது பெண் ஒருவர் பாலியல் புகார் அளித்திருப்பது அதிர்ச்சியை ஏற்படுத்தியுள்ளது.
காங்கிரஸ் தலைவர் சோனியா காந்தியின் தனிப்பட்ட செயலாளர் பிபி மாதவன் மீது 26 வயது பெண் அளித்த பாலியல் பெயரில் போலீசார் இந்திய தண்டனைச் சட்டம் 376 மற்றும் 506 ஆகிய பிரிவுகளின் கீழ் வழக்குப் பதிவு செய்துள்ளனர்.
பாதிக்கப்பட்ட பெண், பிபி மாதவன் தனக்கு வேலை வாங்கித் தருவதாகக் கூறி ஏமாற்றியதாகவும், திருமணம் செய்து கொள்வதாக உறுதியளித்ததாகவும் தெரிவித்துள்ளார்.
பாதிக்கப்பட்ட பெண் பாலியல் பலாத்காரம் செய்யப்பட்டதாகவும், இந்த விஷயத்தை தெரிவித்தால் மோசமான விளைவுகளைச் சந்திக்க நேரிடும் குற்றம் சாட்டப்பட்டவர் மிரட்டியதாக போலீசார் தெரிவித்தனர்.
மேலும் 2020 ஆம் ஆண்டு கொரோனா வைரஸ் நோயால் கணவனை இழந்த பெண்ணுக்கு, நல்ல சம்பளம் தரக்கூடிய வேலையைத் தருவதாகக் கூறி, மாதவன் ஏமாற்றியதாக கூறப்படுகிறது.
தலைநகர் டெல்லியில் உள்ள காங்கிரஸ் அலுவலகத்தில் விளம்பரப் பதாகைகளை ஒட்டிய கணவர் இறந்த பிறகு, அந்தப் பெண் வேலை தேடி காங்கிரஸ் அலுவலகத்துக்குச் செல்லத் தொடங்கினார். இங்குதான் அவளுக்கு மாதவனுடன் தொடர்பு ஏற்பட்டதாக போலீஸ் விசாரணையில் தெரியவந்துள்ளது.
திருமணத்தை உறுதி செய்வதாக கூறி மாதவன் தன்னை இரண்டு முறை பாலியல் பலாத்காரம் செய்ததாக பெண் குற்றம் சாட்டியதாக போலீசார் தெரிவித்துள்ளனர்.
மாதவன் விவாகரத்து செய்ததாக தன்னிடம் பொய் சொன்னதாகவும், அவருக்கு திருமணமானவர் என்பதை அறிந்ததும் அவளை தவிர்க்க ஆரம்பித்ததாகவும் பாதிக்கப்பட்ட பெண் விசாரணையில் தெரிவித்துள்ளார் மேலும் இது தொடர்பாக விசாரணை நடைபெற்று வருகிறது.
